သင်ခန်းစာ ၀၂
ကျမ်းစာထဲက မျှော်လင့်ချက်ရောင်ခြည်
ကမ္ဘာတစ်ဝန်းက လူတွေဟာ ဒုက္ခပြဿနာတွေကြောင့် ဝမ်းနည်းမှု၊ စိတ်ပူပန်မှု၊ နာကျင်မှုတွေ ခံစားနေကြတယ်။ သင်ကော အဲဒီလို ခံစားဖူးပါသလား။ ရောဂါဝေဒနာတစ်မျိုး ခံစားရလို့၊ ချစ်ရသူ သေဆုံးသွားလို့ စိတ်ဆင်းရဲနေတာ ဖြစ်နိုင်တယ်။ ‘ဘဝကြီးက ပိုကောင်းလာပါဦးမလား’ ဆိုပြီး တွေးမိမှာပဲ။ ဒီမေးခွန်းရဲ့ အဖြေ ကျမ်းစာမှာ ပါတယ်။
၁။ ကျမ်းစာက ဘယ်နည်းနဲ့ မျှော်လင့်ချက် ရှိစေသလဲ။
ကမ္ဘာပေါ် ဒုက္ခပြဿနာတွေ ပြည့်နေရတဲ့ အကြောင်းရင်းကို ကျမ်းစာမှာ ရှင်းပြထားတယ်။ မကြာခင် ဒုက္ခတွေ ပျောက်ကွယ်သွားမယ်ဆိုတဲ့ သတင်းကောင်းကိုလည်း ဖော်ပြပါတယ်။ ကျမ်းစာမှာပါတဲ့ အနာဂတ်နဲ့ပတ်သက်တဲ့ ကတိက မျှော်လင့်ချက် ရှိစေတယ်။ (ယေရမိ ၂၉:၁၁၊ ၁၂ ကိုဖတ်ပါ။) အဲဒီကျမ်းစာကတိတွေက လက်ရှိပြဿနာတွေကို ရင်ဆိုင်ဖြေရှင်းနိုင်အောင်၊ အကောင်းမြင်စိတ် ရှိအောင်၊ တည်မြဲတဲ့ ပျော်ရွှင်မှု ခံစားနိုင်အောင် ကူညီပေးတယ်။
၂။ ဘယ်လို အနာဂတ်မျိုး ရှိမယ်လို့ ကျမ်းစာ ကတိပေးသလဲ။
အနာဂတ်မှာ “သေခြင်းရှိတော့မှာ မဟုတ်ဘူး။ ငိုကြွေးမြည်တမ်းခြင်း၊ အော်ဟစ်ခြင်း၊ နာကျင်ခြင်းလည်း ရှိတော့မှာ မဟုတ်ဘူး” လို့ ကျမ်းစာ ကတိပေးတယ်။ (ဗျာဒိတ် ၂၁:၄ ကို ဖတ်ပါ။) လူတွေကို မျှော်လင့်ချက်မဲ့စေတဲ့ ဆင်းရဲမွဲတေမှု၊ မတရားမှု၊ ဖျားနာမှု၊ သေခြင်း စတာတွေ လုံးဝ ကွယ်ပျောက်တော့မယ်။ လူတွေဟာ သာယာလှပတဲ့ ကမ္ဘာပေါ်မှာ ဘဝကို ထာဝစဉ် ပျော်မွေ့နိုင်ကြမယ်လို့ ကျမ်းစာ ကတိပေးတယ်။
၃။ ကျမ်းစာကတိကို ယုံကြည်စိတ်ချလာအောင် ဘာလုပ်နိုင်သလဲ။
လူများစွာက ကောင်းမွန်တဲ့ အနာဂတ်ကို မျှော်လင့်ကြတယ်။ ဒါပေမဲ့ မျှော်လင့်ထားတဲ့အတိုင်း ဖြစ်လာမယ်ဆိုတာ မသေချာကြဘူး။ ကျမ်းစာကတိတွေကတော့ အဲဒီလို မဟုတ်ဘူး။ ‘ကျမ်းစာကို အသေအချာ ဆန်းစစ်’ မယ်ဆိုရင် ကျမ်းစာကတိတွေကို ယုံကြည်စိတ်ချလာနိုင်တယ်။ (တမန်တော် ၁၇:၁၁) ကျမ်းစာ လေ့လာမယ်ဆိုရင် အနာဂတ်နဲ့ပတ်သက်တဲ့ ကျမ်းစာကတိတွေကို ယုံကြည်စိတ်ချသင့်မသင့် သိလာပါလိမ့်မယ်။
