ဟေရှာယ ၄၃:၁-၂၈
၄၃ အို ယာကုပ်၊ အို အစ္စရေး၊မင်းကိုဖန်ဆင်းတဲ့အရှင်၊ မင်းကိုပုံသွင်းတဲ့အရှင်+ ယေဟောဝါပြောတယ်–
“မကြောက်နဲ့။ မင်းကို ငါပြန်ဝယ်လိုက်ပြီ။+
နာမည်တပ်ပြီး ခေါ်လိုက်ပြီ။
မင်းကို ငါပိုင်တယ်။
၂ မင်း ရေထဲ ဖြတ်လျှောက်တဲ့အခါ မင်းနဲ့အတူ ငါရှိမယ်။+
မြစ်ကို ဖြတ်ကူးတဲ့အခါ မင်းကို ရေလွှမ်းမှာ မဟုတ်ဘူး။+
မီးထဲ ဖြတ်လျှောက်တဲ့အခါ မင်းကို မီးလောင်မှာ မဟုတ်ဘူး။
မီးဟပ်မှာ မဟုတ်ဘူး။
၃ ငါဟာ မင်းရဲ့ဘုရား ယေဟောဝါပဲ။
အစ္စရေးတို့ရဲ့ သန့်ရှင်းတဲ့အရှင်၊ မင်းရဲ့ကယ်တင်ရှင်ပဲ။
အီဂျစ်ကို ရွေးဖိုးအဖြစ် ငါပေးလိုက်ပြီ။
မင်းကို အီသီယိုးပီးယားပြည်၊ သေဘပြည်နဲ့ လဲယူလိုက်ပြီ။
၄ မင်းဟာ ငါ့အတွက် တန်ဖိုးရှိတယ်။+
ဒါကြောင့် မင်းကို ဂုဏ်တင်ခဲ့တယ်၊ ချစ်ခဲ့တယ်။+
မင်းရဲ့အသက်ကို ကယ်ဖို့ လူတွေ၊ တခြားလူမျိုးတွေကို ပေးလိုက်ပြီ။
၅ မကြောက်နဲ့။ မင်းနဲ့အတူ ငါရှိတယ်။+
မင်းရဲ့မျိုးနွယ်ကို အရှေ့အရပ်ကနေ ခေါ်လာမယ်။
အနောက်အရပ်ကနေ စုသိမ်းမယ်။+
၆ ‘သူတို့ကို ပြန်အပ်ပါ’ လို့ မြောက်အရပ်ကို ငါပြောမယ်။+
တောင်အရပ်ကိုလည်း ‘သူတို့ကို ခေါ်မထားနဲ့။
ငါ့သားတွေကို ရပ်ဝေးကနေ ခေါ်လာခဲ့ပါ။ ငါ့သမီးတွေကို ကမ္ဘာမြေရဲ့ အစွန်အဖျားကနေ ခေါ်လာခဲ့ပါ။+
၇ သူတို့ဟာ ငါ့နာမည် ခံယူထားသူတွေ၊+ငါ့ဂုဏ်ကျက်သရေအတွက် ငါဖန်ဆင်းထားသူတွေ၊
ငါပုံသွင်းပြုလုပ်ထားသူတွေပဲ’ လို့ပြောမယ်။+
၈ “မျက်စိရှိလျက်နဲ့ မျက်စိကန်းနေတဲ့သူတွေ၊နားရှိလျက်နဲ့ နားပင်းနေတဲ့သူတွေကို ခေါ်ထုတ်ခဲ့ပါ။+
၉ လူမျိုးအားလုံး တစ်နေရာတည်းမှာ စုဝေးကြ။
လူတွေလည်း အတူစုရုံးကြ။+
ဘယ်ဘုရားက ပြောနိုင်သလဲ၊အရင်ဆုံးဖြစ်လာမယ့်အရာတွေအကြောင်း* ငါတို့ကို သူတို့ပြောပြနိုင်သလား။+
