ဟေရှာယ ၃၆:၁-၂၂
၃၆ ဟေဇကိနန်းစံ ၁၄ နှစ်မှာ အဆီးရီးယားဘုရင် သနာခရိပ်က+ ယုဒပြည်ရဲ့ ခံတပ်မြို့အားလုံးကို တိုက်ခိုက်သိမ်းယူလိုက်တယ်။+
၂ နောက်တော့ အဆီးရီးယားဘုရင်က ရာဗရှာခကို*+ စစ်တပ်ကြီးနဲ့အတူ လာခိရှမြို့ကနေ+ ဂျေရုဆလင်မြို့မှာရှိတဲ့ ဟေဇကိမင်းဆီ စေလွှတ်တယ်။ သူတို့လည်း အထက်ရေကန်ရဲ့ ရေသွယ်ပြွန်နားမှာ နေရာယူကြတယ်။+ အဲဒီရေသွယ်ပြွန်ဟာ အဝတ်လျှော်သည်ရဲ့လယ်ကို ဦးတည်တဲ့လမ်းမဘေးမှာ ရှိတယ်။+
၃ ဟိလခိရဲ့သား နန်းတော်အုပ် ဧလျာကိမ်၊+ စာရေးတော်ရှေဗန၊+ အာသပ်ရဲ့သား အတွင်းဝန် ယောအာတို့ ထွက်တွေ့တယ်။
၄ ဒါနဲ့ ရာဗရှာခက “ဟေဇကိကို ပြောလိုက်။ ‘အဆီးရီးယားဘုရင်မင်းမြတ် မှာလိုက်တယ်– “မင်းက ဘာအားကိုးနဲ့ စိတ်ချလက်ချ ဖြစ်နေတာလဲ။+
၅ ‘စစ်ဗျူဟာတွေ၊ စစ်အင်အားတွေရှိတယ်’ လို့ မင်းပြောနေပေမဲ့ အလကားပဲ။ ဘယ်သူ့အားကိုးနဲ့ ငါ့ကို ပုန်ကန်ရဲတာလဲ။+
၆ မင်းက ကျူရိုးပြတ်နဲ့တူတဲ့ အီဂျစ်ရဲ့အကူအညီကို အားထားနေတာကိုး။ တကယ်တော့ အဲဒီကျူရိုးပြတ်က အားပြုသူရဲ့လက်ကို စူးတတ်တယ်။ အီဂျစ်ဘုရင်ဖာရောက သူ့ကိုအားကိုးသူတွေကိုအဲဒီလိုပဲလုပ်လိမ့်မယ်။+
၇ ‘ငါတို့ဘုရား ယေဟောဝါကို ငါတို့ အားကိုးတယ်’ ဆိုပြန်ရင်လည်း မင်းက အဲဒီဘုရားရဲ့ အထွတ်အမြတ်နေရာတွေ၊ ပူဇော်ရာပလ္လင်တွေကို ဖယ်ရှားပြီး+ ‘ဒီပလ္လင်ရှေ့မှာပဲ ဦးချရမယ်’ လို့ ယုဒလူတွေနဲ့ ဂျေရုဆလင်မြို့သားတွေကို ပြောခဲ့တယ်မဟုတ်လား။”’+
၈ ဒီတော့ ကျုပ်ရဲ့သခင် အဆီးရီးယားဘုရင်နဲ့+ လောင်းကြေးထပ်လိုက်ပါ။ ခင်ဗျားတို့ဆီမှာ မြင်းစီးသူရဲ အလုံအလောက်ရှိမယ်ဆိုရင် ကျုပ်က မြင်း ၂,၀၀၀ ပေးမယ်။
၉ မြင်းရထားတွေ၊ မြင်းစီးသူရဲတွေရဖို့ အီဂျစ်ကို အားကိုးနေရတဲ့ ခင်ဗျားတို့က ကျုပ်သခင်ရဲ့ မင်းမှုထမ်းတွေထဲက ရာထူးအနိမ့်ဆုံးတစ်ယောက်ကိုတောင် ခုခံနိုင်ပါ့မလား။
၁၀ ယေဟောဝါရဲ့ အခွင့်မရှိဘဲ ဒီပြည်ကိုဖျက်ဆီးဖို့ ကျုပ်လာတယ် ထင်နေလား။ ‘ဒီပြည်ကို သွားတိုက်ခိုက်ပြီး ဖျက်ဆီးပါ’ လို့ ကျုပ်ကို ယေဟောဝါကိုယ်တိုင် မိန့်မှာထားတာ” ဆိုပြီး ပြောတယ်။
၁၁ အဲဒီအခါ ဧလျာကိမ်၊ ရှေဗန၊+ ယောအာတို့က “ကျွန်တော်တို့ နားလည်တဲ့ အာရမိတ်* စကားနဲ့ပဲ ပြောပါ။+ မြို့ရိုးပေါ်ကလူတွေ နားလည်တဲ့ ဂျူးဘာသာစကားနဲ့ မပြောပါနဲ့”+ လို့ တောင်းပန်ပေမဲ့၊
