TOUR TI BA NDO (TI MANDANGO NI) Mai 2019
Na yâ ti Tour ti Ba ndo so, mo yeke wara aye ti manda ti lango 1 ti juillet ti si na lango 4 ti août, ngu 2019.
Ndoye nga na fango ngbanga ti mbilimbili na yâ ti congrégation ti aChrétien
Ndia ti Christ ayeke nyen? A maï fango ngbanga ti mbilimbili tongana nyen?
Ndoye nga na fango ngbanga ti mbilimbili na ngoi so mbeni zo asara ye so ayeke sioni mingi
Tongana nyen la ababâ na amama alingbi ti bata amolenge ti ala si a lango na ala ape? Nyen la a-ancien alingbi ti sara ti bata aita ti congrégation?
Lege ti dë bê ti azo so a lango na ala lani na kete ti ala
Tongana nyen la Bible, a-ancien nga na aita-wali so ayeke na nzoni songo na Jéhovah alingbi ti dë bê ti azo so a lango na ala lani?
Zia pëpe si “ndara ti dunia so” ahanda mo
Ngbanga ti nyen la gï Jéhovah oko la alingbi ti fa lege na e nzoni? Tongana nyen la Bible amû maboko na e ti duti na nzoni bango ndo na ndö ti e wani?
Maï akode ti mandango ye ti mo
Tongana nyen la e lingbi ti zia aye so ayeke akota ye kozo nga ti wara anzoni ye mingi na lege ti mandango Bible e wani?
