LEGE TI HON NDÖ TI BIBE TI KENGO ZO
1 | Sara kangbi na popo ti azo ape
Fango ye ti Bible:
“Nzapa ayeke sara kangbi na popo ti azo pëpe, me na yâ ti amara kue, zo so akpe mbeto ti lo na asara ye so ayeke mbilimbili, lo yeke nzere na lê ti Nzapa.”—KUSALA 10:34, 35.
Tënë so aye ti tene nyen:
Jéhovah * Nzapa ayeke fâ ngbanga na li ti e ape ndali ti kodro ti e, mara ti e, couleur ti terê ti e, wala ngobo ti e. Me, lo yeke bâ gï apensé ti e nga na aye so apusu e ti sara ye. Bible atene nga so, “zo ayeke bâ gï ye so lê ti lo ayeke bâ, me Jéhovah abâ ye so ayeke na yâ ti bê ti zo.”—1 Samuel 16:7.
Ye so mo peut ti sara:
Atâa so e peut ti hinga ye so ayeke na yâ ti bê ti azo ape, e peut ti gi ti sara ye tongana Nzapa nga e sara kangbi na popo ti azo ape. Gi ti hinga zo oko oko ahon ti bâ ala na groupe. Tongana mo yeke na asioni pensé na ndö ti ambeni zo so peut-être mara ti ala wala kodro ti ala ayeke nde, sambela Nzapa ti tene lo aidé mo ti zi mara ti bibe ni so (Psaume 139:23, 24). Tongana mo hunda na Nzapa na bê ti mo kue ti aidé mo ti sara kangbi na popo ti azo ape, mo peut ti duti sûr so lo yeke mä sambela ti mo nga lo yeke aidé mo.—1 Pierre 3:12.
^ Jéhovah ayeke iri ti Nzapa.—Psaume 83:18.
“Lâ oko mbi na mbeni munzu e duti place oko tongaso ape . . . Laso, mbi yeke na yâ ti sewa ti e ti aita so ayeke na yâ ti dunia kue.”—TITUS
Bâ nga
ZINGO NA LANGO!
Mo ke zo senge senge awe?
Ambeni sarango ye wa la apeut ti fa na e so e yeke na bibe ti kengo zo senge senge?
