ဟေရှာယ ၁၀:၁-၃၄
၁၀ မတရားတဲ့ စည်းမျဉ်းကို ပြဋ္ဌာန်းသူတွေ၊+ဖိနှိပ်တဲ့အမိန့်ကို တစ်ချိန်လုံး ထုတ်ပြန်နေသူတွေ အဖြစ်ဆိုး ကြုံရလိမ့်မယ်။
၂ မင်းတို့က အဲဒီလိုအမိန့်တွေ ထုတ်ပြန်ပြီးဆင်းရဲသားတွေရဲ့ အမှုအခင်းကို ပယ်ဖျက်ကြတယ်။
ငါ့လူတွေထဲက နိမ့်ကျသူတွေကို တရားမျှတစွာ မစီရင်ပေးဘူး။+
မုဆိုးမနဲ့ မိဘမဲ့တွေရဲ့ ပိုင်ဆိုင်ရာကို တိုက်ရာပါဥစ္စာအဖြစ် သိမ်းယူကြတယ်။+
၃ မင်းတို့ကို စစ်ဆေးမယ့်နေ့မှာ၊+အဝေးကနေ ပျက်စီးခြင်းဘေး ရောက်လာချိန်မှာ ဘာလုပ်ကြမလဲ။+
ဘယ်သူ့ဆီပြေးပြီး အကူအညီတောင်းမလဲ။+
ဘယ်သူ့ဆီမှာ စည်းစိမ်ဥစ္စာတွေ ထားရစ်ခဲ့မလဲ။
၄ အကျဉ်းသားတွေကြားမှာ ဝပ်တွားရုံကလွဲလို့၊အသေကောင်တွေကြားမှာ လဲသေရုံကလွဲလို့ မင်းတို့ ဘာမှတတ်နိုင်မှာ မဟုတ်ဘူး။
ဒါတောင် ဘုရားက အမျက်မပြေဘူး။
ဒဏ်ခတ်ဖို့ လက်ကို ဆန့်မြဲဆန့်ထားတယ်။+
၅ “ကြည့်ပါ။ အဆီးရီးယားဟာ+ငါ့အမျက်ကို ဖော်ပြမယ့် ကြိမ်လုံးပဲ။+
သူ့လက်ထဲက တုတ်ကိုသုံးပြီး ငါပြစ်ဒဏ်စီရင်မယ်။
၆ သူ့ကို စေလွှတ်ပြီး အယူဖောက်ပြန်တဲ့ လူမျိုး၊+ငါ့ကိုအမျက်ထွက်စေတဲ့ လူမျိုးကို တိုက်ခိုက်စေမယ်။
လုယက်ပြီး တိုက်ရာပါဥစ္စာတွေ သိမ်းယူဖို့၊သူတို့ကို လမ်းပေါ်က ရွှံ့လို နင်းခြေပစ်ဖို့ သူ့ကို ငါအမိန့်ပေးမယ်။+
၇ သူကတော့ အဲဒီလိုလုပ်ချင်မှာ မဟုတ်ဘူး။
သူ့စိတ်ထဲမှာ အဲဒီလိုကြံစည်မှာ မဟုတ်ဘူး။
လူနည်းစုကို မဟုတ်ဘဲ လူမျိုးအများကြီးကို ပယ်ရှင်းပြီးအစတုံးဖျက်ဆီးဖို့ သူစိတ်ကူးထားတယ်။
၈ သူပြောတာက–
‘ငါ့ရဲ့မှူးမတ်တွေလည်း ဘုရင်တွေပဲ မဟုတ်လား။+
၉ ကာလနောမြို့ဟာ+ ခါခေမိတ်မြို့လိုပဲ မဟုတ်လား။+
ဟာမတ်မြို့ဟာ+ အာပဒ်မြို့လိုပဲ+ မဟုတ်လား။
ရှမာရိမြို့ဟာ+ ဒမတ်စကတ်မြို့လိုပဲ+ မဟုတ်လား။
၁၀ အသုံးမဝင်တဲ့ ဘုရားတွေကို ကိုးကွယ်တဲ့ တိုင်းနိုင်ငံတွေကို ငါကိုယ်တိုင် သိမ်းယူခဲ့တာပဲ။
အဲဒီတိုင်းနိုင်ငံတွေဆိုရင် ဂျေရုဆလင်မြို့နဲ့ ရှမာရိမြို့ထက်တောင် ရုပ်တုတွေ ပိုများသေးတယ်။+
၁၁ ရှမာရိမြို့နဲ့ အဲဒီမှာရှိတဲ့ အသုံးမဝင်တဲ့ ဘုရားတွေကို ငါလုပ်ခဲ့သလိုဂျေရုဆလင်မြို့နဲ့ မြို့မှာရှိတဲ့ ရုပ်တုတွေကိုလည်း ငါလုပ်ဦးမယ်။’+
၁၂ “ငါယေဟောဝါက ဇိအုန်တောင်နဲ့ ဂျေရုဆလင်မြို့မှာ အလုပ်မှန်သမျှ လက်စသတ်ပြီးတဲ့အခါ အဆီးရီးယားဘုရင်ကို သူ့ရဲ့ရိုင်းစိုင်းတဲ့စိတ်၊ မာနထောင်လွှားတဲ့ အကြည့်တွေကြောင့် အပြစ်ပေးမယ်။+