အဲဒီဘုရားတွေ မှန်တယ်ဆိုရင် သက်သေတွေ ခေါ်လာခဲ့လေ။
လူတွေ ကြားနာပြီး ‘ဒါအမှန်ပဲ’ လို့ပြောကြလေ။”+
၁၀ ယေဟောဝါ ပြောတယ်– “မင်းတို့ဟာ ငါ့ရဲ့သက်သေတွေပဲ။+
ငါ့ကိုသိရှိပြီး ယုံကြည်သက်ဝင်စေဖို့၊ငါဟာ မပြောင်းလဲတဲ့အရှင်ဖြစ်မှန်း နားလည်စေဖို့+
ငါရွေးချယ်ထားတဲ့ ကျွန်ပဲ။+
ငါ့အရင် ဘယ်ဘုရားသခင်မှ မရှိခဲ့ဘူး။
ငါ့နောက်မှာလည်း ဘယ်ဘုရားမှ ရှိမှာမဟုတ်ဘူး။+
၁၁ ငါဟာ ယေဟောဝါပဲ။+ ငါကလွဲလို့ တခြားကယ်တင်ရှင် မရှိဘူး။”+
၁၂ ယေဟောဝါ ပြောတာက– “မင်းတို့ဆီမှာ တခြားဘုရားတွေ မရှိတုန်းက+ ငါပြောခဲ့တယ်။ ကယ်တင်ခဲ့တယ်။ အသိပေးခဲ့တယ်။
ဒါကြောင့် မင်းတို့ဟာ ငါ့သက်သေတွေပဲ။ ငါဟာ ဘုရားသခင်ပဲ။+
၁၃ အဲဒီအပြင် ငါဟာ ဘယ်တော့မှ မပြောင်းလဲတဲ့အရှင်ပဲ။+
ငါ့လက်ကနေ လုယူနိုင်တဲ့သူ မရှိဘူး။+
ငါလုပ်ဆောင်တဲ့အခါ တားဆီးနိုင်တဲ့သူ ရှိလို့လား။”+
၁၄ မင်းတို့ကို ပြန်ဝယ်တဲ့အရှင်၊+ အစ္စရေးတို့ရဲ့ သန့်ရှင်းတဲ့အရှင်+ ယေဟောဝါ ပြောတာက–
“မင်းတို့အတွက် သူတို့ကို ဗာဗုလုန်ဆီ ငါစေလွှတ်မယ်။ မြို့တံခါးရဲ့ ကန့်လန့်ကျင်တွေကို ဖြုတ်ချမယ်။+
ခါလဒဲလူတွေ သင်္ဘောထဲမှာ ဒုက္ခရောက်ပြီး အော်ဟစ်ကြလိမ့်မယ်။+
၁၅ ငါဟာ သန့်ရှင်းမြင့်မြတ်တဲ့အရှင်၊+ အစ္စရေးတို့ရဲ့ ဖန်ဆင်းရှင်၊+ မင်းတို့ရဲ့ဘုရင်+ ယေဟောဝါပဲ။”
၁၆ ယေဟောဝါဟာ ပင်လယ်ကိုဖြတ်ပြီး လမ်းဖောက်ပေးတဲ့အရှင်၊လှိုင်းထန်တဲ့ရေကို ဖြတ်ပြီး လမ်းခင်းပေးတဲ့အရှင်၊+
၁၇ စစ်မြင်းရထားတွေ၊ မြင်းတွေနဲ့+ စစ်သည်အလုံးအရင်းပါတဲ့ တပ်မကြီးကို ခေါ်ထုတ်လာတဲ့အရှင်ပဲ။ ဘုရားပြောတာက–
“သူတို့ လဲကျသွားလိမ့်မယ်။ ပြန်ထလာမှာ မဟုတ်ဘူး။+
မီးစာလို ငြိမ်းသတ်ခံရလိမ့်မယ်။”
၁၈ “အရင်က ဖြစ်ခဲ့တာတွေကို သတိမရကြနဲ့။
အတိတ်ကိုပဲ ပြန်တွေးမနေနဲ့။
