1-2. Zo-ti-fa-tene 11:6 abâ kua ti fango nzoni tënë ti Royaume tongana nyen?

NA YÂ ti ambeni kodro, azo mingi aye ti hinga ye mingi na ndö ti nzoni tënë na ngoi so a fa ni na ala. A yeke ye so ala yeke ku gï ni kungo. Na yâ ti ambeni kodro nde, azo asara nzara ti hinga ye na ndö ti Nzapa wala na ndö ti Bible mingi ape. Ka ti ndo so mo yeke dä, azo mingi ayeke sara ti ala ye tongana nyen? Atâa sarango ye ti azo ayeke tongana nyen, Jéhovah aye ti tene e ngbâ ti fa tënë juska lo tene kua ni ahunzi awe.

² Tongana ngoi so Jéhovah azia ndali ti fango tënë alingbi ande, kua ni ayeke hunzi na “nda ni ayeke ga.” (Mat. 24:14, 36). Kozo ti tene ngoi ni ahunzi, tongana nyen la e lingbi ti sara ye ague oko na tënë so atene “zia si maboko ti mo aduti senge pëpe”? *—Diko Zo-ti-fa-tene 11:6.

3. Aye wa la article so ayeke fa ande na e?

³ Article so ahon afa aye osio so a lingbi e sara ti ga anzoni ‘zo ti gingo azo.’ (Mat. 4:19). Article so ayeke fa ande na e aye ota so e lingbi ti sara ti leke na bê ti e ti ngbâ ti fa tënë, atâa akpale wa la e tingbi na ni. E yeke bâ ande ndani so a yeke kota ye (1) ti ngbâ ti zia li ti e na ndö ti kua ti fango tënë, (2) ti kanga bê ti e nga (3) ti ngbâ ti duti na kpengba mabe.

4. Ngbanga ti nyen la a lingbi e ngbâ ti zia li ti e na ndö ti kua so Jéhovah amû na e ti sara?

⁴ Jésus afa lani na adisciple ti lo sarango ye ti terê ti azo na lâ ti nda ni nga na aye so ayeke si so alingbi ti sara si ala zia li  ti ala ape na ndö ti kua ti fango tënë. Lo tene lani na adisciple ti lo ti “lango pëpe”. (Mat. 24:42). Laso, e yeke tingbi na mara ti aye so asara lani si azo ti ngoi ti Noé amä lani pëpe tënë ti gbotongo mê so lo yeke fa lani na ala (Mat. 24:37-39; 2 Pi. 2:5). Ndani la e ye ti ngbâ ti zia li ti e na ndö ti kua so Jéhovah amû na e ti sara.

5. Kusala 1:6-8 atene kua ti fango tënë ayeke gue juska na ndo wa?

⁵ Laso e bezoin biani ti ngbâ ti zia li ti e na ndö ti fango nzoni tënë ti Royaume. Jésus atene lani so adisciple ti lo ayeke ngbâ ti fa tënë na peko ti kuâ ti lo nga ala yeke sara ni mingi ahon ti so lo sara na ngoi so lo yeke lani na fini (Jean 14:12). Na peko ti kuâ ti Jésus, ambeni disciple ti lo akiri ague ti gbu asusu. Na peko ti so a zingo Jésus na kuâ, lo mû maboko na ambeni disciple ti lo na lege ti mbeni miracle ti gbu gbâ ti asusu. Lo mû ngoi so ti fa na ala so kua ti gingo azo ayeke lani kota mingi ahon tanga ti akua kue (Jean 21:15-17). Kete kozo ti tene Jésus ague na yayu, Jésus afa na adisciple ti lo so kua ti fango tënë ti témoin so lo komanse ni lani ayeke gue ayo mingi, a yeke hon ayanga ti sese ti Israël. (Diko Kusala 1:6-8.) Angu mingi na pekoni, Jésus afa na bazengele Jean na lege ti mbeni vision aye so ayeke si “na lâ ti Seigneur”. * Mbeni ye so Jean abâ lani na popo ti aye so ayeke mbeni vision so apika bê mingi ti mbeni ange so “lo yeke na mbeni nzoni tënë ti lakue lakue” ti fa na “amara kue, akete mara kue, azo ti ayanga ti kodro kue nga na azo ti kodro kue.” (Apoc. 1:10; 14:6). A yeke polele so ye so Jéhovah aye ti tene e sara laso ayeke ti mû mbage ti e na yâ ti kota kua ti fango tënë so juska ti tene ahunzi.

