Ambeni zo so adiko mbaï so na loro ahunda terê ti ala na hunda so. Me, azo use la iri ti ala ayeke Méphibosheth nga e lingbi ti manda mbeni ye tongana e kiri e bâ ye so apassé lani.

Saül, gbia ti Israël, ayeke lani na amolenge-koli mbasambala nga na amolenge-wali use. Jonathan la ayeke lani kozo molenge ti lo ti koli. Na pekoni, gbia ni ayeke nga lani na mbeni molenge so iri ti lo ayeke Méphibosheth, so lo dü na Rizpah, wali ti lo ti use ndo. Jonathan ayeke nga lani na mbeni molenge-koli so iri ti lo ayeke Méphibosheth. Tongaso, Gbia Saül ayeke lani na mbeni molenge-koli so iri ti lo ayeke Méphibosheth nga na mbeni âta so ayeke na même iri so.

A si na mbeni ngoi, Gbia Saül akomanse ti ke azo ti Gabaon so ayeke na popo ti azo ti Israël na lo gi ti fâ ala kue. Na bango ni, lo fâ gbâ ti ala. A yeke lani na lege ni ape. Ngbanga ti nyen? Ngbanga ti so na ngoi ti Josué, amokonzi ti azo ti Israël ate mbele ti siriri na azo ti Gabaon.—Jos. 9:3-27.

Mbele so angbâ lani na ngangu na ngoi ti Saül. Gbia ni ake ti sara ye alingbi na mbele ni na lo gi ti fâ azo ti Gabaon kue. Ye so aga na ‘ngbanga ti mênë na li ti Saül na azo ti da ti lo’. (2 Sam. 21:1). Na nda ni David aga gbia. Azo ti Gabaon so angbâ na fini asara tënë ti kota sioni ye so na lo. David ahunda ala na ye so a peut ti sara ti leke sioni ye so Saül asara nga ti zi lege na tufa ti Jéhovah na ndö ti kodro ni. Ahon ti tene azo ti Gabaon ahunda nginza, ala hunda ti tene a mû na ala amolenge-koli mbasambala ti koli so ‘agi ti fâ ala kue’ ti tene ala fâ ala (Nom. 35:30, 31). David ayeda na ni.—2 Sam. 21:2-6.

Na ngoi ni so, Saül na Jonathan akui na yâ ti bira awe, me Méphibosheth, molenge ti Jonathan, angbâ lani na fini. Gere ti lo abuba lani na peko ti mbeni accident so lo sara na ngoi so lo de kete na lo mû lani mbage ape na yâ ti bira so âta ti lo asara na azo ti Gabaon. David ate lani mbele na kamarade ti lo Jonathan, mbele so abâ nga amolenge ti ala so Méphibosheth molenge ti Jonathan nga kue ayeke na yâ ni (1 Sam. 18:1; 20:42). Mbaï ni atene: “Gbia [David] abâ mawa ti Méphibosheth, molenge ti Jonathan so ayeke molenge ti Saül, ndali ti so David na Jonathan, molenge ti Saül, adeba yanga lani na gbele Jéhovah.”—2 Sam. 21:7.

Me, David asara ye so azo ti Gabaon ahunda. Lo mû na ala amolenge ti Saül ti koli use, so iri ti mbeni ayeke Méphibosheth, nga na a-âta ti Saül oku (2 Sam. 21:8, 9). Ye so David asara azi ngbanga ti mênë so ayeke na ndö ti kodro ni.

Ye so ayeke gï senge mbaï ape. Ndia ti Nzapa ayeke lani polele. Ndia ni atene: “A lingbi a fâ amolenge pëpe ndali ti ye so ababâ ti ala asara.” (Deut. 24:16). Jéhovah ayeke yeda lani ape ti tene a fâ amolenge ti Saül ti koli use nga na a-âta ti lo ti koli oku tongana tënë ayeke na li ti ala ape. Ndia ni akiri atene: “Zo oko oko ayeke kui ndali ti siokpari ti lo wani.” Na bango ni, ahale ti Saül mbasambala so a fâ ala amû lani maboko na Saül na mbeni fason ti fâ gbâ ti azo ti Gabaon. Azo mbasambala so apayé sioni so ala sara.

Mbaï so afa so mbeni zo so asara sioni ye alingbi pëpe ti tene so faute ni ayeke ti ni ape ndali ti so ni sara gï ye so a fa na ni. Mbeni proverbe atene: “Sara si lege so gere ti mo ahon dä aduti nzoni lege, tongaso si alege ti mo kue aduti anzoni lege.”—aProv. 4:24-27; aÉph. 5:15.