ယာကုပ် ၅:၁-၂၀
၅ ချမ်းသာသူတို့၊ ကျွန်တော်ပြောတာ နားထောင်ပါ။ ကြုံရတော့မယ့် ဆင်းရဲဒုက္ခတွေကြောင့် ငိုကြွေးမြည်တမ်းကြပါ။+
၂ ခင်ဗျားတို့ရဲ့ စည်းစိမ်ဥစ္စာတွေ ပုပ်ဆွေးပြီး အဝတ်တွေ ပိုးစားကုန်ပြီ။+
၃ ရွှေငွေတွေ သံချေးတက်ကုန်ပြီ။ ခင်ဗျားတို့ရဲ့အသားကို စားပစ်မယ့် အဲဒီသံချေးက ခင်ဗျားတို့ရဲ့အမှားကို ဖော်ပြလိမ့်မယ်။ ခင်ဗျားတို့ စုဆောင်းထားတာတွေဟာ နောက်ဆုံးကာလမှာ မီးနဲ့တူလိမ့်မယ်။+
၄ လယ်ကွက်မှာ ရိတ်သိမ်းတဲ့သူတွေကို ခင်ဗျားတို့ လုပ်ခမပေးတဲ့အတွက် အဲဒီလုပ်ခက အော်ဟစ်ငိုကြွေးနေတယ်။ ဗိုလ်ခြေတို့ရဲ့အရှင် ယေဟောဝါက* ရိတ်သိမ်းသူတွေရဲ့ အော်ဟစ်အကူအညီတောင်းသံကို ကြားတယ်။+
၅ ခင်ဗျားတို့က ဒီလောကမှာ စည်းစိမ်ခံပြီး အပျော်အပါး လိုက်စားနေတယ်။ အသတ်ခံရမယ့်နေ့အထိ စားသောက်ပြီး ဆူဖြိုးနေတဲ့ တိရစ္ဆာန်တွေနဲ့ တူနေတယ်။+
၆ ဖြောင့်မတ်သူကို ခင်ဗျားတို့ အပြစ်စီရင်ပြီး ကွပ်မျက်တယ်။ ဒါကြောင့် သူက ခင်ဗျားတို့ကို ဆန့်ကျင်နေတာ။
၇ ဒါကြောင့် ညီအစ်ကိုတို့၊ သခင်ရောက်ရှိနေချိန်အထိ+ စိတ်ရှည်ကြပါ။ လယ်သမားက အဖိုးတန်တဲ့ မြေထွက်သီးနှံတွေ သီးပွင့်လာဖို့ မိုးဦးနဲ့ မိုးနှောင်းရွာမယ့်အချိန်ကို စိတ်ရှည်ရှည်နဲ့ စောင့်မျှော်တတ်တယ်။+
၈ အလားတူ၊ ခင်ဗျားတို့လည်း စိတ်ရှည်ကြပါ။+ စိတ်ဓာတ်ကြံ့ခိုင်ကြပါ။ သခင်ရောက်ရှိနေချိန် နီးပြီ။+
၉ ညီအစ်ကိုတို့၊ အချင်းချင်း မကျေမချမ်း မပြောကြပါနဲ့။ ပြောရင် တရားစီရင်ခံရလိမ့်မယ်။+ တရားစီရင်တဲ့အရှင် တံခါးဝမှာ ရပ်နေတယ်။
၁၀ ညီအစ်ကိုတို့၊ ယေဟောဝါရဲ့* နာမည်ကိုသုံးပြီး ဟောခဲ့တဲ့ ပရောဖက်တွေ+ ဆင်းရဲဒုက္ခခံခဲ့တာ၊+ စိတ်ရှည်ခဲ့တာကို+ နမူနာယူကြပါ။
၁၁ ခံနိုင်ရည်ရှိသူတွေကို ပျော်ရွှင်ချမ်းမြေ့သူတွေလို့* ကျွန်တော်တို့ ယူမှတ်တယ်။+ ခင်ဗျားတို့က ယောဘရဲ့ခံနိုင်ရည်အကြောင်း+ ကြားဖူးသလို သူ့ကို ယေဟောဝါ* ကောင်းချီးပေးခဲ့တာကိုလည်း+ သိထားကြတာပဲ။ ယေဟောဝါဟာ* အလွန်ချစ်ခင်စာနာပြီး ကရုဏာကြီးတယ်။+