6. Tongana nyen la e lingbi ti ngbâ ti zia li ti e na ndö ti kua ti fango tënë?

⁶ Tongana e gbu li ti e na ndö ti aye kue so  Jéhovah ayeke sara ti mû maboko na e, e lingbi ti ngbâ ti zia li ti e na ndö ti kua ti fango tënë. Na tapande, lo yeke mû na e gbâ ti kobe ti yingo na lege ti ambeti so a imprimé ni nga na ati so e yeke wara na ndö ti aye tongana tablette wala téléphone, ati so e yeke mä ni mango nga na avidéo nga na lege ti JW Télédiffusion. Gbu li na ndö ti ye so: Na ndö ti site ti e, a yeke wara aye na ayanga ti kodro ahon 1 000 (Mat. 24:45-47). Tënë ti poroso, tënë ti bungbi ti vorongo Nzapa nga na tënë ti nginza akangbi azo na yâ ti dunia so. Me awakua ti Nzapa ahon kutu miombe ayeke biani beoko na yâ ti mbeni sewa ti aita so ayeke na ndö ti sese kue. Na tapande, na vendredi lango 19 ti avril ngu 2019, e aTémoin na yâ ti dunia e yeke lani beoko na lege so e kue e bâ mbeni vidéo so, na yâ ni, a sara lisoro na ndö ti versê ti lango ni. Na lakui ni, azo 20 919 041 abungbi lani ti dabe ti ala na kuâ ti Jésus. Tongana e gbu li ti e na ndö ti pasa so e yeke na ni ti bâ miracle so asi na ngoi ti e so nga ti mû mbage dä, a yeke pusu e ti ngbâ ti zia li ti e na ndö ti kua ti Royaume.

7. Tongana nyen la tapande ti Jésus amû maboko na e ti ngbâ ti zia li ti e na ndö ti fango tënë?

⁷ Mbeni ye so e lingbi ti sara ti ngbâ ti zia li ti e na ndö ti fango tënë ayeke ti mû tapande ti Jésus. Lo zia lani ape si mbeni ye agboto lê ti lo na terê ti fango tënë ti témoin na ndö ti tâ tënë (Jean 18:37). Lo tï pëpe na yâ ti handa ti Satan na ngoi so lo fa na lo “aroyaume kue ti dunia so nga na gloire ti ala”; nga na ngoi so azo aye ti tene lo ga lani gbia lo ke (Mat. 4:8, 9; Jean 6:15). Lo sara lani nzara ti mosoro ape nga mbeto ti ngangu kangango lege asara lo lani ape (Luc 9:58; Jean 8:59). Na ngoi so e tingbi na aye so atara mabe ti e, e lingbi ti ngbâ ti zia li ti e na ndö ti fango tënë tongana e dabe ti e na wango ti bazengele Paul. Lo wa aChrétien ti mû tapande ti Jésus tongaso si ala “woko pëpe nga ngangu ahunzi na âme ti ala kue kue kue pëpe.”—aHéb. 12:3.

