Tongana nyen la mo peut ti fa so mo ne azo ti sewa ti mo?
NGBANGA TI NYEN LA A YEKE KOTA YE TI TENE AZO TI YÂ TI SEWA ANE MBA?
Tongana azo ti yâ ti sewa ane mba na popo ti ala ayeke sara si ala duti na siriri.
-
Mbeni buku (The Seven Principles for Making Marriage Work) atene so tongana akoli na awali ane mba, ala yeke fa so ala ye mba “gï pëpe na yâ ti akota ye, me nga na yâ ti akete kete ye lâ oko oko.”
-
Mbeni gingo nda ti ye afa so amolenge so amanda ti ne azo ayeke bâ so ala wani ane terê ti ala, ala yeke na nzoni songo na aparent ti ala nga ala yeke bâ pasi mingi ape na kobela ti li.
YE SO MO PEUT TI SARA
Leke ti tene ala sara ambeni ye legeoko na sewa. Kozo ni, sara ti tene zo oko oko na yâ ti sewa ni ahinga ye so aye ti tene ti “ne zo.” Use ni, sara na mbeti ye so mo ye ti tene azo ti sewa ti mo asara nga ye so ala doit ti sara ape. Ota ni, ala causé na ndö ti ye ni so na sewa, tongaso si ala kue ahinga ye so ala peut ti sara ti ne mba.
Duti mbeni nzoni tapande. Eskê mo yeke kasa ka azo ti sewa ti mo ndali ti awokongo ti ala na lege so mo yeke he ala, mo yeke sara sanka ti ala wala mo yeke fâ tënë na yanga ti ala na temps so ala yeke sara tënë na mo?
Wango: Fa so mo ne koli wala wali ti mo nga na amolenge ti mo, atâa so mo pensé so ala lingbi na ni wala pëpe.
Fa so mo ne azo même si mo yeda na bango ndo ti ala ape. Tongana mo yeke fa atënë ti bê ti mo, kpe ti tene atënë tongana “mo yeke ka” wala “lâ oko mo.” Mara ti atënë tongaso ayeke son bê ti azo ti sewa ti mo nga ayeke sara si mbeni kete ye so ala mä terê na ndö ni ape aga kota tënë.
TONGANA NYEN LA ATÉMOIN TI JÉHOVAH AYEKE AIDÉ AZO TI NE AZO TI YÂ TI SEWA TI ALA?
A-Témoin ti Jéhovah ayeke encouragé asewa ti sara ye na mba na nengo zo. Mingi ni, a yeke sara tënë na ndö ni na yâ ti a-article, abuku, abrochure nga na avidéo so e yeke sigi na ni nga azo apeut ti wara ni senge senge.
NDALI TI AZO SO ASARA MARIAGE AWE: Amolongo ti a-article Ti mû maboko na asewa apeut ti aidé acouple ti . . .
-
dengi mê nzoni ti mä mba
-
ke pëpe ti causé na mba
-
kpe ti sara ngonzo
(Gue na ndö ti jw.org, na mbage “Ti mû maboko na asewa”)
NDALI TI ABABÂ NA AMAMA: Molongo ti a-article Ti mû maboko na asewa apeut ti aidé ababâ na amama ti fa na amolenge ti ala ti . . .
-
mä yanga
-
aidé na yâ ti akua ti yanga-da
-
tene “pardon” nga “merci”
(Gue na ndö ti jw.org, na mbage “Batango akete molenge” nga na “Batango amolenge so akono awe”)
Bâ nga appendice, “Les parents s’interrogent” na yâ ti buku Les jeunes s’interrogent — Réponses pratiques, Volume 1. (Gue na ndö ti jw.org, na mbage “Les parents s’interrogent”)
NDALI TI AMASEKA: Gue na ndö ti jw.org, na mbage Akete molenge nga na amaseka ti wara a-article, avidéo nga na afiche ti gbungo li so apeut ti aidé amaseka ti . . .
-
mä terê na ababâ na amama ti ala nga na aita ti ala
-
causé na ababâ na amama ti ala na nengo zo na ndö ti andia so ala lu
-
tene ababâ na amama ti ala asara confiance na ala
(Gue na ndö ti jw.org, na mbage “Akete molenge nga na amaseka”)
Mo peut ti gue na ndö ti site jw.org senge senge. Mo yeke payé mbeni ye ape, a yeke sara abonnement ape wala mo doit ti duti gï Témoin ti Jéhovah si mo gue dä, nga a yeke hunda ande mbeni sango na ndö ti mo ape.
