Ababâ na amama ayeke na kota kua ti fa ye na amolenge ti ala na ndö ti Jéhovah (aÉph. 6:4). Ti aidé ababâ na amama, bungbi ti Jéhovah asigi na gbâ ti a-article, avidéo nga na abia. Tongana nyen la mo peut ti sara kua na ni ti fa ye na amolenge ti mo?

• Gue na ndö ti jw.org. Kâ, mo peut ti wara aye kue so a sigi na ni ndali ti amolenge, na tapande avidéo nga na afiche so ala peut ti sû mbeti na lê ni wala ala peut ti sara dessin na lê ni. a Ti wara ni, pika tënë “Amolenge” wala “Amaseka” na place so a zia dä Gi.

• Soro ye so ayeke nzoni ndali ti molenge ti mo. Na gbe ti li ti tënë “Amolenge,” mo peut ti soro avidéo, abia nga na ajeu so mo pensé ayeke aidé molenge ni. Ti wara ni, gue na “Amolenge” na pekoni “Fa ye na amolenge ti mo.”

• Mû ngoi ti sara lisoro na molenge ti mo na ndö ti aye ni. Zia vidéo ni na molenge ti mo ti bâ ni wala ti sara ajeu ni gï pëpe ngbanga ti so lo yeke na ye ti sarango ni ape. Me sara lisoro na ndö ni na molenge ti mo nga aidé lo ti kpengba songo ti lo na Jéhovah.