8. Zo so akanga bê ayeke sara ye tongana nyen? Ngbanga ti nyen la e bezoin ti kanga bê ti e mingi laso?

⁸ Zo so akanga bê ayeke duti kpô aku juska ti tene mbeni ye achangé. E bezoin ti kanga bê ti e atâa e ku ti tene mbeni ye so ayeke sioni ahunzi wala a ninga awe la e ku mbeni nzoni ye. Prophète Habakuk aku lani kungo ti tene aye ti ngangu so a yeke sara lani na Juda ahunzi (Hab. 1:2). Adisciple ti Jésus ayeke lani na beku so Royaume ti Nzapa ayeke “sigi polele na ndembe ni so” nga a yeke zi ala na gbe ti ngangu komandema ti Rome (Luc 19:11). E yeke ku kungo lango so Royaume ti Nzapa ayeke zi ande aye ti sioni nga ayeke zia na sese fini dunia so mbilimbili ayeke dä (2 Pi. 3:13). Ye oko, a lingbi e kanga bê e ku ngoi so Jéhovah asoro awe ti sara ni. Bâ ambeni lege so Jéhovah afa na e ti kanga bê.

9. Atapande wa la afa so Jéhovah akanga bê?

⁹ Jéhovah azia na e tapande ti kangango bê so ayeke nzoni kue. Lo zia na Noé ngoi so alingbi na lo ti leke arche nga ti duti “wafango tënë ti ye so ayeke mbilimbili”. (2 Pi. 2:5; 1 Pi. 3:20). Jéhovah amä lani Abraham na ngoi so lo hunda na lo atënë na peko ti terê na ndö ti desizion so lo mû ti futi asioni zo so ayeke lani na gbata ti Sodome na Gomorrhe (Gen. 18:20-33). Teti angu mingi mingi, Jéhovah akanga bê ti lo ngangu mingi na azo ti mara ti Israël so ayeke be-ta-zo ape (Néh. 9:30, 31). E bâ tongana nyen la Jéhovah akanga bê laso na lege so lo zia ngoi na azo kue so lo gboto ala ti ‘changé bê ti ala.’ (2 Pi. 3:9; Jean 6:44; 1 Tim. 2:3, 4). Tapande ti Jéhovah afa na e ndani so e doit ti kanga bê na ngoi so e ngbâ ti fa tënë nga ti fa ye. Lo fa nga na e ti kanga  bê na lege ti mbeni tapande so ayeke na yâ ti Bible.

10. Tapande ti zo ti fango yaka so a sara tënë ni na Jacques 5:7, 8 afa na e nyen?

¹⁰ Diko Jacques 5:7, 8. Tapande ti zo ti fango yaka so akobe ti yaka ti lo angbâ ti sigi afa na e tongana nyen ti kanga bê ti e. Ti tâ tënë ni, ambeni kobe ti yaka ayeke sigi hio. Ye oko, mingi ti ambeni, mbilimbili ala so alê ni ayeke dä, ayeke mû ngoi mingi ti tene akpengba. Na Israël, akobe ti yaka ayeke sara lani nze omene tongaso si akpengba. Zo ti fango yaka ayeke lu lani angongoa ti lo na peko ti kozo ngu-nzapa na septembre wala octobre nga lo yeke ko kobe ni na peko ti tanga ti ngu-nzapa na mars wala avril (Marc 4:28). E yeke sara ye na ndara tongana e mû tapande ti zo ti fango yaka. Ye oko, a lingbi ti duti kete ye ape.

11. Tongana nyen la kangango bê ayeke mû maboko na e na fango tënë?

¹¹ Mingi ni, azo so ayeke mbilimbili-kue ape aye ti bâ aye ti peko ti ngangu so ala sara gï na lê ni lê ni. Me tongana e ye ti tene akobe ti yaka ti e akono na akpengba, a lingbi e bâ lege ni lakue. A lingbi e leke sese ni, e lu angongoa ni, e zi saleté dä nga e tuku ngu dä. Kua ti sarango adisciple nga ahunda ti sara ngangu lakue. A hunda ngoi ti zi na yâ ti bê ti azo so e yeke fa ye na ala bibe ti sarango kangbi na popo ti azo nga ti sarango sanka ti azo. Tongana e kanga bê ayeke mû maboko na e ti découragé ape na ngoi so azo ake ti mä e. Na ngoi so ambeni zo aye ti mä e nga ti manda ye, a lingbi e ngbâ ti kanga bê. E lingbi pëpe ti forcé mbeni zo so e yeke manda Bible na lo ti mä na bê. Na ambeni ngoi, même adisciple ti Jésus amä lani hio ape yâ ti aye so lo fa na ala (Jean 14:9). Zia e girisa ape so e lingbi ti lu ye nga ti tuku ngu dä, me Nzapa la ayeke sara si a kono.—1 aCor. 3:6.

