A leke e ti ngbâ na fini teti lakue lakue
ZO WA la na popo ti e aye ti vivre aninga ape nga ti duti na ngia ape? Imaginé tongana nyen la a yeke duti tâ pendere mingi tongana e peut ti ngbâ na fini lakue lakue, na nzoni seni nga na ngia! E yeke wara ngoi ti duti na azo so e ye ala, ti sara avoyage na ando kue na yâ ti dunia, nga ti manda gbâ ti aye so e ye ti manda.
Ngbanga ti nyen la azo aye ti ngbâ na fini lakue lakue? Bible afa na e so Nzapa la azia nzara ni so na yâ ti e (Zo-ti-fa-tene 3:11). Bible atene nga so “Nzapa ayeke ndoye.” (1 Jean 4:8). Eskê a yeke duti na lege ni ti tene Nzapa so andoye e acréé e na nzara ti ngbâ na fini lakue lakue, tongana e peut lâ oko ti ngbâ na fini lakue lakue ape?
A yeke polele so, zo oko aye ti kui ape. Ni la Bible asara tënë ti kuâ tongana mbeni “wato”. (1 aCorinthien 15:26). Ambeni zo ayeke kui na maseka ti ala; ti ambeni ala vivre aninga, me nyen na nyen zo kue ayeke kui. Ti azo mingi tongana ala pensé na ndö ti tënë ti kuâ, mbeto ayeke sara ala. Me eskê mbeni lâ kuâ ayeke duti dä encore ape? Eskê a yeke tâ possible?
AYE SO ASARA SI E YEKE NA BEKU
Eskê mo hinga so Nzapa aleke azo ti tene ala kui lâ oko ape? Mbeti ti Genèse afa ambeni ye so afa so Nzapa aleke azo ti ngbâ na fini lakue lakue na ndö ti sese. Jéhovah Nzapa aleke sese na aye kue so azo abezoin ni ti ngbâ na fini nga ti duti na ngia. Na pekoni, lo créé Adam, lo zia lo na yâ ti yaka na Éden so ayeke mbeni paradis. Na pekoni, “Nzapa abâ aye kue so lo sara, na a yeke nzoni mingi na lê ti lo.”—Genèse 1:26, 31.
Deutéronome 32:4). Ève nga kue, a créé lo na mbeni sioni kete tongaso na terê ti lo ape, lo yeke tâ mbilimbili-kue. Jéhovah atene na ala: “Ala dü, ala ga gbani, ala si ndö ti sese na ala sara si sese ni aga na gbe ti ala. Ala komande asusu ti ngu-ingo, anyama so ayeke huru na lê ti nduzu na anyama oko oko kue so ayeke na fini si ayeke tambela na ndö ti sese.”—Genèse 1:28.
Nzapa acréé Adam mbilimbili-kue, Lo créé lo na image ti lo (Ti sara si sese asi singo na ahale ti ala, a hunda temps. Ève adoit ti dü amolenge, na amolenge ni nga adoit ti dü amolenge juska sese asi singo na azo tongana ti so Nzapa aleke lani na bê ti lo (Ésaïe 45:18). Eskê Jéhovah apeut ti hunda na Adam na Ève ti dü ti tene sese asi singo na azo, tongana lo créé ala ti duti na fini gï teti kete ngoi, sân ti tene ala duti dä ti bâ tongana nyen la sese ni asi singo na azo?
Bâ nga tënë so atene na ala ti komande na ndö ti anyama. A hunda na Adam ti zia iri na ndö ti anyama, ye so ayeke mû temps (Genèse 2:19). Me ti komande na ndö ti anyama aye ti tene so Adam adoit ti manda ye na ndö ti ala nga ti gi ti hinga tongana nyen ti bâ lege ti ala nzoni. Ti sara aye so a hunda temps mingi.
So Nzapa amû yanga ti tene sese asi singo na azo nga ti tene a komande na ndö ti anyama so, a fa so a créé kozo koli na kozo wali ti ngbâ na fini aninga. Ti tâ tënë ni, Adam adoit lani ti ngbâ na fini aninga.
NZAPA ALEKE TI TENE AZO ADUTI NA FINI LAKUE LAKUE NA NDÖ TI SESE
ALA TE LANI GIGI ANINGA MINGI
Adam asara ngu 930
Métushélah asara ngu 969
Noé asara ngu 950
Laso e yeke vivre aninga ngu 70-80
Bible afa so azo avivre lani aninga ahon ti e laso. A tene: “Ngu ti Adam kue ayeke ngu 930.” Na pekoni, a fa iri ti azo omene so avivre ahon ngu 900. A yeke Seth, Énosh, Kénan, Jarèd, Métushélah nga na Noé. Ala kue avivre lani kozo na kota ngu so apika na ngoi ti Noé; Noé ayeke lani na ngu 600 na ngoi so kota ngu ni apika (Genèse 5:5-27; 7:6; 9:29). Tongana nyen la a yeke possible ti vivre aninga tongaso?
Akoli kue so a di iri ti ala ge so ayeke lani na fini nduru na temps so Adam na Ève ayeke lani mbilimbili-kue. A yeke ndali ni la ala vivre lani aninga tongaso so. Me tongana nyen la ti duti na siokpari ape asara si zo avivre aninga? Nga tongana nyen la a yeke zi ande kuâ? Ti kiri tënë na ahunda so, kozoni kue zia e gi ti hinga ngbanga ti nyen la e yeke ga mbakoro nga e yeke kui.