Beku wa la ayeke dä ndali ti azo so akui awe?
Tënë ti kuâ andu zo oko oko kue. Me eskê tongana zo akui, ti lo awe? Eskê a girisa na ndö ti azo so akui? Eskê mbeni beku ayeke dä ndali ti azo so akui so?
BÂ YE SO BIBLE AFA:
A GIRISA AKUÂ APE
“Ala kue so ayeke na yâ ti adû ti kuâ ayeke . . . sigi.”—Jean 5:28, 29.
Nzapa agirisa pëpe azo so akui; ala kue so ayeke na yâ ti mongoli ti lo ayeke kiri ande na fini.
A YEKE ZINGO ANDE AKUÂ GE NA NDÖ TI SESE
“A yeke zingo ande na kuâ azo ti mbilimbili na azo so ayeke mbilimbili pëpe.”—Kusala 24:15.
Azo mingi mingi ayeke londo ti wara fini ti lakue lakue na yâ ti siriri so amû ndo.
E LINGBI TI DUTI NA BEKU SO AKUÂ AYEKE ZINGO
“[Nzapa a]diko wungo ti atongoro; lo iri ala kue na iri ti ala.”—Psaume 147:4.
So Nzapa apeut ti iri atongoro kue na iri ti ala, a yeke kara lo ape ti dabe ti lo na azo so lo yeke zingo ande ala na kuâ.