12. Tongana nyen la e lingbi ti kanga bê na ngoi so e yeke fa tënë na afami ti e so ayeke aTémoin ape?

¹² A lingbi ti duti ngangu na e ti kanga bê na  ngoi so e yeke fa tënë na afami ti e so ayeke aTémoin ape. Mama-ndia so ayeke na Zo-ti-fa-tene 3:1, 7 alingbi ti mû maboko na e. Versê ni atene: ‘Ngoi ti dutingo kpô na ngoi ti sarango tënë ayeke dä.’ Nzoni sarango ye ti e alingbi ti mû maboko na afami ti e ti mä tënë so e fa, me e yeke gi alege lakue ti fa ye na ala na ndö ti Jéhovah (1 Pi. 3:1, 2). E yeke kanga bê na azo kue, même azo ti sewa ti e, na ngoi so e yeke fa tënë nga e yeke fa ye na ala na bê ti e kue.

13-14. Ambeni tapande wa ti kangango bê e lingbi ti mû peko ni?

¹³ E lingbi ti manda ti kanga bê na lege ti tapande ti azo so ayeke be-ta-zo so Bible asara tënë ti ala nga na ala ti ngoi ti e. Habakuk ayeke ku lani kungo ti tene asioni ye ahunzi, me lo fa so lo kanga bê tongana lo tene: “Mbi yeke ngbâ ti luti na ndo so mbi yeke sara sinziri dä.” (Hab. 2:1). Bazengele Paul afa lani kota nzara so lo yeke na ni ti “hunzi” fango tënë ti lo. Me lo kanga bê lo ngbâ ti “fa nda ti tënë ni kue na ndö ti nzoni tënë.”—Kus. 20:24.

¹⁴ Gbu li na ndö ti tapande ti mbeni couple so asara lani Ekole ti Galaad na so a tokua ala ti sara kua na mbeni kodro so aTémoin ayeke gï kete nga so mingi ti azo ni ayeke aChrétien ape. Gï kete wungo ti azo la aye ti manda Bible. Me ambeni mba ti ala ti Ekole ti Galaad so ala sara ti ala kua na ambeni kodro nde ayeke tene na ala tënë ti azo kue so ala manda Bible na ala so ala mû maboko na ala ti ga aTémoin. Me couple so akanga bê angbâ ti fa tënë, atâa so mingi ti azo ti territoire ti ala aye ti mä tënë ni ape. Na peko ti so ala fa tënë ngu miombe na yâ ti territoire so ayeke mo bâ mo tene ayeke lë lengo ape so, na nda ni ala yeke na ngia ti bâ so mbeni oko ti azo so ala manda Bible na ala awara batême. Nyen la atapande ti ândö so nga na ti laso so afa na e? Abe-ta-zo so aga lani azo ti goigoi ape wala ala zia maboko ti ala aduti senge ape, na Jéhovah afuta ala ndali ti kangango bê ti ala. Zia e “[sara] ye tongana ti ala so, na lege ti mabe nga na kangango bê ti ku ye, awara azendo so a mû ni.”—aHéb. 6:10-12.

15. Mbeni lege so mabe amû ngangu na e ti leke na bê ti e ti ngbâ ti fa tënë ayeke so wa?

¹⁵ E yeke na mabe na tënë so e yeke fa, ni la e ye ti fa ni na azo mingi. E yeke na confiance na azendo so ayeke na yâ ti Bible (Ps. 119:42; És. 40:8). E bâ aprophétie ti Bible so aga tâ tënë na ngoi ti e. E bâ tongana nyen la gigi ti azo aga nzoni ahon ti kozo na ngoi so ala komanse ti sara ye alingbi na awango ti Bible. Aye so kue asara si e hinga biani so nzoni tënë ti Royaume ayeke mbeni tënë so a lingbi azo kue amä ni.

