Na ambeni ngoi e kue e yeke na vundu. Sarango vundu aye ti tene ape so e yeke na mabe na Jéhovah ape. Même Jéhovah nga kue afa so na ambeni ngoi vundu asara lo (Ge 6:​5, 6). Me ka tongana fani mingi wala même lakue vundu ahon ndö ti e?

Sambela Jéhovah ti aidé mo. Jéhovah ayeke pensé mingi na atënë ti bê ti e. Lo hinga ngoi so e yeke na ngia nga ngoi so e yeke na vundu. Lo comprendre ngbanga ti nyen la e yeke pensé tongaso wala e yeke na asentiment ni so (Ps 7:9b). Kota ye ni ayeke so, Jéhovah ayeke pensé na e nga lo peut ti aidé e ti hon ndö ti avundu ti e wala même ti kota vundu.—Ps 34:18.

Bata li ti mo nzoni. Tongana e découragé, e yeke na ngia ape na ye so apeut ti buba yâ ti songo ti e na Jéhovah. Ndani la, e yeke sara kue ti bata bê ti e: Zo ti e ti yâ ni.—aPr 4:23.

BÂ VIDÉO TONGANA NYEN LA AITA TI E AYEKE NA SIRIRI ATÂA KANGANGO LEGE, NA PEKONI KIRI TËNË NA AHUNDA SO:

• Anzoni ye wa la Nikki asara lani ti aidé lo ti hon ndö ti kota vundu so asara lo?

  Kiringo tënë ti mo

• Ngbanga ti nyen la Nikki abâ so lo bezoin ti gue ti bâ docteur ti wara mungo maboko?—Mt 9:12

  Kiringo tënë ti mo

• Na alege wa la Nikki asara confiance na Jéhovah ti aidé lo?

  Kiringo tënë ti mo