ဟေရှာယ ၁၅:၁-၉
-
မောဘနဲ့ပတ်သက်တဲ့ စီရင်ချက် (၁-၉)
၁၅ မောဘနဲ့ပတ်သက်တဲ့ တရားစီရင်ချက်–+
မောဘပြည်၊ အာရမြို့ဟာ+ညတွင်းချင်း ဖျက်ဆီးခံရလို့ ဆိတ်သုဉ်းသွားမယ်။
မောဘပြည်၊ ကိရမြို့ဟာ+ညတွင်းချင်း ဖျက်ဆီးခံရလို့ ဆိတ်သုဉ်းသွားမယ်။
၂ ဗိမာန်ဆီ၊ ဒိဘုန်မြို့ဆီ၊+အထွတ်အမြတ်နေရာတွေဆီ ငိုကြွေးဖို့ သူတက်သွားလိမ့်မယ်။
မောဘက နေဗောနဲ့+ မေဒဘမြို့အတွက်+ ငိုကြွေးမြည်တမ်းမယ်။
လူတွေ ခေါင်းတုံးတုံးပြီး+ မုတ်ဆိတ် ရိတ်လိမ့်မယ်။+
၃ လမ်းပေါ်ကလူတွေ အထည်ကြမ်း ဝတ်ရလိမ့်မယ်။
အိမ်မိုးပေါ်မှာ၊ လူထုရင်ပြင်တွေမှာ ငိုကြွေးမြည်တမ်းရလိမ့်မယ်။
ငိုကြွေးရင်းနဲ့ ဆင်းသွားရလိမ့်မယ်။+
၄ ဟေရှဘုန်မြို့နဲ့ ဧလာလေမြို့+ ငိုကြွေးလိမ့်မယ်။
သူတို့အသံကို ယာဟတ်မြို့ကနေတောင် ကြားရလိမ့်မယ်။+
ဒါကြောင့် မောဘစစ်သည်တွေ အော်ဟစ်နေတယ်။
လူတွေ ဖိမ့်ဖိမ့်တုန်နေတယ်။
၅ မောဘအတွက် ရင်ထဲမှာ ငါငိုကြွေးမိတယ်။
မောဘဝရမ်းပြေးတွေက ဇောရမြို့အထိ၊+ ဧဂလတ် ရှလိရှအရပ်အထိ+ ထွက်ပြေးလိမ့်မယ်။
ငိုကြွေးရင်း လုဟိတ်မြို့ကို တက်သွားရလိမ့်မယ်။
ဟောရနိမ်မြို့ကိုသွားတဲ့ လမ်းမှာ ဘေးဆိုးကြောင့် ငိုကြွေးရလိမ့်မယ်။+
၆ နိမရိမ်ချောင်းရေတွေ ခန်းခြောက်လိမ့်မယ်။
မြက်စိမ်းတွေခြောက်သွေ့လိမ့်မယ်။
မြက်ပင်တွေ သေကုန်ပြီး စိမ်းလန်းတဲ့အပင် တစ်ပင်မှကျန်မှာ မဟုတ်ဘူး။
၇ ဒါကြောင့် စုဆောင်းခဲ့တဲ့ စည်းစိမ်ဥစ္စာတွေထဲက လက်ကျန်လေးတွေကို သယ်ပြီးမိုးမခပင်တွေပေါက်တဲ့ ချိုင့်ဝှမ်းကို ဖြတ်ကူးသွားကြလိမ့်မယ်။
၈ မောဘတစ်ပြည်လုံးမှာ ငိုကြွေးသံတွေ ပဲ့တင်ထပ်နေလိမ့်မယ်။+
ငိုကြွေးမြည်တမ်းသံက ဧဂလိမ်အရပ်နဲ့ဗေရဧလိမ်မြို့အထိ ရောက်လိမ့်မယ်။
၉ ဒိမုန်စမ်းချောင်းတွေဟာ သွေးနဲ့ ပြည့်နေလိမ့်မယ်။
ဒိမုန်အရပ်အပေါ် ငါကျရောက်စေမယ့် ဘေးဆိုးရှိသေးတယ်–
လွတ်မြောက်သွားတဲ့ မောဘလူတွေနဲ့ ပြည်မှာကျန်ကြွင်းသူတွေကို ကိုက်ဖို့ခြင်္သေ့ကို ငါလွှတ်လိုက်မယ်။+
