ဆာလံ ၅၃:၁-၆
ဂီတမှူးသို့။ မဟာလတ်* တေးအမျိုးအစားအတိုင်း သီဆိုရန်။ မက်စကီး။* ဒါဝိဒ်စပ်ဆိုတဲ့ သီချင်း။
၅၃ မိုက်မဲသူတွေက “ယေဟောဝါ မရှိဘူး” လို့ စိတ်ထဲမှာ ပြောတတ်တယ်။+
သူတို့ရဲ့အကျင့်တွေဟာ မဖြောင့်မတ်ဘဲ ယိုယွင်းနေတယ်။ ရွံစရာကောင်းတယ်။
မှန်ရာလုပ်တဲ့သူ တစ်ယောက်မှ မရှိဘူး။+
၂ ဘုရားသခင်ကတော့ လူသားတွေထဲမှာ ထိုးထွင်းဉာဏ်ရှိသူ၊ယေဟောဝါကို ရှာတဲ့သူ ရှိလေမလားဆိုပြီး+ ကောင်းကင်ကနေ ငုံ့ကြည့်နေတယ်။+
၃ သူတို့အားလုံး လမ်းလွဲပြီးအကျင့်ယိုယွင်းနေတယ်။
မှန်ရာလုပ်တဲ့သူ မရှိဘူး။
တစ်ယောက်တလေတောင်မရှိဘူး။+
၄ အမှားလုပ်တဲ့သူတွေ တစ်ယောက်မှ နားမလည်ကြဘူး။
ငါ့လူတွေကို အစားအစာလို ဝါးမျိုပစ်တယ်။
ယေဟောဝါဆီ ဆုမတောင်းကြဘူး။+
၅ ဒါပေမဲ့ မင်းကို တိုက်ခိုက်သူတွေရဲ့ အရိုးတွေကို ဘုရားသခင် ပြန့်ကျဲစေမှာဖြစ်လို့
တစ်ခါမှမကြုံဖူးတဲ့ ကြောက်လန့်ခြင်းမျိုးနဲ့*
သူတို့ အကြီးအကျယ် ကြောက်လန့်ရလိမ့်မယ်။
ယေဟောဝါ ငြင်းပယ်လိုက်တဲ့ သူတို့ကို မင်းအရှက်ခွဲရလိမ့်မယ်။
၆ ဇိအုန်ကနေ အစ္စရေးရဲ့ကယ်တင်ခြင်း ပေါ်ထွက်လာပါစေ။+
ယေဟောဝါက လူမျိုးတော်ကို သုံ့ပန်းဘဝကနေ ပြန်စုသိမ်းတဲ့အခါယာကုပ် ရွှင်လန်းပါစေ။ အစ္စရေး ဝမ်းမြောက်ပါစေ။