ရှာဖွေလေ တွေ့ရှိလေ
အနာဂတ်နဲ့ပတ်သက်တဲ့ ကျမ်းစာကတိ တချို့ကို လေ့လာကြည့်ပါ။ ကျမ်းစာမှာပါတဲ့ မျှော်လင့်ချက်က ဒီနေ့အချိန်မှာ လူတွေကို ဘယ်လို ကူညီပေးသလဲဆိုတာ ကြည့်လိုက်ပါ။
၄။ ဆင်းရဲဒုက္ခ မရှိဘဲ ထာဝစဉ် အသက်ရှင်နိုင်တယ်လို့ ကျမ်းစာ ကတိပေး
အောက်ပါ ကျမ်းစာကတိတွေကို သုံးသပ်ကြည့်ပါ။ ဘယ်ကတိတွေကို အကြိုက်ဆုံးလဲ။ ဘာကြောင့်လဲ။
ညွှန်းထားတဲ့ ကျမ်းချက်တွေကို ဖတ်ပါ။ ပြီးတဲ့နောက် အောက်ပါမေးခွန်းတွေကို သုံးသပ်ပါ။
ဒီကျမ်းချက်တွေက သင့်ကို မျှော်လင့်ချက် ရှိစေသလား။ မိသားစုနဲ့ မိတ်ဆွေတွေကိုရော မျှော်လင့်ချက် ရှိစေမလား။
ဒီလိုကမ္ဘာမျိုးမှာ နေထိုင်ရတယ်လို့ ကိုယ့်ကိုယ်ကိုယ် မြင်ယောင်ကြည့်ပါ။
ဘယ်သူမှ ဒါတွေ မကြုံရတော့ဘူး |
လူတိုင်း ဒါတွေ ခံစားရမယ် |
|---|---|
|
|
|
|
|
|
|
|
|
|
၅။ ကျမ်းစာကတိတွေက ဘဝကို ပြောင်းလဲပေးနိုင်
လူများစွာက ပတ်ဝန်းကျင်မှာ မြင်တွေ့နေရတဲ့ ပြဿနာတွေကြောင့် စိတ်ဓာတ်ကျနေတဲ့အပြင် ဒေါသထွက်လာကြတယ်။ ပြုပြင်ပြောင်းလဲရေး အတွက် အသည်းအသန် ကြိုးစားကြတယ်။ အခြေအနေ ပိုကောင်းလာမယ်ဆိုတဲ့ ကျမ်းစာကတိတွေက လောလောဆယ် ကူညီပေးပုံကို လေ့လာကြည့်ပါ။ ဗီဒီယို ဖွင့်ပါ။ ပြီးတဲ့နောက် အောက်ပါ မေးခွန်းတွေကို သုံးသပ်ပါ။
ဒီဗီဒီယိုမှာ ဘယ်မတရားမှုကြောင့် ရာဖီကာ စိတ်အနှောင့်အယှက် ဖြစ်ခဲ့သလဲ။
မတရားမှုတွေ ဆက်ရှိနေပေမဲ့ ကျမ်းစာက ရာဖီကာကို ဘယ်လို ကူညီပေးသလဲ။
ကျမ်းစာမှာပါတဲ့ အနာဂတ်မျှော်လင့်ချက်က စိတ်ဓာတ်ကျတာကို တိုက်လှန်ဖို့၊ ပြဿနာတွေကို အောင်မြင်စွာ ဖြေရှင်းနိုင်ဖို့ ကူညီပေးတယ်။ ပညာအလိမ္မာ ၁၇:၂၂ နဲ့ ရောမ ၁၂:၁၂ တို့ကို ဖတ်ပါ။ ပြီးတဲ့နောက် အောက်ပါ မေးခွန်းတွေကို သုံးသပ်ပါ။
