ဟေရှာယ ၃၈:၁-၂၂
၃၈ အဲဒီအချိန်မှာ ဟေဇကိမင်းဟာ သေလုမြောပါး ဖျားနေတယ်။+ အာမွတ်ရဲ့သား ပရောဖက်ဟေရှာယ+ ရောက်လာပြီး “ယေဟောဝါဘုရား ပြောတာက ‘မင်း ပြန်နေကောင်းလာမှာ မဟုတ်ဘူး။ သေရလိမ့်မယ်။ ဒါကြောင့် မိသားစုဝင်တွေကို မှာစရာရှိတာ မှာခဲ့ပါ’”+ လို့ပြောတယ်။
၂ ဒါနဲ့ ဟေဇကိက နံရံဘက်လှည့်ပြီး ယေဟောဝါကို ဆုတောင်းတယ်–
၃ “ယေဟောဝါဘုရား၊ ကျွန်တော် တောင်းပန်ပါတယ်။ ကျွန်တော်ဟာ ရှေ့တော်မှာ စိတ်နှလုံးအကြွင်းမဲ့၊ သစ္စာရှိရှိ လျှောက်လှမ်းခဲ့တာ၊+ ကောင်းတာတွေပဲ လုပ်ဆောင်ခဲ့တာကို သတိရပေးပါ”+ လို့ အသနားခံပြီး ရှိုက်ကြီးတငင် ငိုတယ်။
၄ အဲဒီအခါ ယေဟောဝါက ဟေရှာယကို ပြောတယ်–
၅ “ဟေဇကိဆီ ပြန်သွားပြီး ပြောလိုက်ပါ။+ ‘ဘိုးဘေးဒါဝိဒ်ရဲ့ဘုရား ယေဟောဝါ ပြောတာက– “မင်းရဲ့ဆုတောင်းသံကို ငါကြားတယ်။+ မင်းရဲ့မျက်ရည်ကိုလည်း မြင်တယ်။+ မင်းရဲ့သက်တမ်းကို နောက်ထပ် ၁၅ နှစ် တိုးပေးမယ်။+
၆ မင်းနဲ့ဒီမြို့ကို အဆီးရီးယားဘုရင်ရဲ့ လက်ထဲကနေ ကယ်တင်မယ်။ ဒီမြို့ကို ငါကာကွယ်မယ်။+
၇ ငါယေဟောဝါဟာ ပြောတဲ့အတိုင်း လုပ်ဆောင်မယ်ဆိုတာ မင်းသိအောင် ပြမယ်။ ငါယေဟောဝါပေးတဲ့ အထောက်အထားကတော့–+
၈ အာခတ်မင်းရဲ့ လှေကားထစ်ပေါ်* ကျလာတဲ့ နေရိပ်ကို ဆယ်ထစ် နောက်ဆုတ်စေမယ်။”’”+ ဒါနဲ့ လှေကားထစ်တွေပေါ် ကျနေတဲ့ နေရိပ်ဟာ ဆယ်ထစ် နောက်ဆုတ်သွားတယ်။
၉ ယုဒဘုရင်ဟေဇကိ နာမကျန်းဖြစ်ပြီးနောက် ပြန်နေကောင်းလာတဲ့အခါ ရေးသားခဲ့တဲ့ စာတစ်ပုဒ်–
၁၀ “သက်တမ်းတစ်ဝက်မှာတင် သင်္ချိုင်းရဲ့ တံခါးတွေထဲ ငါဝင်သွားရတော့မယ်။
ကျန်တဲ့သက်တမ်းကို ဆုံးရှုံးရတော့မယ်” လို့ငါပြောခဲ့တယ်။
၁၁ “ယေဟောဝါကို ဖူးမြင်ရတော့မှာ မဟုတ်ဘူး။ သက်ရှိလောကမှာ ယေဟောဝါကို ဖူးမြင်ခွင့်ရတော့မှာ မဟုတ်ဘူး။+
အရာခပ်သိမ်း ချုပ်ငြိမ်းရာအရပ်မှာ နေထိုင်တဲ့လူတွေဆီ ရောက်သွားရင် လူသားတွေကို မြင်ရတော့မှာ မဟုတ်ဘူး။
၁၂ ငါနေတဲ့အိမ်ဟာ သိုးထိန်းရဲ့တဲလို ပြိုကျသွားပြီ။ ဖယ်ရှားခံလိုက်ရပြီ။+
ငါ့မှာ ရက်ကန်းသမားလို အသက်ကို လိပ်ထားရတယ်။
ဘုရားက ရက်ကန်းရဲ့ တိုင်ချည်ကို ဖြတ်လိုက်သလို ငါ့ကို ပယ်ဖြတ်လိုက်တယ်။