16. Ti gue oko na Psaume 46:1-3, tongana nyen la mabe so e yeke na ni na Jéhovah nga na Jésus amû ngangu na e ti ngbâ ti fa tënë?

¹⁶ E yeke nga na mabe na Jéhovah, lo so tënë so e yeke fa alondo na lo nga e yeke na mabe na Jésus, so lo zia lo Gbia ti Royaume ni (Jean 14:1). Atâa ye wa la asi na e, Jéhovah ayeke duti ande lakue ndo so e yeke kpe dä ti bata terê ti e nga ngangu ti e. (Diko Psaume 46:1-3.) Na ndö ni, Jésus angbâ na yayu kâ ayeke fa lege na kua ti fango tënë na lege ti ngangu nga na komandema so Jéhovah amû na lo.—Mat. 28:18-20.

17. Fa mbeni tapande so afa ngbanga ti nyen la e yeke ngbâ ti fa tënë?

¹⁷ Mabe asara si e hinga biani so Jéhovah ayeke iri tënë nzoni na ndö ti ngangu so e yeke sara, na ambeni ngoi lo yeke sara ni na alege so e ku terê ti e na ni ape (Zo-ti. 11:6). Na tapande, lâ na lâ azo saki na saki so ayeke hon na lege ayeke bâ ambeti ti e na ndö ti atable nga na aprésentoir. Eskê so ayeke nzoni kode ti fango tënë? En. Kusala ti Royaume  ti novembre ngu 2014 asara tënë ti mbeni maseka-wali so ayeke na dasendagi so aye ti sara mbeni devoir ti lo na ndö ti aTémoin ti Jéhovah. Lo wara lani mbeni Da ti Royaume ape, me lo wara ambeti ti e na dasendagi na ndö ti table so aTémoin azia ni dä, na lo wara asango so lo ye ti sara na devoir ti lo. Na nda ni lo ga mbeni Témoin so awara batême na lo yeke fadeso mbeni pionnier permanent. Mara ti atapande so apusu e ti ngbâ ti fa tënë ndali ti so afa so ambeni zo so abezoin ti mä tënë ti Royaume angbâ.

18. Ngbanga ti nyen la e hinga biani so kua ti fango tënë ti Royaume ayeke hunzi ande tongana ti so Jéhovah aye?

¹⁸ E hinga biani so kua ti fango tënë ti Royaume ayeke hunzi na retard ape. Gbu li na ndö ti ye so asi na ngoi ti Noé. Jéhovah ayeke sara ye lakue na ngoi so lo leke ti sara ni. Ngu 120 tongaso kozo na Kota ngu so apika na ngoi ti Noé, Jéhovah afa lawa la ngu ni ayeke komanse ti pika. Angu mingi na peko ti so Jéhovah afa ni, lo tene na Noé ti leke arche. Peut-être ngu 40 wala 50 kozo ti tene Kota ngu ni akomanse, Noé angbâ ti sara kua ngangu. Atâa so azo amä lo ape, lo ngbâ lani ti fa tënë ti gbotongo mê juska Jéhovah atene so ngoi ti guengo na anyama na yâ ti arche alingbi. Na pekoni, tâ na nzoni ngoi ni, “Jéhovah akanga yanga” ti arche ni.—Gen. 6:3; 7:1, 2, 16.

19. Nyen la e lingbi ti ku ni kungo tongana e zia maboko ti e aduti senge ape?

¹⁹ Jéhovah aga nduru awe ti tene so kua ti fango tënë ti Royaume ahunzi awe. Na pekoni, lo yeke futi dunia ti Satan na lo yeke ga na fini dunia so mbilimbili ayeke duti dä. Juska ti si kâ, zia e sara ye tongana Noé, Habakuk nga na azo so azia maboko ti ala aduti senge ape. Zia e ngbâ ti zia li ti e na ndö ti fango tënë, e kanga bê nga e ngbâ ti duti na kpengba mabe na Jéhovah nga na azendo ti lo.