Jésus afa lani “nzoni tënë ti Royaume ti Nzapa”. (Lc 4:43). Lo fa nga na azo lani ti sambela ndali ti Royaume so (Mt 6:9, 10). Na nze ti novembre so, e yeke sara kue ti fa tënë na ndö ti Royaume ti Nzapa (Mt 24:14). Leke programme ti mo ti tene mo mû mbage mingi na kapa ti fango tënë so. Azo kue so ayeke sara kua ti pionnier auxiliaire na nze ni so alingbi ti soro ti mû l’heure 30 wala 50.

Gi ti sara kue ti fa ye na ndö ti Royaume ti Nzapa na gbâ ti azo na yâ ti territoire ti mo. Na ngoi so mo yeke soro mbeni versê, gi ti pensé na bungbi ti Nzapa so azo ni asara. Tongana mbeni zo ayeda na tënë ni na kozo tingbingo terê, mû na lo Tour ti Ba Ndo N° 2 ti 2020. Na pekoni sara kue ti kiri ti bâ lo, na komanse ti sara étude na lo na lege ti mbeni mbeti so ayeke na popo ti agbakuru so e yeke fa na ye na azo. A ga tâ nduru mingi awe ti tene Royaume ti Nzapa afuti agouvernement kue so ake ni (Dan 2:44; 1aC 15:24, 25). Ni la, zia e sara kue ti mû mbage mingi na kapa so azi na e ti mû mbage ti Jéhovah nga na Royaume ti lo.