ယေရှုဟာ ခရစ်ယာန်အသင်းတော်ရဲ့ ဦးခေါင်း ဖြစ်တယ်။ (ဧဖက် ၅:၂၃) မိမိနောက်လိုက်တွေကို “သစ္စာနဲ့ သတိပညာရှိတဲ့ကျွန်” ကတစ်ဆင့် ကောင်းကင်ကနေ လမ်းညွှန်နေတယ်။ (မဿဲ ၂၄:၄၅ ကို ဖတ်ပါ။) ယေရှုခန့်အပ်တဲ့ “ကျွန်” ဟာ အခွင့်အာဏာ အတော်အတန် ရှိပေမဲ့ ခရစ်တော်ကို နာခံပြီး ခရစ်တော်ရဲ့ညီတွေအတွက် အမှုဆောင်တယ်။ ဒီကျွန်ဟာ ဘယ်သူလဲ။ ကျွန်တော်တို့ကို ဘယ်လို ဂရုစိုက်နေသလဲ။

၁။ “သစ္စာနဲ့ သတိပညာရှိတဲ့ကျွန်” ဟာ ဘယ်သူလဲ။

ယေဟောဝါက အမျိုးသားတစ်ဦး ဒါမှမဟုတ် အမျိုးသားတစ်စုကို သုံးပြီး မိမိလူမျိုးကို လမ်းညွှန်လေ့ရှိတယ်။ (မာလခိ ၂:၇။ ဟီဘရူး ၁:၁) ယေရှု သေဆုံးပြီးနောက်ပိုင်း ဂျေရုဆလင်မြို့မှာရှိတဲ့ တမန်တော်တွေ၊ အကြီးအကဲတွေ ဦးဆောင်ခဲ့ကြတယ်။ (တမန်တော် ၁၅:၂) အခုအချိန်မှာလည်း ယေဟောဝါသက်သေတွေရဲ့ အုပ်ချုပ်ရေးအဖွဲ့လို့ ခေါ်တဲ့ အကြီးအကဲတစ်စုက ဦးဆောင်နေတယ်။ ဘုရားနဲ့ ရင်းနှီးတဲ့ဆက်ဆံရေး ရှိစေတဲ့ ကျမ်းစာအကြောင်းအရာတွေ ပြင်ဆင်ပေးပြီး ဟောပြောခြင်းလုပ်ငန်းကို လမ်းညွှန်နေတယ်။ ဒီအုပ်စုဟာ ‘ယေရှုခန့်အပ်ထားတဲ့ သစ္စာနဲ့ သတိပညာရှိတဲ့ကျွန်’ ဖြစ်တယ်။ (မဿဲ ၂၄:၄၅) အုပ်ချုပ်ရေးအဖွဲ့ဝင်အားလုံးဟာ စွမ်းအားတော်နဲ့ ဘိသိက်ပေးခံရသူတွေ ဖြစ်ပြီး မြေကြီးအသက်တာ ကုန်ဆုံးတဲ့အခါ ကောင်းကင်နိုင်ငံတော်မှာ ခရစ်တော်နဲ့အတူ အုပ်စိုးကြမယ်။

၂။ သစ္စာရှိကျွန်က ကျွန်တော်တို့ရဲ့ယုံကြည်ခြင်း ခိုင်ခံ့စေဖို့ ဘာတွေ ပြင်ဆင်ပေးသလဲ။

သစ္စာရှိကျွန်ဟာ “[ခရစ်ယာန်တွေအတွက်] အချိန်တန်ရင် အစားအစာဝေပေး” မယ်လို့ ယေရှု ပြောတယ်။ (မဿဲ ၂၄:၄၅) ကျွန်တော်တို့စားတဲ့ အစာက ကိုယ်ခန္ဓာကို ကျန်းမာသန်စွမ်းစေတယ်။ အချိန်တန်အစာနဲ့တူတဲ့ ကျမ်းစာသွန်သင်ချက်တွေကလည်း ယေဟောဝါကို သစ္စာရှိဖို့၊ ယေရှုပေးထားတဲ့အလုပ်ကို လုပ်ဆောင်နိုင်ဖို့ ခွန်အားရှိစေတယ်။ (၁ တိမောသေ ၄:၆) အစည်းအဝေး၊ အစည်းအဝေးပွဲ၊ အစည်းအဝေးကြီး၊ ကျမ်းစာစာပေတွေ၊ ဗီဒီယိုတွေကတစ်ဆင့် ရတဲ့ သွန်သင်ချက်တွေက ဘုရားအလိုတော်ကို နားလည်အောင်၊ ဘုရားနဲ့ ပိုရင်းနှီးအောင် ကူညီပေးတယ်။

ရှာဖွေလေ တွေ့ရှိလေ

၃။ ယေဟောဝါရဲ့လူမျိုးကို ဖွဲ့စည်းထား

ယေရှုလမ်းညွှန်မှုအောက်မှာ အုပ်ချုပ်ရေးအဖွဲ့က ယေဟောဝါသက်သေတွေရဲ့ လုပ်ငန်းကို စီစဉ်ဖွဲ့စည်းပေးတယ်။ အစောပိုင်း ခရစ်ယာန်တွေကိုလည်း အလားတူ ဖွဲ့စည်းခဲ့တယ်။ ဗီဒီယို ဖွင့်ပါ။

၁ ကောရိန္သု ၁၄:၃၃၊ ၄၀ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ယေဟောဝါက မိမိရဲ့သက်သေတွေကို စနစ်တကျ ဖွဲ့စည်းထားချင်တယ်ဆိုတာ ဒီကျမ်းပိုဒ်တွေက ဘယ်လို ဖော်ပြသလဲ။

