TOUR TI BA NDO (TI MANDANGO NI) Juin 2020
Na yâ ti Tour ti Ba Ndo so, mo yeke wara a-article ti mandango ni ti lango 3 ti si na lango 30 ti août, ngu 2020.
“Zia a sara si iri ti mo aga nzoni-kue”
Article ti mandango ni 23: 3-9 août, ngu 2020. Kota tënë wa la abâ a-ange nga na azo kue? Nyen la asara si tënë ni ayeke kota mingi? Kua wa la e yeke na ni ti sara na yâ ti lekengo tënë ni? Tongana e hinga kiringo tënë na ahunda so nga na ambeni hunda so ague oko na ni ayeke mû maboko na e ti kpengba songo ti e na Jéhovah.
“Sara si bê ti mbi aduti oko ti kpe mbeto ti iri ti mo”
Article ti mandango ni 24: 10-16 août, ngu 2020. Na yâ ti article so, e yeke sara tënë mingi na ndö ti mbage ti sambela ti Gbia David so ayeke na Psaume 86:11, 12. Ti kpe mbeto ti iri ti Jéhovah aye ti tene nyen? Ngbanga ti nyen la a lingbi e kpe mbeto ti kota iri so? Tongana nyen la kpengo mbeto ti iri ti Nzapa alingbi ti bata e si e tï na yâ ti tara ape?
Atënë so azo ahunda
Eskê ambage ti “lengo ti yingo” kue la a fa ni na aGalate 5:22, 23 so?
“Mbi la, mbi yeke gi peko ti ataba ti mbi”
Article ti mandango ni 25: 17-23 août, ngu 2020. Ngbanga ti nyen la ambeni ita so asara na Jéhovah be-ta-zo teti angu mingi ague yongoro na congrégation? Nzapa abâ ala tongana nyen? Article so ayeke kiri tënë na ahunda so. A fa nga aye so e lingbi ti manda na lege ti fason so Jéhovah amû maboko na ambeni wakua ti lo ti ândö so ague yongoro na lo teti mbeni ngoi.
“Ala kiri na mbi”
Article ti mandango ni 26: 24-30 août, ngu 2020. Jéhovah aye ti tene aita so azia ti fa tënë nga ti gue na bungbi akiri na lo. E lingbi ti sara aye mingi ti wa ala ti yeda na tisango ndo so Jéhovah atisa ala, lo tene: “Ala kiri na mbi.” Na yâ ti article so, e yeke bâ tongana nyen la e lingbi ti mû maboko na ala ti sara ni.
