မြည်တမ်းစကား ၂:၁-၂၂
א
၂ ယေဟောဝါဟာ ဇိအုန်သမီးပျိုကို ဒေါသမိုးတိမ်နဲ့ ဖုံးလွှမ်းလိုက်ပြီပဲ။
အစ္စရေးရဲ့ အလှတရားကို ကောင်းကင်ကနေ မြေကြီးပေါ် ပစ်ချလိုက်ပြီ။+
အမျက်တော်ထွက်တဲ့နေ့မှာ ခြေတင်ရာခုံကို သတိမရတော့ဘူး။+
ב
၂ ယာကုပ်ရဲ့နေရာတွေကို ယေဟောဝါ မညှာမတာ ဝါးမျိုလိုက်ပြီ။
ယုဒသမီးပျိုရဲ့ ခံတပ်တွေကို ဒေါသတကြီး ဖြိုချလိုက်ပြီ။+
သူ့နိုင်ငံနဲ့ မင်းညီမင်းသားတွေကို မြေပေါ် ဆွဲချပြီး ရှုတ်ချလိုက်ပြီ။+
ג
၃ အစ္စရေးရဲ့ အစွမ်းခွန်အားကို* ဒေါသတကြီး ချိုးပစ်တယ်။
အစ္စရေးကို ရန်သူတွေလာတိုက်တဲ့အခါ ညာလက်တော်ကို ရုပ်သိမ်းလိုက်တယ်။+
အမျက်တော်ဟာ ပတ်လည်မှာရှိသမျှကို လောင်တဲ့မီးလို ယာကုပ်ကို လောင်နေတယ်။+
ד
၄ ဘုရားဟာ ရန်သူလို လေးကိုတင်ထားတယ်။ ရန်ဘက်လို ညာလက်ကို ရွယ်ထားတယ်။+
ငါတို့ချစ်ခင်ရသူတွေကို ကွပ်မျက်တယ်။+
အမျက်တော်မီးကို+ ဇိအုန်သမီးပျိုရဲ့ တဲအပေါ်+ သွန်းလောင်းတယ်။
ה
၅ ယေဟောဝါဟာ ငါတို့ရန်သူ ဖြစ်သွားပြီ။+
အစ္စရေးကို ဝါးမျိုလိုက်ပြီ။
ဇိအုန်မျှော်စင်တွေကို ဝါးမျိုပြီးခံတပ်တွေကို ဖျက်ဆီးလိုက်ပြီ။
ယုဒသမီးပျိုကို အကြီးအကျယ် ငိုကြွေးမြည်တမ်းစေတယ်။
ו
၆ ယေဟောဝါက သူ့တဲကို ယာခင်းထဲက တဲလို ဖြိုချတယ်။+
ပွဲတော်ကို ဖျက်သိမ်းလိုက်တယ်။+
ဇိအုန်မှာ ပွဲတော်နဲ့ ဥပုသ်နေ့ကို မေ့လျော့စေတယ်။
ဘုရင်နဲ့ ပုရောဟိတ်ကို အကြီးအကျယ် အမျက်ထွက်ပြီး အရေးမလုပ်တော့ဘူး။+
ז
၇ ယေဟောဝါဟာ ပူဇော်ရာပလ္လင်ကို စွန့်ပယ်လိုက်ပြီ။
သန့်ရှင်းရာဌာနတော်ကို ပစ်ပယ်လိုက်ပြီ။+
ခံတပ်မျှော်စင်တွေကို ရန်သူလက်ထဲ အပ်လိုက်ပြီ။+
ပွဲတော်နေ့မှာ ကြွေးကြော်သလို ယေဟောဝါရဲ့ အိမ်တော်မှာ ရန်သူတွေ ကြွေးကြော်နေကြပြီ။+
ח
၈ ယေဟောဝါက ဇိအုန်သမီးပျိုရဲ့ မြို့ရိုးကို ဖျက်ဆီးဖို့ ဆုံးဖြတ်ထားတယ်။+
တိုင်းကြိုးကို ဆန့်တန်းလိုက်တယ်။+
ဖျက်ဆီးဖို့ လက်တော်ကို မရုပ်သိမ်းဘူး။