၁၃ သူက‘ငါ့လက်ရုံးအစွမ်းကြောင့်၊ ငါ့ဉာဏ်ပညာကြောင့် ဒီလိုလုပ်နိုင်ခဲ့တာ။
ငါဟာ ဉာဏ်ကြီးသူဖြစ်နေလို့လူမျိုးတွေရဲ့ နယ်နိမိတ်တွေကို ဖယ်ရှားပြီး+စည်းစိမ်ဥစ္စာတွေကို သိမ်းယူနိုင်ခဲ့တာ။+
အခုလည်း ခွန်အားကြီးသူလို မြို့သူမြို့သားတွေကို နှိမ်နင်းမယ်။+
၁၄ ငါက ငှက်သိုက်ကို လှမ်းနှိုက်တဲ့သူလိုလူမျိုးတွေရဲ့ ပစ္စည်းဥစ္စာတွေကို သိမ်းယူမယ်။
စွန့်ပစ်ထားတဲ့ ငှက်ဥတွေကို စုသိမ်းတဲ့သူလိုမြေတစ်ပြင်လုံးကို စုသိမ်းမယ်။
အတောင်ပံခတ်တဲ့သူ၊ ပါးစပ်ဟတဲ့သူ၊ တစာစာအော်တဲ့သူ ရှိမှာမဟုတ်ဘူး’ လို့ပြောနေတယ်။”
၁၅ ပုဆိန်က ပုဆိန်ကိုင်တဲ့သူထက် ကိုယ့်ကိုယ်ကိုယ် ချီးမြှောက်နိုင်လို့လား။
လွှက လွှဆွဲတဲ့သူထက် ကိုယ့်ကိုယ်ကိုယ် ချီးမြှောက်နိုင်လို့လား။
တုတ်က+ ကိုင်တဲ့သူကို ပြန်ဝှေ့ယမ်းလို့ ရသလား။
တောင်ဝှေးက ကိုင်တဲ့သူကို ပြန်ရွယ်လို့ရသလား။
၁၆ ဒါကြောင့် စစ်မှန်တဲ့သခင်၊ ဗိုလ်ခြေတို့ရဲ့အရှင် ယေဟောဝါကအဆီးရီးယားပြည်ရဲ့ ဝဖီးနေသူတွေကို ပိန်ချုံးစေမယ်။+
သူ့ဂုဏ်ကျက်သရေကို မီးရှို့ပစ်မယ်။+
၁၇ အစ္စရေးရဲ့ အလင်းပေးရှင်ဟာ+ မီး၊+ အစ္စရေးရဲ့ သန့်ရှင်းတဲ့အရှင်ဟာ မီးလျှံဖြစ်လာမယ်။
အဲဒီမီးက တောက်လောင်ပြီး အဆီးရီးယားရဲ့ ပေါင်းပင်တွေ၊ ဆူးချုံတွေကိုတစ်နေ့တည်းမှာ ဝါးမျိုမယ်။
၁၈ အဆီးရီးယားရဲ့ စိမ်းလန်းစိုပြည်နေတဲ့ သစ်တောတွေ၊ သစ်သီးခြံတွေဟာ အစအနမကျန် ဖျက်ဆီးခံရပြီးဖျားနာတဲ့သူ လုံးပါးပါးသလို ဖြစ်သွားမယ်။+
၁၉ သစ်တောထဲမှာ ကျန်တဲ့ သစ်ပင်တွေဟာကလေးကတောင် ရေတွက်နိုင်တဲ့အထိ သိပ်နည်းသွားမယ်။
၂၀ အဲဒီအချိန်ရောက်ရင် အစ္စရေးရဲ့ ကျန်ကြွင်းသူတွေ၊ယာကုပ်အမျိုးရဲ့ အသက်ရှင် ကျန်ရစ်သူတွေဟာသူတို့ကို တိုက်ခိုက်တဲ့သူကို အားမကိုးတော့ဘူး။+
အစ္စရေးတို့ရဲ့ သန့်ရှင်းတဲ့အရှင် ယေဟောဝါကိုပဲအမှန်တကယ် အားကိုးကြမယ်။
၂၁ ကျန်ကြွင်းသူတွေပဲပြန်လာကြမယ်။
ယာကုပ်ရဲ့ ကျန်ကြွင်းသူတွေပဲ တန်ခိုးကြီးတဲ့ ဘုရားသခင်ဆီ ပြန်လာကြမယ်။+
၂၂ အို အစ္စရေး၊ မင်းရဲ့လူတွေဟာပင်လယ်သဲပွင့်တွေလို များပြားပေမဲ့ကျန်ကြွင်းသူတချို့ပဲ ပြန်လာမယ်။+
သုတ်သင်ဖျက်ဆီးဖို့ စီရင်ချက် ချထားတယ်။+
