TONGANA mo sö kuâ na yâ ti kpale tongana kota pupu so aya wala ngu so asuku amû ndo, mo peut ti comprendre azo so mara ti kpale ni so asi na ala: mingi ni ala yeke croire na ye ni so asi so ape, li ti ala ayeke ga kirikiri, gingo bê ahon ndö ti ala nga ala yeke bâ asioni bango-li. Ambeni ayeke même na nzara ti sara effort ti hon ndö ti vundu ni so ape, ndali ti so ala découragé mingi nga ngangu ahunzi na ala kue.

Tongana mo perdre aye ti mo kue ndali ti mbeni ngangu kpale so asi, mo kue mo peut ti bâ so a yeke ngangu na mo ti supporté ni. Mo peut même ti pensé so a yeke bien ti ngbâ na fini ape. Me, Bible afa so a yeke bien ti ngbâ na fini nga mo peut ti duti na confiance so kekereke aye ayeke ga nzoni.

Zo-ti-fa-tene 7:8 atene: “Hunzingo ti ye ayeke nzoni ahon tongo nda ni.” Tongana mo londo ti sigi na yâ ti mbeni ngangu kpale, mo peut ti bâ so gigi anzere ape. Me tongana mo kanga bê, mo sara effort, aye apeut ti ga nzoni.

Bible atene so na mbeni ngoi ande “a yeke mä  . . encore ape go ti azo so atoto wala ti azo so adekongo na vundu.” (Ésaïe 65:19). Ye so ayeke si biani na ngoi so Royaume ti Nzapa ayeke sara ande si sese aga paradis (Psaume 37:11, 29). Atënë ti kota pupu so aya wala ngu so asuku amû ndo ayeke ga ande gï ngbene tënë. A yeke zi ande avundu nga na asioni ye ti peko ti kpale ni so aninga na terê ti e ndali ti so Nzapa so ngangu ti lo ahon angangu kue atene: “Azo ayeke dabe ti ala na angbene ye encore ape, nga azo ayeke bi bê ti ala na ni pëpe.”​—Ésaïe 65:17.

Bâ ye ma: Zo so acréé e aleke “ti mû na [mo] mbeni nzoni gigi ti kekereke nga na beku,” mbeni gigi so mo yeke na siriri na yâ ni na gbe ti Royaume ti Nzapa (Jérémie 29:11). Ti hinga tâ tënë ti Bible so, eskê a peut ti mû na mo nzara ti ngbâ na fini? Sally, so e sara tënë ti lo kozo atene: “Ti gbu li na ndö ti apendere ye kue so Royaume ti Nzapa ayeke sara ande apeut ti aidé mo ti zia ti pensé gï na sioni ye so asi na mo so, na ti hon ndö ti kpale so mo yeke na yâ ni fadeso.”

A yeke bien ti tene mo gi ti hinga ye mingi na ndö ti ye so Royaume ti Nzapa ayeke sara ande. Tongana mo sara ni, mo yeke duti ande na confiance so, atâa vundu so mo wara, gigi apeut ti nzere na mo laso, na temps so mo ngbâ ti ku ngoi so akota kpale ni so ayeke duti ande dä ape. Nga, Bible amû ambeni wango so apeut ti aidé mo ti hon ndö ti akpale so asi na mo na peko ti ye ti ngangu so. Zia e bâ tapande ti ambeni wango ni.