A yeke Jéhovah la ayeke sara si ngongoa ti tâ tënë amaï na yâ ti bê ti mbeni zo nga akono (1aC 3:6-9). Tongaso, ti sara kua ti fango tënë nzoni, e doit ti zia bê ti e na ndö ti Jéhovah ti mû maboko na e nga na azo so e yeke sara étude na ala.

Hunda na Jéhovah ti aidé azo so mo yeke sara étude na ala ti gbu lê ni na yâ ti akpale nga ti hon ndö ti akangango lege (aPh 1:9, 10). Sara tënë polele na yâ ti sambela ni. Sambela ti wara yingo vulu ti fa lege na apensé nga na asarango ye ti mo (Lc 11:13). Fa na azo so mo yeke sara étude na ala tongana nyen ti sambela nga wa ala ti sara ni. Sambela na ala nga sambela ndali ti ala, na sarango kua na iri ti ala.

BÂ VIDÉO WARA NGIA SO ZO AYEKE WARA NA SARANGO ADISCIPLE—YEDA NA MUNGO MABOKO TI JÉHOVAH: SAMBELA, NA PEKONI KIRI TËNË NA AHUNDA SO:

• Kpale wa la Neeta awara na yâ ti étude ti lo na Jenny?

• Tongana nyen la 1 aCorinthien 3:6 a-aidé Neeta?

• Tongana nyen la kpale ti Neeta ahunzi?