တရားမျှတမှုက သူတို့ကို လွှမ်းမိုးမယ်။+
၂၃ အချုပ်အခြာအာဏာပိုင်ရှင်၊ ဗိုလ်ခြေတို့ရဲ့အရှင် ယေဟောဝါကစီရင်ချက်ချထားတဲ့အတိုင်း တစ်ပြည်လုံးကို သုတ်သင် ဖျက်ဆီးမယ်။+
၂၄ ဒါကြောင့် အချုပ်အခြာအာဏာပိုင်ရှင်၊ ဗိုလ်ခြေတို့ရဲ့အရှင် ယေဟောဝါက “ဇိအုန်မှာ နေထိုင်တဲ့ ငါ့လူတို့၊ အီဂျစ်တွေလို+ မင်းတို့ကို ကြိမ်လုံးနဲ့၊ တုတ်နဲ့ရိုက်ခဲ့ဖူးတဲ့ အဆီးရီးယားတွေကို မကြောက်ပါနဲ့။+
၂၅ သိပ်မကြာခင်မှာ ပြစ်ဒဏ်စီရင်ချက် ပြီးဆုံးသွားမယ်။ ငါ့အမျက်ဒေါသကြောင့် သူတို့ပျက်စီးသွားမယ်။+
၂၆ ဗိုလ်ခြေတို့ရဲ့အရှင် ယေဟောဝါက သြရဘ ကျောက်ဆောင်မှာ မိဒျန်တွေကို ရှုံးနိမ့်စေခဲ့သလို+ သူ့ကို ကျာပွတ်နဲ့ ရိုက်မယ်။+ အီဂျစ်ပြည်မှာ လုပ်ခဲ့သလို တောင်ဝှေးကို ပင်လယ်ပေါ် ဆန့်တန်းပြီး ကိုင်မြှောက်ထားမယ်။+
၂၇ “အဲဒီအချိန်ရောက်ရင် သူတင်ထားတဲ့ ဝန်ထုပ်က မင်းရဲ့ ပခုံးပေါ်ကနေ၊+သူတင်ထားတဲ့ ထမ်းပိုးက မင်းရဲ့ လည်ကုပ်ပေါ်ကနေ ကျသွားမယ်။+
အဲဒီထမ်းပိုးက ဆီကြောင့်* ကျိုးသွားမယ်”+ လို့ပြောတယ်။
၂၈ သူက အာအိယမြို့ကို ရောက်လာတယ်။+
မိဂရုန်မြို့ကို ဖြတ်သွားတယ်။
မိတ်မတ်မြို့မှာ+ အထုပ်အပိုးတွေ ချတယ်။
၂၉ ရေတိမ်ပိုင်းကို ဖြတ်ကူးပြီး ဂေဘမြို့မှာ+ ညအိပ်ရပ်နားတယ်။
ရာမမြို့သားတွေတုန်လှုပ်ကြတယ်။
ရှောလုရဲ့ဇာတိ ဂိဗာမြို့ကလူတွေ+ ထွက်ပြေးကြတယ်။+
၃၀ ဂါလိမ်မြို့ရဲ့ သမီးပျိုတို့၊ အသံကုန် အော်ဟစ်ကြပါ။
လဲရှမြို့သားတို့၊ အာရုံစိုက်ကြပါ။
အို အာနသုတ်မြို့၊+ သနားစရာ ကောင်းလိုက်တာ။
၃၁ မာဒမေနမြို့သားတွေ ထွက်ပြေးကြတယ်။
ဂေဗိမ်မြို့သူမြို့သားတွေလည်း ဘေးလွတ်ရာ ရှာကြတယ်။
၃၂ အဲဒီနေ့မှာပဲ နောဗမြို့မှာ သူရပ်နားတယ်။+
ဇိအုန်သမီးပျိုရဲ့ တောင်တန်းကို၊ ဂျေရုဆလင်မြို့တည်ရာ တောင်ကိုလက်သီးလက်မောင်း တန်းတယ်။
၃၃ စစ်မှန်တဲ့သခင်၊ ဗိုလ်ခြေတို့ရဲ့အရှင် ယေဟောဝါကခုတ်ပစ်လိုက်တဲ့အတွက် အကိုင်းအခက်တွေ တဝုန်းဝုန်း ကျိုးကျကုန်တယ်။+
အမြင့်ဆုံးအပင်တွေကို ခုတ်ပစ်တယ်။
မိုးထိုးနေတဲ့ အပင်တွေကို နှိမ့်ချပစ်တယ်။
၃၄ ဘုရားက တောချုံတွေကို ပုဆိန်နဲ့ ခုတ်ပစ်တယ်။
လက်ဘနွန်ဟာ ခွန်အားကြီးသူရဲ့ လက်ချက်နဲ့ ပြိုလဲသွားမယ်။
အောက်ခြေမှတ်ချက်များ
^ လောင်စာဆီ ဒါမှမဟုတ် ဘုရင်ကို ဘိသိက်ပေးတဲ့ဆီ ဖြစ်နိုင်။
