Na yâ ti mbaï, awakua ti Nzapa asara aye so apika bê mingi, gï na ngangu ti ala wani ape, me ndali ti so Jéhovah amû maboko na ala. Na 1954, bungbi ti Jéhovah asigi na mbeni vidéo so li ni ayeke Bungbi ti Jéhovah angbâ ti sara kua. A yeke aBéthelite so ayeke na kode ti sarango avidéo ape la asigi na ni ti kozoni. A yeke gï na lege ti yingo vulu ti Jéhovah la a sara kua so ayeke ngangu mingi so. Ye so asara si e yeke na confiance so tongana e zia bê ti e na Jéhovah, e lingbi ti sara akua kue so a mû na e nzoni.—Zac 4:6.

BÂ VIDÉO “BUNGBI TI JÉHOVAH ANGBÂ TI SARA KUA,” NA PEKONI KIRI TËNË NA AHUNDA SO:

• Ngbanga ti nyen a mû desizion lani ti sara mbeni vidéo na ndö ti kota ndokua ti e?

• Tongana nyen la vidéo ni afa so Béthel ayeke tongana terê ti zo?—1aC 12:14-20

• Akpale wa la aita ni awara na ngoi ti sarango vidéo ni? Tongana nyen la ala hon ndö ni?

• Nyen la ye so asi so afa na e na ndö ti yingo vulu ti Jéhovah?