ဟေရှာယ ၂၀:၁-၆
-
အီဂျစ်နဲ့ အီသီယိုးပီးယားအတွက် နိမိတ် (၁-၆)
၂၀ အဆီးရီးယားဘုရင် သာဂုန် စေလွှတ်လိုက်တဲ့ တာတန်က* အာဇုတ်မြို့ကို+ ရောက်လာပြီး မြို့ကို တိုက်ခိုက်သိမ်းယူတဲ့ နှစ်မှာ၊+
၂ ယေဟောဝါက အာမွတ်ရဲ့သား ဟေရှာယကို+ “ဝတ်ထားတဲ့ အထည်ကြမ်းနဲ့ စီးထားတဲ့ ဖိနပ်ကို ချွတ်ပြီး သွားလာပါ” လို့ပြောတယ်။ ဒါနဲ့ သူက အဝတ်မပါဘဲ* ခြေဗလာနဲ့ သွားလာတယ်။
၃ အဲဒီနောက် ယေဟောဝါ ပြောတယ်– “ငါ့ကျွန်ဟေရှာယဟာ အီဂျစ်နဲ့+ အီသီယိုးပီးယားအတွက်+ နိမိတ်နဲ့+ သတိပေးချက်အဖြစ် သုံးနှစ်ပတ်လုံး အဝတ်မပါဘဲ ခြေဗလာနဲ့ သွားလာသလို၊
၄ အဆီးရီးယားဘုရင်ကလည်း အီဂျစ်သုံ့ပန်းတွေနဲ့+ အီသီယိုးပီးယား ပြည်နှင်ခံတွေကို လူကြီးလူငယ်မကျန် အဝတ်မပါဘဲ ခြေဗလာနဲ့ ခေါ်သွားလိမ့်မယ်။ ဒါကြောင့် သူတို့ တင်ပါးကိုတောင် မဖုံးနိုင်ဘဲ အရှက်တကွဲ ပါသွားမယ်။
၅ အီသီယိုးပီးယားကို မျှော်ကိုးသူတွေ၊ အီဂျစ်အတွက် ဂုဏ်ယူဝင့်ကြွားသူတွေ ထိတ်လန့်ပြီး အရှက်ကွဲမယ်။
၆ အဲဒီအချိန်ကျရင် ဒီကမ်းရိုးတန်းမှာ နေထိုင်သူတွေက ‘အဆီးရီးယားဘုရင် လက်ထဲက လွတ်မြောက်ဖို့ ငါတို့မျှော်ကိုးခဲ့သူ၊ ငါတို့ပြေးပြီး အကူအညီတောင်းခဲ့သူရဲ့ အဖြစ်ကို ကြည့်ပါဦး။ အခု ငါတို့ ဘယ်လို လွတ်မြောက်နိုင်တော့မှာလဲ’ လို့ ပြောကြမယ်။”