မျှော်လင့်ချက်ရှိစေတဲ့ ကျမ်းစာသတင်းစကားက အခုအချိန်မှာတောင် သင့်ဘဝကို တိုးတက်ကောင်းမွန်စေနိုင်တယ်လို့ ထင်ပါသလား။ ဘာကြောင့်လဲ။
လူတချို့ အဆို။ “အနာဂတ်နဲ့ပတ်သက်တဲ့ ကျမ်းစာကတိတွေဟာ စိတ်ကူးယဉ်ဆန်လွန်းပါတယ်။”
ကိုယ်တိုင် အဖြေရှာဖို့ အရေးကြီးတယ်လို့ ဘာကြောင့် ထင်ပါသလဲ။
အနှစ်ချုပ်
ပျော်ရွှင်စရာ အနာဂတ်ရှိမယ်လို့ ကျမ်းစာ ကတိပေးထားတယ်။ ဒါဟာ ကျွန်တော်တို့ကို မျှော်လင့်ချက် ရှိစေတယ်။ အခက်အခဲတွေကို ရင်ဆိုင်ဖြေရှင်းနိုင်စေတယ်။
ပြန်လည်သုံးသပ်ခြင်း
လူတွေ ဘာကြောင့် မျှော်လင့်ချက်ရှိဖို့ လိုသလဲ။
အနာဂတ်အကြောင်း ကျမ်းစာမှာ ဘာပြောထားသလဲ။
အနာဂတ် မျှော်လင့်ချက်က အခုအချိန်မှာ သင့်ကို ဘယ်လို ကူညီပေးသလဲ။
လေ့လာစရာ ထပ်ဖွေရှာ
နာတာရှည်ရောဂါ ခံစားနေရသူတွေကို အနာဂတ်မျှော်လင့်ချက်က ကူညီပေးပုံအကြောင်း လေ့လာကြည့်ပါ။
“နာတာရှည်ရောဂါကို ရင်ဆိုင်ဖြေရှင်းရာမှာ သမ္မာကျမ်းစာက ကူညီပေးနိုင်သလား” (ဝက်ဘ်ဆိုက် ဆောင်းပါး)
ဒီတေးဗီဒီယိုကို ကြည့်တဲ့အခါ ကျမ်းစာကတိပေးထားတဲ့ ပရဒိသုမှာ ကိုယ့်မိသားစုနဲ့အတူ ဘဝကို ပျော်မွေ့နေတယ်လို့ မြင်ယောင်ကြည့်ပါ။
ကျမ်းစာထဲက အနာဂတ်မျှော်လင့်ချက်အကြောင်း သိလာတဲ့အခါ လူတစ်ဦး ပြောင်းလဲလာပုံကို ဖတ်ကြည့်ပါ။
“ကမ္ဘာကြီးကို ကျွန်တော် ပြောင်းလဲရမယ်လို့ မခံစားရတော့ပါဘူး” (ကင်းမျှော်စင်၊ ဇူလိုင် ၁၊ ၂၀၁၃)
ကြိုက်လို ကြိုက်ငြား အကြောင်းအရာများ
မေးလေ့ရှိတဲ့ မေးခွန်းများ
ယေဟောဝါသက်သေတွေ ကမ်းလှမ်းတဲ့ ကျမ်းစာလေ့လာမှုဆိုတာ ဘာလဲ
ယေဟောဝါသက်သေတွေ ကမ်းလှမ်းတဲ့ အခမဲ့ လေ့လာမှုအစီအစဉ်မှာ ဘယ်ဘာသာပြန်ကျမ်းကိုမဆို သုံးနိုင်ပါတယ်။ မိသားစုဝင်တွေ၊ မိတ်ဆွေတွေကို ပါဝင်ဖို့ ဖိတ်ခေါ်လို့ ရတယ်။
