Tongana e wara gi mbeni molenge na yanga-da ni, a lingbi e hunda ti sara lisoro na babâ wala mama ti lo. Ye so afa so e ne ala so ayeke mû li ni na yâ ti sewa ni (aPr 6:20). Tongana molenge ni atisa e ti ga na da ni, a lingbi e ke. Tongana babâ na mama ti lo ayeke dä ape, a lingbi e kiri na mbeni ngoi nde.

Tongana molenge ni akono awe, peut-être lo yeke na popo ti ngu 15 ti si na ngu 19, a yeke lakue nzoni ti hunda ti bâ babâ wala mama ti lo. Tongana ala yeke dä ape, e peut ti hunda lo eskê babâ wala mama ti lo ayeke yeda ti tene lo soro mbeti so lo ye ti diko. Tongana ayeke tongaso, e lingbi ti mû na lo mbeti ni nga peut-être ti tokua lo na ndo ti site jw.org.

Tongana e kiri ti sara lisoro na mbeni maseka so ayeda na tënë ni, a lingbi e hunda ti bâ babâ wala mama ti lo. Ye so ayeke zi lege na e ti fa nda ti gango ti e nga ti fa na ala awango na ndo ti sewa so e lingbi ti zia bê ti e na ni so ayeke na yâ ti Bible (Ps 119:86, 138). Tongana e fa so e ne babâ na mama ni ayeke duti ande mbeni ye so azo ayeke tene nzoni témoignage ni nga alingbi ti zi lege na e ti fa nzoni tënë na azo ti sewa ni.—1Pi 2:12.