Mbeni nzoni mariage ti aChrétien ayeke mû gonda na Jéhovah nga ayeke ga na ngia na koli na wali ni (Mc 10:9). Ti tene mariage ti aChrétien aninga nga ala wara ngia dä, a lingbi ala ngbâ nduru na amama-ndia ti Bible na ngoi so ala yeke soro wali wala koli ti ala.

Komanse ti bâ terê na mbeni zo ndali ti mariage gï tongana mo “kpengba koli wala wali awe” si, ndali ti so tongana a yeke na ngoi so nzara ti terê ti mo agbu mo mingi, a yeke ngangu na mo ti mû nzoni desizion (1aC 7:36). Sara kua na ngoi ti kumbamba ti mo na ndara ti kpengba songo ti mo na Nzapa nga ti maï asarango ye ti aChrétien. Na nda ni, mo yeke wara lege ande ti sara aye mingi ti tene mariage ti mo aga nzoni.

Kozo ti yeda ti sara mariage na mbeni zo, mû ngoi nzoni ti gi ti hinga “zo ti yâ ni” ti lo (1Pi 3:4). Tongana mo komanse ti duti na kite na ndö ti ambeni ye, sara lisoro na lo. Tongana ti tanga ti asongo kue, na yâ ti mariage mo doit ti pensé mingi na ye so mo peut ti mû na koli wala wali ti mo ahon ye so mo yeke wara ande na mbage ti lo (aPh 2:3, 4). Tongana mo sara ye alingbi na amama-ndia ti Bible kozo na mariage, mo yeke leke pendere fondation ti mbeni mariage so ayeke na ngia.

BÂ VIDÉO TONGANA NYEN TI LEKE TERÊ TI MO NDALI TI MARIAGE—MBAGE 3: “DIKO NGERE NI,” NA PEKONI KIRI TËNË NA AHUNDA SO:

• Tongana nyen la songo ti ita-wali so na Shane ague na li ni?

• Nyen la ita-wali ni abâ na ngoi so lo komanse ti hinga Shane nzoni?

• Tongana nyen la babâ na mama ti lo a-aidé lo? Nzoni desizion wa la lo mû lani?