မာလခိ ၄:၁-၆
၄ ဗိုလ်ခြေတို့ရဲ့အရှင် ယေဟောဝါ ပြောတာက– “ကြည့်ပါ။ မီးဖိုမှာ မီးတောက်သလို တောက်လောင်တဲ့နေ့ ရောက်တော့မယ်။+ ရောင့်တက်သူတွေ၊ လူဆိုးတွေဟာ ရိုးပြတ်လို ဖြစ်သွားမယ်။ အဲဒီနေ့ကျရင် သူတို့ အရင်းအဖျားပါမကျန် လောင်ကျွမ်းသွားမယ်။
၂ ငါ့နာမည်ကို ဂုဏ်တင်တဲ့ မင်းတို့အပေါ်မှာတော့ ဖြောင့်မတ်ခြင်းနေမင်းဟာ ကုသပေးနိုင်စွမ်းရှိတဲ့ ရောင်ခြည်တွေ ထွန်းလင်းပေးမယ်။ ဆူဖြိုးတဲ့နွားကလေးတွေလို မင်းတို့ ခုန်ပေါက်နေလိမ့်မယ်။”
၃ “လူဆိုးတွေကို မင်းတို့ နင်းခြေကြလိမ့်မယ်။ သူတို့ဟာ ငါ အရေးယူလုပ်ဆောင်တဲ့နေ့မှာ မင်းတို့ခြေအောက်က မြေမှုန့်လို ဖြစ်သွားမယ်” လို့ ဗိုလ်ခြေတို့ရဲ့အရှင် ယေဟောဝါ ပြောတယ်။
၄ “အစ္စရေးတွေ နာခံဖို့ ဟောရပ်တောင်မှာ ငါမိန့်မှာခဲ့တဲ့ စည်းမျဉ်းတွေ၊ စီရင်ချက်တွေပါတဲ့ ငါ့ကျွန်မောရှေရဲ့ ပညတ်ကို သတိရကြပါ။+
၅ “ယေဟောဝါရဲ့ ကြောက်မက်ဖွယ်နေ့ကြီး မရောက်ခင်+ ပရောဖက် ဧလိယကို မင်းတို့ဆီ ငါစေလွှတ်မယ်။+
၆ ငါလာပြီး ကမ္ဘာမြေကို ဒဏ်မခတ်စေဖို့၊ မဖျက်ဆီးဖို့ ဧလိယက ဖခင်တွေရဲ့ စိတ်နှလုံးကို သားတွေရဲ့ စိတ်နှလုံးလို ဖြစ်အောင်၊+ သားတွေရဲ့ စိတ်နှလုံးကို ဖခင်တွေရဲ့ စိတ်နှလုံးလို ဖြစ်အောင် ပြောင်းလဲပေးမယ်။”*
အောက်ခြေမှတ်ချက်များ
^ ဒါမှမဟုတ်၊ “ဖခင်တွေရဲ့ စိတ်နှလုံးကို သားတွေဆီ ပြန်လှည့်လာအောင်၊ သားတွေရဲ့ စိတ်နှလုံးကို ဖခင်တွေဆီ ပြန်လှည့်လာအောင် လုပ်ပေးမယ်။”
