Jéhovah aga nduru mingi awe ti zia ti kanga bê na dunia so. A yeke futi ande abungbi ti vorongo ti wataka, mbeni bungbi ti amara ayeke londo ti sara bira na azo ti Nzapa na Jéhovah ayeke futi azo ti sioni na Harmaguédon. A-Chrétien ayeke ku akpengba ye so kungo.

Ti tâ tënë ni, e hinga adétail kue ape na ndö ti kota ye ti vundu. Na tapande, e hinga pëpe mbilimbili lango so a yeke komanse. E hinga pëpe araison so agouvernement ayeke sigi na ni ti tiri bira na abungbi ti Nzapa. E hinga pëpe wala ngoi oke la amara ayeke sara bira na azo ti Nzapa wala nyen la amara ni ayeke sara. E hinga nga ape mbilimbili ye so Jéhovah ayeke sara kua na ni ti futi azo ti sioni na Harmaguédon.

Me Bible afa na e aye kue so e yeke na bezoin ni tongaso si e duti na confiance nga na courage na yâ ti aye so ayeke si ande. Na tapande, e hinga so e yeke na hunzingo ti “lâ ti nda ni.” (2Tm 3:1). E hinga so a yeke “fâ yâ ti ngoi” so ayeke sara na bira na abungbi ti Nzapa tongaso si a futi pëpe tâ bungbi ti vorongo Nzapa (Mt 24:22). E hinga so Jéhovah ayeke sö ande azo ti lo (2Pi 2:9). E hinga nga so Zo so Jéhovah asoro lo ti futi azo ti sioni nga ti bata azo mingi mingi na Harmaguédon ayeke mbilimbili nga ayeke na ngangu mingi.—Apc 19:11, 15, 16.

Ti vrai ni, aye so ayeke si ande ayeke sara si azo ayeke “kui na mbeto.” Me, ti diko nga ti gbu li na ndö ti fason so Jéhovah asö na azo ti lo ândö nga na ndö ti ye so lo fa na ndö ti gigi ti kekereke, e peut ti “luti droit na [e] yô li ti [e] na nduzu” na confiance so a ga nduru ti zi e awe.—Lc 21:26, 28.