ခံစစ်ကုန်းရိုးနဲ့ မြို့ရိုးကို ညည်းတွားငိုကြွေးစေတယ်။
အားလုံး ပြိုကျကုန်ပြီ။
ט
၉ ဇိအုန်မြို့တံခါးတွေ မြေကြီးထဲ နစ်မြုပ်ကုန်ပြီ။+
ဇိအုန်ကန့်လန့်ကျင်တွေကို ချိုးဖျက်တယ်။
ဘုရင်နဲ့ မင်းညီမင်းသားတွေ လူမျိုးတွေအလယ်မှာ နေထိုင်ရတယ်။+
ပညတ်ချက်တွေ လိုက်နာသူ တစ်ယောက်မှ မရှိဘူး။
ပရောဖက်တွေတောင် ယေဟောဝါဆီက စိတ်အာရုံကို မရတော့ဘူး။+
י
၁၀ ဇိအုန်သမီးပျိုရဲ့ အကြီးအကဲတွေ မြေပေါ်ထိုင်ပြီး နှုတ်ဆိတ်နေကြတယ်။+
မြေမှုန့်ကို ခေါင်းပေါ်တင်ပြီး အထည်ကြမ်း* ဝတ်ထားကြတယ်။+
ဂျေရုဆလင်ရဲ့ အပျိုစင်တွေ ခေါင်းငိုက်စိုက်နဲ့ မြေမှာ ပြားပြားဝပ်နေပြီ။
כ
၁၁ ငိုရလွန်းလို့ ငါ့မျက်စိတွေ ညောင်းလှပြီ။+ ရင်ထဲမှာ ဗလောင်ဆူနေတယ်။
အသည်းတွေ ကွဲကြေပြီး မြေပေါ် စီးကျနေတယ်။
ငါ့လူမျိုးသမီးပျို ပြိုလဲပြီး+
လူထုရင်ပြင်တွေမှာ နို့စို့နို့ ညှာကလေးတွေ အားပြတ်နေလို့ပေါ့။+
ל
၁၂ သူတို့ဟာ လူထုရင်ပြင်တွေမှာ ဒဏ်ရာရသူတွေလို အားပြတ်နေကြပြီ။
မိခင်ရင်ခွင်မှာ အသက်ယဲ့ယဲ့လေးပဲ ကျန်တော့တယ်။
“အမေ၊ စားစရာသောက်စရာတွေကော” လို့မေးနေကြတယ်။+
מ
၁၃ အို ဂျေရုဆလင်သမီးပျို၊ မင်းကို ဘာနဲ့ ဥပမာပေးရမလဲ။
ဘာနဲ့ ခိုင်းနှိုင်းရမလဲ။
အို ဇိအုန်သမီးပျို၊ မင်းကို ဘာနဲ့ခိုင်းနှိုင်းပြီး နှစ်သိမ့်ပေးရမလဲ။
မင်းရဲ့ဒဏ်ရာဟာ ပင်လယ်ကြီးလောက် ကျယ်ပြောနေလို့+ ဘယ်သူ ကုသပေးနိုင်မှာလဲ။+
נ
၁၄ ပရောဖက်တွေဟာ မှားယွင်းတဲ့၊ အဓိပ္ပာယ်မရှိတဲ့ စိတ်အာရုံတွေကို မြင်မက်ကြတယ်။+
သုံ့ပန်းဘဝ မရောက်ရလေအောင် မင်းရဲ့အမှားကို မဖော်ထုတ်ပေးကြဘူး။+
မှားယွင်းတဲ့၊ လမ်းလွဲစေတဲ့ သတင်းစကားတွေပါတဲ့ စိတ်အာရုံကိုပဲ မြင်ကြတယ်။+
ס
၁၅ လမ်းသွားလမ်းလာတွေ မင်းကိုကြည့်ပြီး လှောင်တဲ့အနေနဲ့ လက်ခုပ်တီးကြတယ်။+
ဂျေရုဆလင်သမီးပျိုကို ခေါင်းတခါခါနဲ့ အံ့သြတကြီး ကြည့်ရင်း လှောင်ပြောင်ကြလိမ့်မယ်။*+
