မိတ်ဆွေရင်းချာတွေဟာ ကိုယ်အဆင်ပြေနေချိန်မှာ ပိုပျော်ရွှင်စေသလို အခက်အခဲကြုံချိန်မှာလည်း ခွန်အားရှိစေနိုင်တယ်။ ဒါပေမဲ့ လူတိုင်း မိတ်ဆွေကောင်း ဖြစ်မှာတော့ မဟုတ်ဘူးလို့ ကျမ်းစာ သတိပေးတယ်။ ဒါဆိုရင် မိတ်ဆွေကောင်းတွေကို ဘယ်လို ရွေးချယ်မလဲ။ အောက်ပါမေးခွန်းတွေကို သုံးသပ်ကြည့်ပါ။

၁။ မိတ်ဆွေတွေက ကျွန်တော်တို့အပေါ် ဘယ်လို အကျိုးသက်ရောက်သလဲ။

တံငါနားနီး တံငါ၊ မုဆိုးနားနီး မုဆိုးဆိုသလိုပါပဲ။ လူမှုမီဒီယာမှာဖြစ်စေ၊ လူကိုယ်တိုင်ဖြစ်စေ ကိုယ်ပေါင်းတဲ့သူတွေရဲ့ အကျင့်စရိုက်တွေက ကိုယ့်ဆီ ကူးစက်လာနိုင်တယ်။ “ဉာဏ်ပညာရှိသူနဲ့ ပေါင်းဖော်ရင် ဉာဏ်ပညာ ရှိလာမယ်။ လူမိုက်[ယေဟောဝါကို မချစ်သူတွေ]နဲ့ ပေါင်းဖော်ရင်တော့ ဒုက္ခလှလှ တွေ့လိမ့်မယ်” လို့ ကျမ်းစာက ဆိုတယ်။ (ပညာအလိမ္မာ ၁၃:၂၀) ယေဟောဝါကို ချစ်တဲ့ မိတ်ဆွေတွေက ယေဟောဝါနဲ့ ပိုရင်းနှီးအောင်၊ ဆုံးဖြတ်ချက်ကောင်း ချနိုင်အောင် ကူညီပေးတယ်။ ယေဟောဝါကို မချစ်တဲ့ မိတ်ဆွေတွေကတော့ ကျွန်တော်တို့ကို ယေဟောဝါနဲ့ ဝေးကွာစေနိုင်တယ်။ ဒါကြောင့် မိတ်ဆွေတွေကို ပညာရှိရှိ ရွေးချယ်ဖို့ ကျမ်းစာ အားပေးတယ်။ ဘုရားကို ချစ်တဲ့သူတွေနဲ့ ပေါင်းရင် နှစ်ဦးနှစ်ဖက် အကျိုးရှိတယ်။ “အချင်းချင်း ဆက်ပြီး နှစ်သိမ့်အားပေး” နိုင်ကြတယ်။​—၁ သက်သာလောနိတ် ၅:၁၁။

၂။ ကျွန်တော်တို့ မိတ်ဆွေရွေးချယ်ပုံက ယေဟောဝါအပေါ် ဘယ်လို အကျိုးသက်ရောက်သလဲ။

ယေဟောဝါဟာ အသေအချာ ရွေးချယ်ပြီး မိတ်ဆွေဖွဲ့တယ်။ “ရိုးဖြောင့်သူကိုတော့ ခင်မင်ရင်းနှီးတယ်။” (ပညာအလိမ္မာ ၃:၃၂) ယေဟောဝါကို မချစ်တဲ့သူတွေနဲ့ မိတ်ဆွေဖွဲ့ရင် ယေဟောဝါ ဘယ်လို ခံစားရမလဲ။ အလွန်စိတ်ပျက်မှာပဲ။ (ယာကုပ် ၄:၄ ကို ဖတ်ပါ။) ဒါပေမဲ့ မကောင်းတဲ့ အပေါင်းအသင်းတွေကို ရှောင်မယ်၊ ဘုရားနဲ့ ရင်းနှီးအောင် ကြိုးစားမယ်၊ ဘုရားကို ချစ်တဲ့သူတွေနဲ့ ပေါင်းမယ်ဆိုရင် ယေဟောဝါ ပျော်ရွှင်မယ်။ ကျွန်တော်တို့လည်း ဘုရားရဲ့မိတ်ဆွေ ဖြစ်ခွင့်ရမယ်။​—ဆာလံ ၁၅:​၁-၄။

ရှာဖွေလေ တွေ့ရှိလေ

၄။ အသက်အရွယ်၊ အခြေအနေ မတူသူတွေနဲ့ မိတ်ဆွေဖွဲ့နိုင်

ရှေးခေတ် အစ္စရေးအမျိုးသား ဒါဝိဒ်နဲ့ ယောနသန်အကြောင်း ကျမ်းစာမှာ ဖော်ပြတယ်။ သူတို့က အသက်အရွယ်၊ အခြေအနေ မတူပေမဲ့ အလွန်ရင်းနှီးကြတယ်။ ၁ ရှမွေလ ၁၈:၁ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ရွယ်တူတန်းတူတွေနဲ့ပဲ မိတ်ဖွဲ့ရမယ်လို့ ဘာကြောင့် မဆိုလိုသလဲ။

ရောမ ၁:၁၁၊ ၁၂ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ယေဟောဝါကိုချစ်တဲ့ မိတ်ဆွေတွေဟာ အချင်းချင်း ဘယ်လို အားပေးနိုင်ကြသလဲ။

ဗီဒီယိုထဲက ညီအစ်ကိုဟာ ထင်မှတ်မထားတဲ့နေရာတွေမှာ မိတ်ဆွေ ဘယ်လိုရှာတွေ့သွားသလဲ ရှုစားပါ။ ဗီဒီယို ဖွင့်ပါ။ ပြီးတဲ့နောက် အောက်ပါ မေးခွန်းတွေကို သုံးသပ်ပါ။

• ဒီဗီဒီယိုမှာ အာကီးလ်ရဲ့ သူငယ်ချင်းတွေနဲ့ပတ်သက်ပြီး မိဘတွေ ဘာကြောင့် စိတ်ပူသလဲ။

• အာကီးလ် ဘာကြောင့် သူတို့နဲ့ ပေါင်းဖြစ်သွားသလဲ။

• အထီးကျန်စိတ်ကို သူ ဘယ်လို အနိုင်ယူခဲ့သလဲ။

၅။ မိတ်ဆွေကောင်း ဖွဲ့နိုင်ပုံ

အနှစ်ချုပ်

အပေါင်းအသင်းတွေကို ပညာရှိရှိ ရွေးချယ်တဲ့အခါ ယေဟောဝါ ပျော်ရွှင်သလို ကိုယ်တိုင်လည်း အကျိုးခံစားရတယ်။

ပြန်လည်သုံးသပ်ခြင်း

• ကျွန်တော်တို့ မိတ်ဆွေရွေးချယ်ပုံက ယေဟောဝါအတွက် ဘာကြောင့် အရေးကြီးသလဲ။

• ဘယ်မိတ်ဆွေမျိုးကို ရှောင်သင့်သလဲ။

• မိတ်ဆွေကောင်းတွေနဲ့ ပိုရင်းနှီးအောင် ဘယ်လို လုပ်နိုင်သလဲ။