ငါ့ကို တစ်နေ့လုံး တစ်ညလုံး အခက်ကြုံစေတယ်။+
၁၃ မနက်လင်းချိန်အထိ ငါ့စိတ်ကို ငြိမ်အောင် ထိန်းနေရတယ်။
ဘုရားက ခြင်္သေ့လို ငါ့အရိုးတွေကို ချိုးပစ်တယ်။
ငါ့ကို တစ်နေ့လုံး တစ်ညလုံး အခက်ကြုံစေတယ်။+
၁၄ ငါ့မှာ ပျံလွှားလို၊ မြေလူးငှက်လို* တစာစာ အော်နေရတယ်။+
ချိုးငှက်လို ကူနေရတယ်။+
အထက်အရပ်ကို မျှော်ကြည့်ရလွန်းလို့ မျက်စိညောင်းလှပြီ။+
‘ယေဟောဝါဘုရား၊ ကျွန်တော် အကြီးအကျယ် ဒုက္ခရောက်နေပြီ။
ထောက်မပေးလှည့်ပါ’+ လို့ ငါပြောခဲ့တယ်။
၁၅ အခု၊ ငါဘာများပြောရပါ့မလဲ။
ဘုရားက ငါ့ကိုပြောတဲ့အတိုင်း လုပ်ဆောင်ပေးပြီပဲ။
ခါးသီးတဲ့ဒုက္ခတွေ ငါကြုံခဲ့ရပြီမို့
အသက်ထက်ဆုံး နှိမ့်ချစွာ လျှောက်လှမ်းမယ်။
၁၆ ‘ယေဟောဝါဘုရား၊ လူအားလုံး အသက်ရှင်နေတာ ဒါတွေကြောင့်ပါ။*
ကျွန်တော့်အသက်စွမ်းအား ရှင်သန်နေတာ ဒါတွေကြောင့်ပါ။
ကိုယ်တော်က ကျွန်တော့်ကို ပြန်ကျန်းမာစေပြီး အသက်ဆက်ရှင်စေတယ်။+
၁၇ ငြိမ်သက်မှုအစား ခါးသီးမှုကိုပဲ ကြုံခဲ့ရပေမဲ့
ကိုယ်တော်က ကျွန်တော့်ကို မြတ်နိုးပြီး
ဖျက်ဆီးခြင်းတွင်းထဲ မကျအောင် ကာကွယ်ပေးတယ်။+
ကျွန်တော့်အပြစ်တွေကို ကိုယ်တော့်နောက်ကျောဘက် ပစ်လိုက်တယ်။+
၁၈ ကိုယ်တော့်ကို သင်္ချိုင်းက ဂုဏ်မတင်နိုင်ဘူး။+
သေခြင်းကလည်း မချီးမွမ်းနိုင်ဘူး။+
သေတွင်းထဲ ဆင်းသွားသူတွေ ကိုယ်တော်ရဲ့ သစ္စာတရားကို မမျှော်လင့်နိုင်ဘူး။+
၁၉ အသက်ရှင်တဲ့သူတွေပဲ ကိုယ်တော့်ကို ချီးမွမ်းနိုင်တာပါ။
ဒီနေ့ ကျွန်တော် ချီးမွမ်းသလိုမျိုးပေါ့။
ဖခင်က သားတွေကို ကိုယ်တော်ရဲ့ သစ္စာတရားအကြောင်း သိအောင် သွန်သင်ပေးနိုင်တယ်။+
၂၀ ယေဟောဝါဘုရား၊ ကယ်တင်လှည့်ပါ။
ကျွန်တော်ရေးစပ်တဲ့ သီချင်းတွေကို ကြိုးတပ်တူရိယာတွေ တီးပြီး+
ယေဟောဝါရဲ့ အိမ်တော်မှာ တစ်သက်လုံး သီဆိုကြမယ်။’”+
၂၁ အဲဒီနောက် ဟေရှာယက “သဖန်းသီးပျဉ်ကို ယူလာပြီး အနာစိမ်းပေါ် အုံပေးလိုက်ပါ။ မင်းကြီး ပြန်သက်သာလာလိမ့်မယ်”+ လို့ ပြောတယ်။
၂၂ ဟေဇကိမင်းက “ယေဟောဝါရဲ့ အိမ်တော်ကို ကျုပ်တက်သွားနိုင်မယ်ဆိုတဲ့ အထောက်အထားများ ရှိသလား”+ လို့မေးတယ်။
