ဆာလံ ၁၄၁:၁-၁၀
ဒါဝိဒ်စပ်ဆိုတဲ့ သီချင်း။
၁၄၁ အို ယေဟောဝါ၊ ကိုယ်တော့်ကိုဆုတောင်းပါတယ်။+
အမြန်ဆုံး လာကူညီလှည့်ပါ။+
ကျွန်တော် ဆုတောင်းတဲ့အခါ အာရုံစိုက်ပေးလှည့်ပါ။+
၂ ကျွန်တော့်ရဲ့ ဆုတောင်းချက်ဟာ ရှေ့တော်မှာ ပြင်ဆင်ထားတဲ့နံ့သာပေါင်းလို+ ဖြစ်ပါစေ။+
လက်ဖြန့်ပြီး တောင်းတဲ့ဆုဟာလည်း ညဦးပိုင်း ကောက်နှံအလှူလို ဖြစ်ပါစေ။+
၃ အို ယေဟောဝါ၊ ကျွန်တော့်နှုတ်မှာ အစောင့်ချထားပေးပါ။
နှုတ်ခမ်းတံခါးဝမှာ ကင်းစောင့်ချထားပေးပါ။+
၄ လူယုတ်မာတွေနဲ့အတူ ယုတ်ညံ့တဲ့အကျင့်တွေ မကျင့်မိအောင်ကျွန်တော့်စိတ်ကို မကောင်းတဲ့ဘက် မတိမ်းညွတ်စေပါနဲ့။+
သူတို့ရဲ့ စားကောင်းသောက်ဖွယ်တွေကို ကျွန်တော် ဘယ်တော့မှ မစားပါရစေနဲ့။
၅ ဖြောင့်မတ်သူက ကျွန်တော့်ကို ရိုက်ပါစေ။ ဒါဟာ ခိုင်မြဲတဲ့မေတ္တာကို ပြတာပဲ။+
ကျွန်တော့်ကို ပဲ့ပြင်ပါစေ။ ဒါဟာ ခေါင်းပေါ် ဆီလောင်းသလိုပါပဲ။+
ကျွန်တော် ဘယ်တော့မှ မငြင်းပါဘူး။+
သူဘေးဆိုးကြုံရချိန်မှာတောင် သူ့အတွက် ဆုတောင်းပေးနေမှာပါ။
၆ တရားသူကြီးတွေ ချောက်ကမ်းပါးပေါ်ကနေ ပစ်ချခံရပေမဲ့လူတွေက ကျွန်တော့်စကားတွေကို အာရုံစိုက်ကြလိမ့်မယ်။ အဲဒီစကားတွေဟာ နှစ်သက်စရာ ကောင်းလို့ပါ။
၇ ထယ်ထိုးလိုက်တဲ့အခါ မြေစိုင်တွေ ပွတက်လာသလိုကျွန်တော်တို့ရဲ့ အရိုးတွေလည်း သင်္ချိုင်းတွင်းဝမှာ ပြန့်ကျဲနေတယ်။
၈ အချုပ်အခြာအာဏာပိုင်ရှင် ယေဟောဝါ၊ကိုယ်တော့်ကို မျှော်ကိုးပါတယ်။+ ကိုယ်တော့်ဆီမှာ ခိုလှုံပါတယ်။
ကျွန်တော့်အသက်ကို မရုပ်သိမ်းလိုက်ပါနဲ့။
၉ ကျွန်တော့်အတွက် ဆင်ထားတဲ့ ထောင်ချောက်ထဲ၊လူယုတ်မာတွေရဲ့ ကျော့ကွင်းထဲ မကျသွားအောင် ကာကွယ်ပေးပါ။
၁၀ ဘေးမသီရန်မခ ကျွန်တော် ဖြတ်ကျော်သွားတဲ့အခါလူဆိုးအားလုံး ကိုယ့်ထောင်ချောက်ထဲ ကိုယ်ပြန်ကျလိမ့်မယ်။+