၄။ သစ္စာရှိကျွန်က ဟောပြောခြင်းလုပ်ငန်းကို စီစဉ်ဖွဲ့စည်း

ဟောပြောခြင်းဟာ အစောပိုင်းခရစ်ယာန်တွေ လုပ်ဆောင်ခဲ့တဲ့ အရေးကြီးဆုံးလုပ်ငန်း ဖြစ်တယ်။ တမန်တော် ၈:၁၄၊ ၂၅ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• အစောပိုင်းခရစ်ယာန်ခေတ်မှာ ဟောပြောခြင်းလုပ်ငန်းကို ဘယ်သူ လမ်းညွှန်သလဲ။

• တမန်တော်တွေရဲ့ လမ်းညွှန်မှုကို ပေတရုနဲ့ ယောဟန် ဘယ်လို တုံ့ပြန်ခဲ့သလဲ။

ဟောပြောခြင်းဟာ အုပ်ချုပ်ရေးအဖွဲ့ စီစဉ်ပေးတဲ့ အရေးကြီးဆုံးလုပ်ငန်း ဖြစ်တယ်။ ဗီဒီယို ဖွင့်ပါ။

ဟောပြောခြင်းဟာ အလွန်အရေးကြီးကြောင်း ယေရှု အလေးပေးပြောခဲ့တယ်။ မာကု ၁၃:၁၀ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ဟောပြောခြင်းဟာ အုပ်ချုပ်ရေးအဖွဲ့အတွက် ဘာကြောင့် ဒီလောက် အရေးကြီးသလဲ။

• ကမ္ဘာတစ်ဝန်းမှာ ဒီလုပ်ငန်းကို စီစဉ်ဖွဲ့စည်းဖို့ “သစ္စာနဲ့ သတိပညာရှိတဲ့ကျွန်” ဘာကြောင့် လိုအပ်သလဲ။

၅။ သစ္စာရှိကျွန် လမ်းညွှန်ပေး

ကမ္ဘာတစ်ဝန်းက ခရစ်ယာန်တွေကို အုပ်ချုပ်ရေးအဖွဲ့ လမ်းညွှန်ပေးပါတယ်။ ဘယ်လို ဆုံးဖြတ်ပြီး လမ်းညွှန်ကြသလဲ။ အစောပိုင်းခရစ်ယာန်တွေရဲ့ အုပ်ချုပ်ရေးအဖွဲ့ လုပ်ဆောင်ပုံကို သုံးသပ်ပါ။ တမန်တော် ၁၅:၁၊ ၂ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• အစောပိုင်းခရစ်ယာန်တချို့ ဘာအတွက် ငြင်းခုံခဲ့ကြသလဲ။

• ပေါလု၊ ဗာနဗနဲ့ ညီအစ်ကိုတချို့ဟာ ပြဿနာဖြေရှင်းဖို့ ဘယ်သူတွေဆီ သွားကြသလဲ။

တမန်တော် ၁၅:၁၂-၁၈၊ ၂၃-၂၉ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• အစောပိုင်း အုပ်ချုပ်ရေးအဖွဲ့ဟာ ဘုရားလမ်းညွှန်မှု ရနိုင်ဖို့ ဘာကို ထည့်တွက်စဉ်းစားပြီးမှ ဆုံးဖြတ်ချက် ချခဲ့ကြသလဲ။​—အခန်းငယ် ၁၂၊ ၁၅၊ ၂၈ ကို ကြည့်ပါ။

တမန်တော် ၁၅:၃၀၊ ၃၁။ ၁၆:၄၊ ၅ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• အစောပိုင်း ခရစ်ယာန်တွေဟာ အုပ်ချုပ်ရေးအဖွဲ့ရဲ့ လမ်းညွှန်မှုကို ဘယ်လို တုံ့ပြန်ကြသလဲ။

• သူတို့ရဲ့ နာခံမှုကို ယေဟောဝါ ဘယ်လို ကောင်းချီးပေးသလဲ။

၂ တိမောသေ ၃:၁၆ နဲ့ ယာကုပ် ၁:၅ တို့ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• အခုခေတ်မှာကော အုပ်ချုပ်ရေးအဖွဲ့က ဆုံးဖြတ်ချက် မချခင် လမ်းညွှန်မှုရဖို့ ဘာလုပ်ကြသလဲ။

အနှစ်ချုပ်

အုပ်ချုပ်ရေးအဖွဲ့ဟာ ခရစ်တော် ခန့်အပ်ထားတဲ့ “သစ္စာနဲ့ သတိပညာရှိတဲ့ကျွန်” ဖြစ်တယ်။ ကမ္ဘာတစ်ဝန်းက ခရစ်ယာန်တွေကို လမ်းညွှန်ပြီး ယုံကြည်ခြင်း ခိုင်ခံ့စေတဲ့ ကျမ်းစာအကြောင်းအရာတွေ ပြင်ဆင်ပေးနေတယ်။

ပြန်လည်သုံးသပ်ခြင်း

• “သစ္စာနဲ့ သတိပညာရှိတဲ့ကျွန်” ကို ဘယ်သူ ခန့်အပ်ထားသလဲ။

• အုပ်ချုပ်ရေးအဖွဲ့က ကျွန်တော်တို့ကို ဘယ်လို ဂရုစိုက်နေသလဲ။

• အုပ်ချုပ်ရေးအဖွဲ့ဟာ “သစ္စာနဲ့ သတိပညာရှိတဲ့ကျွန်” ဖြစ်ကြောင်း သင် ယုံသလား။