Tongana nyen la mo peut ti fa mo ne terê ti mo?
NGBANGA TI NYEN LA A YEKE KOTA YE TI TENE MO NE TERÊ TI MO?
Azo so ane terê ti ala apeut ti hon ndö ti akpale so ala yeke tingbi na ni. Ala yeke découragé hio ape.
-
Mbeni gingo nda ti ye afa so azo so ayeke na nzoni bango ndo na ndö ti ala wani ape ayeke gi bê ti ala, ala yeke tï na yâ ti kota vundu nga ala yeke te ye nzoni ape. Ala peut ti tï na yâ ti nyongo sämba ahon ndö ni nga na nyongo mbangi.
-
Azo so ayeke ne terê ti ala ayeke kpe ti haka terê ti ala na azo, ye so asara si ayeke facile ti tene ala na azo so ayeke nduru na ala amä terê nga ala yeke duti na kpengba songo na ala. Me, azo so ayeke ne terê ti ala ape ayeke kasa ndo na ye so apeut ti buba songo ti ala na azo.
-
Même tongana azo so ane terê ti ala awara akpale, ala yeke gbu ngangu na yâ ni na ala yeke zia pëpe si akpale ni akanga lege na ala ti atteindre a-objectif ti ala. Me, azo so ayeke ne terê ti ala ape ayeke bâ ka akete kpale tongana akota kpale. Ye so apeut ti sara si ala découragé hio.
YE SO MO PEUT TI SARA
Soro akamarade so ayeke encouragé mo. Sara kamarade na azo so ayeke ne azo, so a yeke pensé vraiment na nzoni duti ti azo nga so a yeke encouragé mo.
Aidé azo. Tongana mo sara nzoni bê na azo so apeut ti sara mbeni ye oko ape ndali ti mo, a yeke nzere ande na mo so mo mû ye na azo. Mo yeke duti ande na ngia même si azo abâ ye so mo sara ape.
Fa na amolenge ti mo ti ne terê ti ala. Mbeni lege ti sara ni ayeke ti tene ala zia lege na amolenge ti ala ti leke akpale ti ala wani, nga ti sara ye kue so ala peut ti sara tongana ala peut. Ye so ayeke aidé amolenge ni ti hon ndö ti akpale ti ala na ti leke ni. Tongana ala yeke manda ti sara tongaso, a yeke mû lege na ala ti ne terê ti ala nga a yeke aidé ande ala na temps so ala kono.
TONGANA NYEN LA ATÉMOIN TI JÉHOVAH AYEKE AIDÉ AZO TI NE TERÊ TI ALA?
Abungbi nga na akapa ti mandango Bible so aTémoin ti Jéhovah ayeke sara, a yeke mû maboko na azo ti duti nzoni na yâ ti gigi ti ala nga ti ne terê ti ala.
ABUNGBI SO E YEKE SARA YENGA OKO OKO
Na ngoi ti abungbi so e yeke sara yenga oko oko, a nzere na e ti mä fango tënë ti Nzapa, so mingi ni, a yeke fa tongana nyen la a yeke kota ye ti tene azo ane terê ti ala. Azo kue apeut ti ga na abungbi ti e senge senge. Na tapande, na ngoi ti abungbi ti e mo yeke hinga . . .
-
ndani so Nzapa abâ mo na nene ni
-
tongana nyen la mo peut ti duti na tâ ngia
-
tongana nyen la mo peut ti wara akamarade so angbâ aninga
Mo yeke wara atâ kamarade so ayeke ‘bi bê na mba.’—1 aCorinthien 12:25, 26.
Ti hinga aye mingi na ndö ti abungbi ti e, gue na ndö ti jw.org na bâ nduru vidéo E yeke sara abungbi ti e tongana nyen?
MANDANGO BIBLE NA AZO
E yeke manda Bible na azo senge senge na lege ti buku Ngbâ na fini lakue lakue! Na yâ ti buku ni, a yeke wara aversê so tënë ni aluti na ndö ni, afango ye so ayeke polele, anzoni hundango tënë, avidéo so andu bê ti zo nga na apendere foto. Mandango Bible ayeke aidé azo ti ne terê ti ala nga ayeke changé aye na yâ ti fini ala.
Ti bâ tongana nyen la mandango Bible apeut ti aidé mo ti wara aye ti nzoni, gue na ndö ti jw.org na gi nduru vidéo Ndani nyen ti manda Bible?
Bâ nga
BIBLE ATENE TI LO NYEN
Tongana zo andoye terê ti lo wani mingi, Bible atene nyen na ndö ni?
Jésus atene: “Mo ndoye mba ti mo tongana mo wani.” Lo ye ti tene nyen la?
ASANGO NA NDÖ TI E
Hunda ti tene a ga a bâ mo
Gi ti wara réponse na mbeni hunda na ndö ti Bible, wala gi ti hinga ye mingi na ndö ti aTémoin ti Jéhovah.
ASANGO NA NDÖ TI E
Gue na abungbi ti aTémoin ti Jéhovah
Bâ ndo so e yeke sara bungbi dä nga tongana nyen la e yeke sara ni. Zo kue apeut ti gue senge nga a yeke ro nginza na titî azo ape.
