Mo diko a-article ti Tour ti Ba Ndo so asigi ade ti ninga ape so nzoni? Bâ wala mo peut ti kiri tënë na ahundango ndo so ge:

Nyen la e doit ti sara ti ‘sara si bibe ti e akiri fini ni’? (aRom. 12:2).

A hunda ye mingi ahon gï ti sara anzoni kua na yâ ti gigi ti e. E doit ti gbu li na ndö ti zo ti yâ ni ti e, tongaso si e sara achangement so e doit ti sara ti sara ye alingbi na andia ti Jéhovah.—w23.01, l. 8-9.

Tongana nyen la e peut ti duti na nzoni bango ndo na ngoi so e yeke bâ aye so ayeke passé na yâ ti dunia?

A nzere na e ti bâ tongana nyen la aye so ayeke passé na yâ ti dunia asara si aprophétie ti Bible aga tâ tënë. Ahon ti tene e imaginé ye so ayeke si ande, so apeut ti ga na kangbi, a yeke nzoni e sara lisoro gï na ndö ti aye so bungbi ti Jéhovah asigi na ni (1 aCor. 1:10).—w23.02, l. 16.

Na lege wa la batême ti Jésus ayeke nde na ti adisciple ti lo?

Jésus abezoin lani ti mû terê ti lo na Jéhovah ape ndali ti so a dü lo na yâ ti mara so azo ni amû terê ti ala na Nzapa awe. Jésus ayeke mbilimbili-kue, lo sara siokpari ape. Lo bezoin lani ti changé bê ti lo ape.—w23.03, l. 5.

Tongana nyen la e peut ti aidé amba ti e ti mû commentaire na ngoi ti abungbi?

E peut ti mû nduru commentaire tongaso si e zia lege na amba ti e ti mû ti ala. E peut ti sara tënë na ndö ti gbâ ti aye ape. Tongaso, ambeni ye ayeke ngbâ ti tene ambeni zo asara tënë na ndö ni.—w23.04, l. 23.

“Lege-so-ayeke-nzoni-kue” so Ésaïe 35:8 asara tënë ni so ayeke nyen?

Kozo ni, “Lege-so-ayeke-nzoni-kue” ayeke lege so na lege ti fä aJuif amû ni so alondo na Babylone ti gue na Israël. Ka ti ngoi ti e? A komanse ti leke lege so angu ngbangbo mingi kozo si azo akomanse ti tambela dä na ngu 1919. Kua ti kiringo na peko ti Bible nga ti petengo ni nga na ambeni kua nde ayeke na popo ti aye so a sara ti leke lege so. Awakua ti Nzapa ayeke tambela na ndö ti “Lege-so-ayeke-nzoni-kue” so ague na Paradis ti yingo, so amû lege na ala ti wara atufa ti Royaume.—w23.05, l. 15-19.

Awali use na lege ti fä wa la aProverbe chapitre 9 asara tënë ti ala?

A-Proverbe asara tënë ti “wali ti buba” so tisango ndo ti lo ague na zo na “Dû ti kuâ” nga na “tâ ndara”, so a sara tënë ti lo tongana mbeni wali, so tisango ndo ti lo ague na zo na “lege ti hingango ndo” nga na fini (aProv. 9:​1, 6, 13, 18).—w23.06, l. 22-24.

Tongana nyen la sarango ye ti Nzapa na mbage ti Lot afa so lo sara terê ti lo kete nga lo sara ye ahon ndö ni ape?

Jéhovah atene na Lot ti kpe Sodome ti gue na ndo so ahoto ayeke dä. Na ngoi so Lot avoro yanga na lo ti gue na Zoar, Nzapa ayeda.—w23.07, l. 21.

Nyen la mbeni wali apeut ti sara tongana koli ti lo ayeke bâ porno?

Lo doit ti girisa ape so a yeke faute ti lo ape. A yeke nzoni lo zia li ti lo na ndö ti songo ti lo na Nzapa nga lo gbu li na ndö ti ambaï ti Bible na ndö ti awali so vundu asara ala mingi so Lo dë bê ti ala. Lo peut ti aidé koli ti lo ti kpe aye so apeut ti ga na lo kpale.—w23.08, l. 14-17.

Na ngoi so azo agi ti papa na e na ndö ti aye so e mä na bê na ni, tongana nyen la bango yâ ti aye nzoni apeut ti aidé e ti sara ye na ngangu ape?

E peut ti bâ hunda ni wala kpale ni tongana mbeni ye so na lege ni e peut ti hinga ye so azo apensé wala ye so agbu bê ti ala. Sarango tongaso aleke e ti kiri tënë na ngangu ape.—w23.09, l. 17.

Nyen la e peut ti manda na ndö ti Marie na ndö ti warango ngangu?

So Marie amä so lo yeke duti mama ti Messie, lo gi lani mungo maboko ti wara ngangu. Gabriel na Élisabeth afa na lo atënë ti Mbeti ti Nzapa so akpengba lo. E nga kue amba ti e aChrétien apeut ti kpengba e.—w23.10, l. 15.

Jéhovah apeut ti kiri tënë na asambela ti e tongana nyen?

Lo mû zendo ti mä asambela ti e nga ti bâ tongana nyen la ague oko na ye so lo leke na bê ti lo ti sara (Jér. 29:12). Lo peut ti kiri tënë na amême ye so azo ahunda na alege nde nde, me lo yeke mû maboko na e lakue.—w23.11, l. 21-22.

So a sara tënë ti “beku” na aRomain 5:2 awe, ngbanga ti nyen la a kiri a sara tënë ni na versê 4?

Tongana mbeni zo amä nzoni tënë, lo peut ti duti na beku ti wara fini na yâ ti Paradis na ndö ti sese. Me na ngoi so lo wara akpale, lo gbu ngangu nga lo hinga so lo zia ngia na bê ti Nzapa, beku ti lo ayeke kpengba nga ayeke ga tâ ye na lê ti lo.—w23.12, l. 12-13.