NDANI SO A YEKE KOTA YE: Fango tënë na téléphone ayeke mbeni kpengba lege ti “fa nda ti tënë ni kue na ndö ti nzoni tënë”. (Kus 20:24) *. A mû lege na e ti fa tënë na azo so mbeni ye akanga lege na e ti wara terê na ala.

LEGE TI SARA NI:

• Leke terê ti mo. Soro mbeni tënë so agbu bê ti azo mingi, na sara plan ti atënë so mo ye ti tene. Mo lingbi nga ti leke mbeni nduru tënë so mo lingbi ti zia, so afa nda ti appel ti mo ni tongana atï na ndö ti répondeur. A yeke nzoni ti duti na devant ti table na plan ti mo ni nga na ambeni ye so mo yeke na bezoin ni, na tapande mbeni appareil so ayeke na JW Library^® wala so amû lege na mo ti gue na ndö ti jw.org^®

• Sara mbeto ape. Sara tënë tongana ti so mo yeke sara ka. He ngia kete nga sara geste mo bâ mo tene zo ni ayeke bâ mo. Kpe ti sara asenge senge pause. A yeke nzoni ti tene ambeni zo aduti na terê ti mo. Tongana zo ni ahunda tënë, kiri peko ni na kota go, tongaso si azo so ayeke na terê ti mo apeut ti aidé mo ti wara kiringo tënë ni

• Zia mbeni tënë ndali ti vizite ti peko. Tongana lisoro ni anzere na zo ni, zia na lo mbeni hunda so mo yeke kiri tënë na ni na ngoi so mo iri lo ti peko. Mo lingbi ti hunda nga ti sara e-mail na lo, ti gue na lo mbeni fini périodique, wala ti tokua ni na e-mail, wala ti tokua na lo mbeni vidéo ti e wala mbeni article. Tongana lege ayeke dä, sara tënë ti aye so ayeke na ndö ti site ti e na lo