၁၂ ရာဗရှာခက+ “ကျုပ်သခင်က ခင်ဗျားတို့ရဲ့မင်းကြီးနဲ့ ခင်ဗျားတို့ကိုပဲ ဒီစကားတွေပြောဖို့ ကျုပ်ကို လွှတ်လိုက်တာ မဟုတ်ဘူး။ မြို့ရိုးပေါ်မှာ ထိုင်နေတဲ့သူတွေကိုပါ ပြောခိုင်းလိုက်တာ။ သူတို့ဟာ ခင်ဗျားတို့နဲ့အတူ ကိုယ့်ကျင်ကြီးကျင်ငယ်ကို ပြန်စားသောက်ရမယ့်သူတွေပဲလေ” ဆိုပြီး ပြောတယ်။
၁၃ အဲဒီနောက် ရာဗရှာခက ရပ်ပြီး ဂျူးဘာသာစကားနဲ့ အော်ပြောတယ်–+ “အဆီးရီးယားဘုရင်မင်းမြတ် အမိန့်ကို နားထောင်ကြ။+
၁၄ မင်းကြီး မိန့်မှာလိုက်တာက– ‘မင်းတို့ကို မကယ်လွှတ်နိုင်တဲ့ ဟေဇကိရဲ့ လှည့်စားမှုကို မခံကြနဲ့။+
၁၅ ဟေဇကိက “ငါတို့ကို ယေဟောဝါ ကျိန်းသေ ကယ်လိမ့်မယ်။ အဆီးရီးယား ဘုရင်လက်ထဲ ဒီမြို့မရောက်စေရဘူး” ဆိုပြီး ယေဟောဝါကို မင်းတို့အားကိုးလာအောင် လုပ်နေတာကို လက်မခံနဲ့။+
၁၆ ဟေဇကိပြောတာကို နားမယောင်ကြနဲ့။ ငါအဆီးရီးယားဘုရင် ပြောမယ်– “ငါနဲ့ ငြိမ်းချမ်းရေးယူပြီး အညံ့ခံလိုက်။ ဒါဆိုရင် မင်းတို့အားလုံး ကိုယ့်စပျစ်ပင်၊ ကိုယ့်သဖန်းပင်ရဲ့ အသီးတွေကို စားခွင့်ရလိမ့်မယ်။ ကိုယ့်ရေတွင်းထဲက ရေကို သောက်ခွင့်ရလိမ့်မယ်။
၁၇ ငါပြန်လာပြီး မင်းတို့ရဲ့ပြည်လို ကောက်နှံနဲ့ စပျစ်ဝိုင်သစ်တွေ၊ အစားအစာနဲ့ စပျစ်ခြံတွေ ပေါများတဲ့ပြည်ဆီ ခေါ်သွားမယ်။+
၁၈ ဟေဇကိက ‘ငါတို့ကို ယေဟောဝါ ကယ်တင်လိမ့်မယ်’ ဆိုပြီး လှည့်စားနေတာ။ သူ့စကားကို နားမယောင်ကြနဲ့။ ဘယ်လူမျိုးရဲ့ဘုရားက ကိုယ့်တိုင်းပြည်ကို အဆီးရီးယားဘုရင်ရဲ့ လက်ကနေ ကယ်နုတ်ဖူးလို့လဲ။+
၁၉ ဟာမတ်မြို့သားနဲ့ အာပဒ်မြို့သားရဲ့+ ဘုရားတွေ ဘယ်မှာလဲ။ သေဖရဝိမ်မြို့သားရဲ့+ ဘုရားကကော ဘယ်မှာလဲ။ အဲဒီဘုရားတွေက ရှမာရိမြို့ကို ငါ့လက်ကနေ ကယ်နုတ်ခဲ့လို့လား။+
၂၀ ပြည့်ရှင်ဘုရားတွေထဲမှာ ဘယ်ဘုရားကများ ကိုယ့်တိုင်းပြည်ကို ငါ့လက်ကနေ ကယ်နုတ်ဖူးလို့လဲ။ ယေဟောဝါကရော ဂျေရုဆလင်မြို့ကို ငါ့လက်ကနေ ကယ်နုတ်နိုင်မှာ မို့လို့လား။”’”+
၂၁ ဒါပေမဲ့ “ဘာမှပြန်မပြောနဲ့” ဆိုပြီး ဟေဇကိမင်း အမိန့်ထုတ်ထားတဲ့အတွက် သူတို့ တစ်ခွန်းမှပြန်မပြောဘဲ နှုတ်ဆိတ်နေကြတယ်။+
၂၂ ဟိလခိရဲ့သား နန်းတော်အုပ် ဧလျာကိမ်၊ စာရေးတော် ရှေဗန၊+ အာသပ်ရဲ့သား အတွင်းဝန် ယောအာတို့ကတော့ ကိုယ့်အဝတ်တွေကို ဆွဲဆုတ်၊ ဟေဇကိဆီ ပြန်လာပြီး ရာဗရှာခရဲ့ စကားတွေကို ပြောပြကြတယ်။
