ဟေရှာယ ၁၃:၁-၂၂
၁၃ အာမွတ်ရဲ့သား ဟေရှာယက+ ဗာဗုလုန်ခံရမယ့် တရားစီရင်ချက်ကို+ စိတ်အာရုံမှာ မြင်ခဲ့တယ်။
၂ ဘုရားသခင် ပြောတာက “တောင်ကတုံးပေါ်မှာ အလံစိုက်ထူကြပါ။+
သူတို့ကို လက်ဝှေ့ယမ်းပြီး အော်ခေါ်လိုက်ပါ။
ဂုဏ်အသရေရှိသူတွေရဲ့ မြို့တံခါးတွေထဲ ဝင်လာကြလိမ့်မယ်။
၃ ငါခန့်အပ်ထားသူတွေကို အမိန့်ပေးထားတယ်။+
ငါ့အမျက်ကို ဖော်ပြဖို့ ငါ့ရဲ့စစ်သူရဲတွေ၊ဂုဏ်ယူဝင့်ကြွားစွာ ရွှင်လန်းနေသူတွေကို ဆင့်ခေါ်ထားတယ်။
၄ တောင်တန်းတွေပေါ်မှာ လူတစ်အုပ်ရှိတယ်။
လူအလုံးအရင်းကြီးရဲ့ အသံပဲ။
နားထောင်ကြ။ အတူစုရုံးနေတဲ့ တိုင်းနိုင်ငံတွေ၊ လူမျိုးတွေရဲ့ ရုတ်ရုတ်သဲသဲအသံပဲ။+
ဗိုလ်ခြေတို့ရဲ့အရှင် ယေဟောဝါက တိုက်ပွဲအတွက်စစ်သည်အလုံးအရင်းကို စုရုံးခင်းကျင်းနေတယ်။+
၅ ယေဟောဝါနဲ့ အမျက်တော်လက်နက်တွေဟာမြေတစ်ပြင်လုံးကို ဖျက်ဆီးပစ်ဖို့+ရပ်ဝေးဒေသကနေ၊+ ကောင်းကင်အစွန်အဖျားကနေချီတက်လာနေတယ်။
၆ ငိုကြွေးမြည်တမ်းကြ။ ယေဟောဝါရဲ့နေ့ နီးလာပြီ။
အဲဒီနေ့ဟာ အနန္တတန်ခိုးရှင်ဆီက ဖျက်ဆီးခြင်းဘေးအဖြစ် ရောက်လာမယ်။+
၇ ဒါကြောင့် သူတို့ရဲ့လက်တွေ အားလျော့သွားမယ်။
စိတ်နှလုံးလည်း ကြောက်စိတ်ကြောင့် အရည်ပျော်သွားမယ်။+
၈ လူတွေ ထိတ်ထိတ်ပျာပျာ ဖြစ်နေတယ်။+
သားဖွားတဲ့ မိန်းမလိုအလူးအလဲ ဝေဒနာခံစားနေရတယ်။
တစ်ယောက်ကိုတစ်ယောက် အထိတ်တလန့် ကြည့်နေတယ်။
ဝေဒနာကြောင့် မျက်နှာတွေ နီရဲနေတယ်။
၉ ကြည့်ပါ။ ယေဟောဝါရဲ့နေ့ရက် လာနေပြီ။
ပြည်ကို လူတွေ ထိတ်လန့်စရာ ဖြစ်စေဖို့၊+ပြည်မှာရှိတဲ့ အပြစ်ကျူးလွန်သူတွေကို အစတုံးဖျက်ဆီးဖို့အမျက်ဒေါသအရှိန်နဲ့အတူကြမ်းတမ်းစွာ လာနေပြီ။
၁၀ ကောင်းကင်ကြယ်တွေနဲ့ ကြယ်စုတွေ*+အလင်းပေးမှာ မဟုတ်ဘူး။
နေထွက်လာတဲ့အခါ မှောင်မိုက်နေမယ်။
လကလည်း အလင်းပေးမှာ မဟုတ်ဘူး။
၁၁ ကမ္ဘာမြေပေါ် နေထိုင်သူတွေကို ငါဖြေရှင်းချက်တောင်းမယ်။+
လူဆိုးတွေကို သူတို့ရဲ့အမှားအတွက် ဖြေရှင်းချက်တောင်းမယ်။
ရောင့်တက်သူတွေရဲ့ မာနကို ချိုးမယ်။
