ရှောလမုန်သီချင်း ၅:၁-၁၆

စာတန်းထိုးပါ စာတန်းထိုး ပိတ်ပါ

  • သိုးထိန်း (၁က)

  • ဂျေရု​ဆ​လင်​မြို့​သူ​များ (၁ခ)

    • ‘ချစ်​ခင်​ယု​ယ​မှု​တွေ​နဲ့ ယစ်​မူး​နေ​ကြ​ပါ’

  • မိန်း​မပျို (၂-၈)

    • အိပ်​မက်​အကြောင်း ပြော​ပြ

  • ဂျေရု​ဆ​လင်​သမီး​ပျို (၉)

    • “နင့်​ချစ်​သူ​ဟာ သူ​များ​ရဲ့​ချစ်​သူ​ထက် ဘယ်​လို​များ သာ​လို့​လဲ”

  • မိန်း​မပျို (၁၀-၁၆)

    • “လူ​တစ်​သောင်း​အလယ်​မှာ ထင်း​ခ​နဲ ပေါ်​လွင်​တယ်” (၁၀)

၅  “အို မောင့်​နှ​မ၊ မောင့်​သတို့​သမီး၊မောင့်​ဥ​ယျာဉ်​ထဲ ဝင်​ခဲ့​ပြီ။+ မု​ရန်​သစ်​စေး​ပင်​နဲ့ အမွှေး​နံ့​သာ​ပင်​ကို ဆွတ်​ခူး​ပြီ။+ ပျား​လ​ပို့​နဲ့ ပျား​ရည်​ကို စား​လိုက်​ပြီ။ စ​ပျစ်​ဝိုင်​နဲ့ နို့​ကို​လည်း သောက်​လိုက်​ပြီ။”+ “အို ချစ်​သူ​ငယ်​ချင်း​တို့၊ စား​ကြ​ပါ၊ သောက်​ကြ​ပါ။ ချစ်​ခင်​ယု​ယ​မှု​တွေ​နဲ့ ယစ်​မူး​နေ​ကြ​ပါ။”+  ၂  “ကျွန်​မ အိပ်​ပျော်​နေ​ပေမဲ့ နှလုံး​သား​က​တော့ နိုး​နေ​တယ်။+ ချစ်​သူ တံခါး​ခေါက်​နေ​တဲ့ အသံ​ပဲ။” “မောင့်​နှ​မ၊ မောင့်​ချစ်​သူ၊မောင့်​ချိုး​ငှက်​လေး၊ ခြောက်​ပြစ်​ကင်း​သူ​လေး၊တံခါး​ဖွင့်​လှည့်​ပါ။ မောင့်​ခေါင်း​မှာ နှင်း​တွေ​စို​နေ​လို့၊ ဆံ​ပင်​တွေ​လည်း ည​နှင်း​စက်​တွေ ရွှဲ​နေ​လို့​ပါ။”+  ၃  “‘ကျွန်​မ ဝတ်​ရုံ​ချွတ်​ပြီး​ပြီ။ ပြန်​ဝတ်​ရ​မှာ​လား။ ခြေ​လည်း ဆေး​ပြီး​ပြီ။ ညစ်​ပေအောင် ပြန်​လုပ်​ရ​မှာ​လား။’  ၄  ချစ်​သူ​က မင်း​တုပ်​လျှို​တဲ့ အပေါက်​က​နေ လက်​ကို ပြန်​ရုပ်​လိုက်​တဲ့​အခါကျွန်​မရင်​ထဲ​မှာ ဝမ်း​နည်း​လှိုက်​ဖို​မိ​တယ်။  ၅  ချစ်​သူ​ကို တံခါး​ဖွင့်​ပေး​ဖို့ ထ​လိုက်​တဲ့​အခါကျွန်​မလက်​က​နေ မု​ရန်​သစ်​စေး​တွေ၊လက်​ချောင်း​တွေ​က​နေ မုရန်​ ဆီတွေမင်း​တုပ်​ပေါ် စီး​ကျ​လာ​တယ်။  ၆  တံခါး​ဖွင့်​ပေး​လိုက်​တဲ့​အခါချစ်​သူ​မောင်​က လှည့်​ထွက်​သွား​နှင့်​ပြီ။ သူ​ထွက်​သွား​တော့ ကျွန်​မ စိတ်​ထိခိုက်​လိုက်​တာ။* သူ့​ကို​ရှာ​တာ မတွေ့​ပါ​လား။+ သူ့​ကို​ခေါ်​နေ​တာ ပြန်​မထူး​ပါ​လား။  ၇  မြို့​ထဲ​မှာ ကင်း​လှည့်​နေ​တဲ့​ ကင်းစောင့်​တွေ​က ကျွန်​မကို တွေ့​သွား​တဲ့​အခါဒဏ်​ရာရ​တဲ့​အထိ ရိုက်​နှက်​ကြ​တယ်။ မြို့​ရိုး​ပေါ်​က ကင်း​စောင့်​တွေ​က​လည်း ကျွန်​မရဲ့ ခြုံ​ထည်​ကို ဆွဲ​ယူ​ကြ​တယ်။  ၈  အို