E kue e yeke na ngoi mingi ape ti manda ye e wani. Tongana nyen la e peut ti sara kua nzoni na ngoi so e mû ti manda ye? Kozo ni, manda ye ni na loro loro ape. Mo yeke wara ye ti nzoni na lege ti mandango ye ti mo tongana mo manda ye kete nzoni ahon ti tene mo diko gbâ ti ye na loro loro.

Na pekoni, soro ti manda kozo ambeni ye so ayeke akota ye (aÉph. 5:15, 16). Bâ ambeni ye so mo peut ti sara la:

• Diko Bible lâ oko oko (Ps. 1:2). A peut ti duti nzoni ti komanse na kapa ti dikongo Bible ti yenga oko oko ndali ti bungbi ti milieu ti yenga.

• Leke article ti Tour ti Ba Ndo nga na bungbi ti milieu ti yenga ti yenga ni. Duti nduru ti mû commentaire.—Ps. 22:22.

• Gi nga ti diko apériodique so e yeke fa na tënë na azo nga na aye so ayeke na ndö ti jw.org, bâ nga avidéo.

• Manda ye na ndö ti mbeni tënë so anzere na mo. Mo peut ti sara recherche na ndö ti mbeni kpale so mo wara, mbeni hunda so mo yeke na ni wala mbeni tënë ti Bible so mo ye ti mä yâ ni nzoni. Ti wara ambeni ye ti manda ye na ndö ni, gue na ndö ti jw.org na mbage “Manda ye na lege ti ambaï ti Bible.”