“‘အလှတရားနဲ့ ပြည့်စုံတဲ့မြို့၊ မြေတစ်ပြင်လုံးရဲ့ ရွှင်လန်းစရာမြို့’ ဆိုတာ ဒီမြို့တဲ့လား” ဆိုပြီး ပြောကြတယ်။+
פ
၁၆ ရန်သူတွေ မင်းကိုဝါးမျိုဖို့ ပါးစပ်ဟထားကြတယ်။ လှောင်ပြောင်ကြတယ်။ အံကြိတ်ခံပြင်းနေကြတယ်။
“သူ့ကို မျိုချလိုက်ပြီ။+ ငါတို့စောင့်မျှော်နေတဲ့နေ့ ရောက်လာပြီ။+
ဒီလိုနေ့မျိုး မြင်ရပြီဟေ့”+ လို့ပြောကြတယ်။
ע
၁၇ ယေဟောဝါက ရည်ရွယ်ထားတဲ့အတိုင်း လုပ်ဆောင်တယ်။+
အရင်ကမိန့်မှာခဲ့တာကို+ အကောင်အထည်ဖော်တယ်။+
မညှာမတာ ဖြိုချတယ်။+
ရန်သူတွေကို မင်းအပေါ် အောင်ပွဲဆင်ပြီး ဝမ်းမြောက်ခွင့်ပေးတယ်။ ရန်ဘက်တွေရဲ့ အစွမ်းခွန်အားကို ချီးမြှောက်တယ်။
צ
၁၈ အို ဇိအုန်သမီးပျိုရဲ့ မြို့ရိုး၊ ယေဟောဝါကို လူတွေ အော်ဟစ်အကူအညီတောင်းနေတယ်။
မျက်ရည်တွေ နေ့ရောညပါ ချောင်းလို စီးဆင်းပါစေ။
အနားမယူနဲ့။ မနားတမ်း ငိုလိုက်ပါ။
ק
၁၉ တစ်ညလုံး ငိုကြွေးပါ။
ရေသွန်ချသလို ယေဟောဝါရှေ့မှာ ရင်ဖွင့်ချလိုက်ပါ။
လမ်းထောင့်တိုင်းမှာ ငတ်ပြတ်နေတဲ့ သားသမီးတွေ အသက်ချမ်းသာရအောင်
လက်ဖြန့်ဆုတောင်းပါ။+
ר
၂၀ အို ယေဟောဝါ၊ ကိုယ်တော် ပြင်းပြင်းထန်ထန် ဒဏ်ခတ်လိုက်တဲ့သူကို ကြည့်ပါဦး။
မိခင်တွေဟာ ကိုယ့်ရင်သွေးတွေ၊ ကျန်းကျန်းမာမာ မွေးထုတ်ခဲ့တဲ့ သားသမီးတွေရဲ့ အသားကို စားသင့်သလား။+
ယေဟောဝါရဲ့ သန့်ရှင်းရာဌာနတော်မှာ ပုရောဟိတ်တွေ၊ ပရောဖက်တွေ အသတ်ခံရသင့်သလား။+
ש
၂၁ လူကြီးလူငယ်ပါမကျန် လမ်းပေါ် လဲသေနေကြတယ်။+
အပျိုလူပျိုတွေ ဓားဘေးကြောင့် ကျဆုံးကုန်ပြီ။+
အမျက်တော်ထွက်တဲ့နေ့မှာ သူတို့ကို ကွပ်မျက်တယ်။ မညှာမတာ ကွပ်မျက်တယ်။+
ת
၂၂ အရပ်ရပ်က ကြောက်မက်ဖွယ်ရာတွေကို ကိုယ်တော်ဖိတ်ခေါ်နေတာ ပွဲတော်နေ့ကျနေတာပဲ။+
ယေဟောဝါ အမျက်ထွက်တဲ့နေ့မှာ အသက်ရှင်လွတ်မြောက်သူ တစ်ယောက်မှ မရှိဘူး။+
ငါမွေးထုတ်ပြီး ကျွေးမွေးစောင့်ရှောက်ခဲ့သူတွေကို ရန်သူ ချေမှုန်းလိုက်ပြီ။+