ဂျေရု​ဆ​လင် သမီး​ပျို​တို့၊ချစ်​သူ​ကို တွေ့​ခဲ့ရင်ကျွန်​မ လွမ်း​နာ​ကျ​နေ​တဲ့​ အကြောင်း ပြော​ပေး​မယ်​လို့ သစ္စာ​ဆို​ကြ​ပါ။”  ၉  “အို အလှ​ဆုံး​မိန်း​က​လေး၊နင့်​ချစ်​သူ​ဟာ သူ​များ​ရဲ့​ချစ်​သူ​တွေ​ထက် ဘယ်​လို​များ​သာ​လို့​လဲ။ ငါ​တို့​ကို အဲဒီ​လို သစ္စာ​ဆို​ခိုင်း​ရ​လောက်​အောင်နင့်​ချစ်​သူ​ဟာ သူ​များ​ရဲ့​ချစ်​သူ​တွေ​ထက် ဘယ်​လို​များ​သာ​လို့​လဲ။” ၁၀  “ကျွန်​မရဲ့ ချစ်​သူ​ဟာ ထူးခြား​ ထင်ပေါ်​တဲ့​သူ​ပါ။ သူ့​အသား​အရေ​ဟာ စို​ပြည်​နီ​မြန်း​နေ​တယ်။ လူ​တစ်​သောင်း အလယ်​မှာ​တောင် ထင်း​ခ​နဲ ပေါ်​လွင်​တယ်။ ၁၁  သူ့​ခေါင်း​ဟာ ရွှေ​စင်​ပဲ။ ဆံ​သား​တွေ​ဟာ လှိုင်း​တွန့်​နေ​တဲ့ စွန်​ပလွံ​ခက်​တွေ​နဲ့* တူ​တယ်။ ကျီး​နက်​ကြီး​လို နက်​မှောင်​နေ​တယ်။ ၁၂  သူ့​မျက်​လုံး​တွေ​ဟာ စမ်း​ချောင်း​ဘေး​မှာ နို့​ရည်​ကို​ချိုး​ပြီးကန်​အစွန်း​မှာ* နား​နေ​တဲ့ချိုး​ငှက်​လေး​တွေ​လို​ပဲ။ ၁၃  သူ့​ရဲ့​ပါး​ပြင်​ဟာ အမွှေး​နံ့​သာ​ခင်း​နဲ့ တူ​တယ်။+ မွှေး​ကြိုင်​တဲ့ ဆေး​ပင်​တွေ ပေါက်​နေ​တဲ့ တောင်​ပို့​လေး​လို​ပဲ။ နှုတ်​ခမ်း​ဟာ မု​ရန်​ဆီ​တွေ တစက်​စက်​ယို​နေ​တဲ့ နှင်း​ပန်း​ဆို​ပါ​တော့။+ ၁၄  သူ့​လက်​ချောင်း​တွေ​ဟာ ပြောင်​ခေါင်း​စိမ်း မြှုပ်​ထား​တဲ့ ရွှေ​ချောင်း​တွေ​နဲ့ တူ​တယ်။ ဝမ်း​ဗိုက်​ဟာ နီ​လာ​ကျောက်​စီ​ခြယ်​ထား​တဲ့ ပြောင်​ချော​နေ​တဲ့ ဆင်​စွယ်​နဲ့ တူ​တယ်။ ၁၅  သူ့​ခြေ​ထောက်​တွေ​ဟာ ရွှေ​စင်​ပြား​ပေါ် စိုက်​ထူ​ထား​တဲ့ စ​ကျင်​ကျောက်​တိုင်​တွေ​နဲ့ တူ​တယ်။ ရုပ်​သွင်​ဟာ လက်​ဘ​နွန်​တောင်​လို ခံ့​ညား​တယ်။ သစ်​က​တိုး​ပင်​တွေ​လို ပြိုင်​စံ​ရှား​တယ်။+ ၁၆  သူ့​နှုတ်​ခမ်း​ဟာ ချို​မြတယ်။ သူ​နဲ့​ပတ်​သက်​သမျှ စွဲ​မက်​စ​ရာ ကောင်း​တယ်။+ အို ဂျေရု​ဆ​လင် သမီး​ပျို​တို့၊ အဲ​ဒါ ကျွန်​မရဲ့ ချစ်​သူ​ပေါ့။ အချစ်​ရ​ဆုံး​သူ​ပေါ့။”

အောက်ခြေမှတ်ချက်များ

^ “သူ​စကား​ပြော​တော့ ကျွန်​မ သတိ​လက်​လွတ် ဖြစ်​သွား​တယ်” လည်း​ဖြစ်​နိုင်။
^ “ဆံ​သား​တွေ​ဟာ စွန်​ပလွံ​သီး​ပြွတ်​တွေ​နဲ့” လည်း​ဖြစ်​နိုင်။
^ “ကန်​ဘောင်​မှာ” လည်း​ဖြစ်​နိုင်။
ကမ္ဘာသစ်ဘာသာပြန်ကျမ်း
ရှောလမုန်သီချင်း ၅
မြန်မာ လက်သင်္ကေတပြဘာသာစကား
ကျမ်း​စောင်​အ​မည်​များ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt ၄၀