Eskê mo ye ti wara ye ti nzoni mingi na ngoi so mo yeke manda ye? Awango so apeut ti aidé mo ti zia li ti mo na ndö ti ye so mo yeke manda:

• Wara mbeni nzoni ndo. Gi ti wara mbeni ndo so ayeke propre, so wâ aza dä nzoni tongaso si mo peut ti bâ ndo si mo diko ye nzoni. Mo peut ti duti na terê ti mbeni bureau wala mbeni table wala mo peut ti soro mbeni nzoni ndo na gigi.

• Duti mo oko. Jésus asoro ti sambela na “yanga ti ndapre” na “ndo so azo ayeke dä pëpe”. (Marc 1:35). Tongana mo peut ti duti mo oko ape, fa kapa ti mandango ye ti mo na azo ti sewa ti mo wala azo so mo na ala alango da oko na mo hunda na ala ti sara bruit ape.

• Zia li ti mo na ndö ti mandango ye ni. Sara hange si aye agboto lê ti mo ape. Tongana mo yeke manda ye na ndö ti téléphone wala tablette, kanga go ni wala zia ni na mode avion tongaso si adérangé mo ape. Tongana mbeni ye so mo ye ti sara aga na li ti mo, sû ni na mbeti tongaso si mo girisa ti sara ni ape na peko ti mandango ye ni. Tongana a yeke ngangu na mo ti zia li ti mo na ndö ti mandango ye ni, sara kete pause mo tambela wala gboto yâ ti terê ti mo.