ဖိနှိပ်ညှဉ်းပန်းသူတွေရဲ့ မောက်မာမှုကို ချိုးနှိမ်မယ်။+
၁၂ သေမျိုးဖြစ်တဲ့လူကို ရွှေစင်ထက် ရှားပါးစေမယ်။+
လူတွေကို သြဖိရရွှေထက် ရှားပါးစေမယ်။+
၁၃ ကောင်းကင်ကို ငါတုန်လှုပ်စေမယ်။
ဗိုလ်ခြေတို့ရဲ့အရှင် ယေဟောဝါ ဒေါသမီးတောက်လောင်တဲ့နေ့မှာကမ္ဘာမြေဟာ နေရာရွေ့သွားမယ်။+
၁၄ အမဲလိုက်ခံရတဲ့ ဒရယ်လို၊ ထိန်းသူမရှိတဲ့ သိုးအုပ်လိုသူတို့ယောက်တိုင်း ကိုယ့်လူမျိုးဆီ ပြန်ကြလိမ့်မယ်။
ကိုယ့်နေရင်းပြည်ဆီ ပြေးကြလိမ့်မယ်။+
၁၅ တွေ့မိသူမှန်သမျှ ထိုးသတ်ခံရမယ်။
အဖမ်းခံရသူမှန်သမျှ ဓားဘေးကြောင့် ပြိုလဲသွားမယ်။+
၁၆ သားသမီးတွေကို သူတို့ရှေ့မှာပဲ ကိုင်ဆောင့်ပြီး သတ်ပစ်လိမ့်မယ်။+
အိမ်တွေကို လုယက်လိမ့်မယ်။
သူတို့ရဲ့မိန်းမတွေကို မတရားပြုကျင့်လိမ့်မယ်။
၁၇ သူတို့ကိုတိုက်ဖို့ မီးဒီးယားလူမျိုးကို ငါလှုံ့ဆော်မယ်။+
ဒီလူမျိုးဟာ ငွေကို တန်ဖိုးမရှိဘူးလို့ သဘောထားတဲ့သူတွေ၊ရွှေကို မနှစ်သက်တဲ့သူတွေပဲ။
၁၈ သူတို့က လူငယ်တွေကို လေးနဲ့ရိုက်သတ်လိမ့်မယ်။+
ကလေးတွေကို မသနားဘူး။
သားသမီးတွေကိုလည်း မညှာတာဘူး။
၁၉ ဗာဗုလုန်ဟာ တိုင်းနိုင်ငံတွေရဲ့ ကျက်သရေဆောင်ပဲ။+
ခါလဒဲလူတွေရဲ့ အလှနဲ့ ဂုဏ်ယူဝင့်ကြွားစရာပဲ။+
ဒါပေမဲ့ ဘုရားသခင် ဖျက်ဆီးလိုက်တဲ့အခါ သောဒုံနဲ့ ဂေါမောရလို ဖြစ်သွားမယ်။+
၂၀ ဗာဗုလုန်မြို့မှာ လူနေထိုင်တော့မှာ မဟုတ်ဘူး။
နောင်လာနောက်သား အဆက်ဆက် လူနေထိုင်ရာဖြစ်တော့မှာ မဟုတ်ဘူး။+
အဲဒီမှာ အာရပ်လူတွေ တဲထိုးမှာ မဟုတ်သလိုသိုးထိန်းတွေလည်း သိုးအုပ်ကို ထိန်းကျောင်းမှာ မဟုတ်ဘူး။
၂၁ အဲဒီမှာ သားရဲတွေ အိပ်လိမ့်မယ်။
သူတို့ရဲ့အိမ်တွေမှာ ဇီးကွက်တွေ အသိုက်လုပ်လိမ့်မယ်။
အဲဒီမှာ ငှက်ကုလားအုတ်တွေ နေလိမ့်မယ်။+
တောဆိတ်တွေ* ခုန်ပေါက်နေလိမ့်မယ်။
၂၂ မျှော်စင်တွေမှာ တိရစ္ဆာန်တွေ အူနေမယ်။
ဇိမ်ကျတဲ့ နန်းတော်တွေမှာ ခွေးအတွေ အူနေမယ်။
ဗာဗုလုန် ပြစ်ဒဏ်သင့်မယ့်နေ့ ရောက်ခါနီးပြီ။ သူ သက်ဆိုးရှည်မှာ မဟုတ်ဘူး။”+
