ယေဟောဝါရဲ့ မျက်နှာသာ ရချင်တယ်ဆိုရင် အရေးပါတဲ့ နောက်ပုဂ္ဂိုလ်တစ်ဦးရဲ့ စကားကိုလည်း နားထောင်ရမယ်။ အာဒံကို မဖန်ဆင်းခင် နှစ်ပေါင်းများစွာကတည်းက ကောင်းကင်မှာ တန်ခိုးကြီးတဲ့ နာမ်ဝိညာဉ်ပုဂ္ဂိုလ်တစ်ဦးကို ယေဟောဝါ ဖန်ဆင်းခဲ့တယ်။

အချိန်တန်တော့ မာရိလို့ခေါ်တဲ့ အပျိုကညာကနေ ဘက်သလီဟင်မြို့မှာ မွေးဖွားဖို့ ယေဟောဝါ လုပ်ဆောင်ခဲ့တယ်။ ဒီကလေးကို ယေရှုလို့ နာမည်ပေးခဲ့တယ်။—ယောဟန် ၆:၃၈။

လူသားတစ်ယောက်အနေနဲ့ ယေရှုဟာ ဘုရားသခင့်အရည်အသွေးတွေကို အကောင်းဆုံး တင်ပြခဲ့တယ်။ ကြင်နာတယ်၊ မေတ္တာရှိတယ်၊ ချဉ်းကပ်ရလွယ်တယ်။ ယေဟောဝါနဲ့ပတ်သက်တဲ့ အမှန်တရားတွေကိုလည်း ရဲရင့်စွာ သွန်သင်ခဲ့တယ်။

ယေရှုက ဖျားနာသူတွေကို ကုသပေးပြီး လူသေတချို့ကို ပြန်ရှင်စေခဲ့တယ်။

ဂျူးဘာသာရေးခေါင်းဆောင်တွေက ယေရှုကို မုန်းကြတယ်။ အကြောင်းကတော့ ယေရှုဟာ သူတို့ရဲ့ မှားယွင်းတဲ့သွန်သင်ချက်တွေနဲ့ ဆိုးညစ်တဲ့လုပ်ရပ်တွေကို ဖော်ထုတ်ခဲ့လို့ပဲ။

ယေရှုကို ရိုက်နှက်ဖို့၊ သတ်ပစ်ဖို့ ရောမစစ်သားတွေကို ဂျူးဘာသာရေးခေါင်းဆောင်တွေ သွေးထိုးခဲ့ကြတယ်။