TOUR TI BA NDO (TI MANDANGO NI) Octobre 2016
Na yâ ti Tour ti Ba Ndo so mo yeke wara aye ti manda ti lango 28 novembre ti si na lango 25 ti décembre, ngu 2016.
GIGI TI MBENI ZO
Mbi sara ngangu ti mû peko ti anzoni tapande
Wango ti aChrétien so ayeke biazo alingbi ti mû maboko na amba ti ala ti zia anzoni ye na gbele ala nga ti si dä. Thomas McLain afa tongana nyen la ambeni zo azia na lo anzoni tapande nga tongana nyen lo kue lo sara kue ti mû maboko na ambeni zo.
“Ala girisa pëpe tënë ti yambango agene nzoni”
Nzapa abâ awande tongana nyen? Nyen la mo lingbi ti sara ti mû maboko na mbeni wande so ayeke na yâ ti congrégation ti bâ so lo yeke na ndo ti lo?
Ngbâ ti kpengba songo ti mo na Jéhovah na ngoi so mo yeke sara kua ti lo na kodoro-wande
A lingbi aChrétien kue azia na kozo ndo ti kpengba songo ti ala nga na ti azo ti sewa ti ala na Jéhovah. Ye oko, tongana mo yeke sara kua ti Jéhovah na kodoro-wande mo yeke tingbi na ambilimbili kpale.
Mo yeke “bata tâ ndara”?
Nyen la asara si tâ ndara ayeke nde na hingango ye nga na hingango ndo? Ti hinga ni ayeke ga na e ye ti nzoni biani.
Zia si aye so mo yeke ku ni akpengba mabe ti mo
E lingbi ti manda ye na lege ti apendere tapande ti mabe ti azo ti giriri nga na ti laso. Tongana nyen la mo lingbi ti ngbâ ti kpengba mabe ti mo?
Fa so mo mä na bê na azendo ti Jéhovah
Mabe ayeke nyen mbilimbili? Kota ye ni ahon kue, tongana nyen la e lingbi ti fa so e yeke na mabe?
Mo hinga?
Na ngoi ti akozo Chrétien aRomain amû aliberté wa na akota zo ti aJuif na Judée? A yeke tâ tënë so na ngoi ti giriri mbeni zo alingbi biani ti lu asioni pere na yâ ti yaka ti mbeni zo?