၁၉ အသစ်သောအရာတစ်ခုကို ငါလုပ်ဆောင်နေတယ်။+
တကယ်ဆို အခုတောင် ဖြစ်နေပြီ။
မင်းတို့ မသိကြဘူးလား။
တောကန္တာရကိုဖြတ်ပြီး ငါလမ်းဖောက်မယ်။+
ကန္တာရကိုဖြတ်ပြီး မြစ်တွေ စီးဆင်းစေမယ်။+
၂၀ သားရဲတွေ၊ ခွေးအတွေ၊ငှက်ကုလားအုတ်တွေတောင် ငါ့ကို ဂုဏ်တင်လိမ့်မယ်။
ငါ့လူတွေ၊ ငါရွေးချယ်ထားတဲ့သူတွေ+ သောက်ဖို့ တောကန္တာရမှာ ရေစီးဆင်းပြီး သဲကန္တာရမှာ မြစ်တွေကို ငါစီးဆင်းစေလို့ပဲ။+
၂၁ သူတို့ဟာ ငါ့ကို ချီးမွမ်းနိုင်ဖို့ ငါပုံသွင်းခဲ့သူတွေပဲ။+
၂၂ ယာကုပ်၊ မင်းက ငါ့ကို အသနားမခံဘူး။+
အစ္စရေး၊ မင်းက ငါ့ကို ငြီးငွေ့နေတာကိုး။+
၂၃ မင်းက အကုန်အစင် မီးရှို့ရာအလှူတွေ ဆက်သဖို့ သိုးတွေ မယူလာဘူး။
ပူဇော်သက္ကာတွေနဲ့ ငါ့ကိုဂုဏ်မတင်ဘူး။
လက်ဆောင်တွေ ဆက်သပါလို့ ငါအတင်းအကျပ် မခိုင်းပါဘူး။
လောဗန်* ပူဇော်ပါလို့ မရမကတောင်းဆိုပြီး မင်းစိတ်ပင်ပန်းအောင် မလုပ်ပါဘူး။+
၂၄ မင်းက ငါ့ဆီဆက်သဖို့ ကြံမွှေး မဝယ်ဘူး။
ငါကျေနပ်အောင် ပူဇော်သက္ကာတွေရဲ့ အဆီကို မဆက်သဘူး။+
အဲဒီအစား မင်းရဲ့အပြစ်တွေက ငါ့ကိုဝန်ပိစေတယ်။
မင်းရဲ့အမှားတွေက ငါ့ကိုပင်ပန်းစေတယ်။+
၂၅ ငါဟာ ငါ့နာမည်ကိုထောက်ပြီး+ မင်းရဲ့အပြစ်တွေကို ပယ်ဖျက်ပေးတဲ့အရှင်ပဲ။+
မင်းရဲ့အပြစ်တွေကို ငါသတိရမှာ မဟုတ်ဘူး။+
၂၆ ငါတို့ တရားရင်ဆိုင်ကြစို့။ ငါ့ကို အသိပေးပါ။
မင်းမှန်တယ်ဆိုတာ သက်သေပြဖို့ ထွက်ဆိုပါ။
၂၇ မင်းရဲ့ ဦးဆုံးဘိုးဘေးက အပြစ်ကျူးလွန်ခဲ့တယ်။
မင်းရဲ့ ပြောရေးဆိုခွင့်ရှိသူ တွေလည်း* ငါ့ကိုပုန်ကန်ခဲ့တယ်။+
၂၈ ဒါကြောင့် သန့်ရှင်းရာအရပ်မှာ ဦးဆောင်ဦးရွက်ပြုသူတွေကို ငါရှုတ်ချမယ်။
ယာကုပ်ကို ဖျက်ဆီးခြင်းလက်ထဲ အပ်မယ်။
အစ္စရေးကို ကဲ့ရဲ့စော်ကားစရာ ဖြစ်စေမယ်။+