၁၂ ညီအစ်ကိုတို့၊ အထူးသဖြင့် တိုင်တည်ကျိန်ဆိုတာတွေ မလုပ်ပါနဲ့တော့။ ကောင်းကင်ကိုဖြစ်စေ၊ မြေကြီးကိုဖြစ်စေ၊ တခြားအရာတစ်ခုခုကိုဖြစ်စေ တိုင်တည်ပြီး မကျိန်ဆိုပါနဲ့တော့။ တရားစီရင်မခံရအောင် ဟုတ်ရင် “ဟုတ်တယ်၊” မဟုတ်ရင် “မဟုတ်ဘူး” လို့ပဲ ပြောပါ။+
၁၃ ခင်ဗျားတို့ထဲမှာ အခက်အခဲကြုံနေရသူ ရှိသလား။ ရှိရင် သူ မပြတ်ဆုတောင်းပါစေ။+ ပျော်ရွှင်နေတဲ့သူ ရှိသလား။ ရှိရင် ဆာလံသီချင်းတွေ သူသီဆိုပါစေ။+
၁၄ ဖျားနာနေတဲ့သူ* ရှိသလား။ ရှိရင် အသင်းတော် အကြီးအကဲတွေကို သူခေါ်ပါစေ။+ အကြီးအကဲတွေက ယေဟောဝါရဲ့* နာမည်ကိုသုံးပြီး သူ့အတွက် ဆုတောင်းပေးမယ်၊ ဆီလိမ်းပေးလိမ့်မယ်။+
၁၅ ယုံကြည်ခြင်းနဲ့တောင်းတဲ့ ဆုတောင်းချက်တွေဟာ လူနာကို* ကျန်းမာစေတယ်။ ယေဟောဝါက* သူ့ကို ထူမပေးလိမ့်မယ်၊ သူအပြစ်ကျူးလွန်ထားရင်လည်း ခွင့်လွှတ်ပေးလိမ့်မယ်။
၁၆ ဒါကြောင့် အချင်းချင်း ကိုယ့်အပြစ်ကို ဝန်ချတောင်းပန်ကြပါ။+ အချင်းချင်းအတွက် ဆုတောင်းပေးကြပါ။ ဒါမှ ခင်ဗျားတို့ ပြန်ကျန်းမာလာလိမ့်မယ်။ ဖြောင့်မတ်သူရဲ့ တိုးလျှိုးအသနားခံချက်ဟာ အစွမ်းထက်ပြီး အကျိုးသက်ရောက်မှု ရှိတယ်။+
၁၇ ဧလိယဟာ ကျွန်တော်တို့လိုပဲ ခံစားချက်ရှိတဲ့ လူတစ်ယောက်ပါ။ ဒါပေမဲ့ မိုးမရွာပါစေနဲ့လို့ ထက်ထက်သန်သန် သူဆုတောင်းတဲ့အခါ သုံးနှစ်ခွဲတိတိ မိုးမရွာခဲ့ဘူး။+
၁၈ သူ ပြန်ဆုတောင်းလိုက်တော့ ကောင်းကင်ကနေ မိုးရွာချပြီး မြေသီးနှံတွေ ဖြစ်ထွန်းခဲ့တယ်။+
၁၉ ညီအစ်ကိုတို့၊ တစ်ယောက်ယောက်က အမှန်တရားကနေ လမ်းလွဲသွားလို့ တခြားတစ်ယောက်က သူ့ကို ပြန်လှည့်လာစေတယ်ဆိုရင်၊
၂၀ အပြစ်ကျူးလွန်သူကို မှားယွင်းတဲ့လမ်းစဉ်ကနေ ပြန်လှည့်လာစေသူဟာ+ သူ့ကို သေခြင်းကနေ ကယ်တင်လိုက်တာဖြစ်ပြီး အဲဒီလူရဲ့ အပြစ်များစွာကို ဘုရားသခင် ခွင့်လွှတ်ပေးမယ်ဆိုတာ+ ခင်ဗျားတို့ သိထားကြပါ။
အောက်ခြေမှတ်ချက်များ
^ နောက်ဆက်တွဲ က၅ ကိုကြည့်။
^ နောက်ဆက်တွဲ က၅ ကိုကြည့်။
^ နောက်ဆက်တွဲ က၅ ကိုကြည့်။
^ နောက်ဆက်တွဲ က၅ ကိုကြည့်။
^ ဒါမှမဟုတ်၊ “ကောင်းချီးခံစားရသူတွေ။”
^ နောက်ဆက်တွဲ က၅ ကိုကြည့်။
^ ယုံကြည်ခြင်း အားနည်းလာသူကို ဆိုလို။
^ “မောပန်းနေသူကို” လည်းဖြစ်နိုင်။
^ နောက်ဆက်တွဲ က၅ ကိုကြည့်။
