ဟေရှာယ ၅၂:၁-၁၅
၅၂ အို ဇိအုန်၊+ နိုးထပါ။ နိုးထပါ။ အစွမ်းခွန်အားကို ဝတ်ဆင်ပါ။+
သန့်ရှင်းတဲ့မြို့တော် ဂျေရုဆလင်၊ လှပတဲ့အဝတ်တွေ ဝတ်ဆင်ပါ။+
အရေဖျားမဖြတ်သူတွေ၊ မသန့်ရှင်းသူတွေ မင်းဆီ ဝင်လာတော့မှာ မဟုတ်ဘူး။+
၂ အို ဂျေရုဆလင်၊ ဖုန်တွေကို ခါပစ်ပါ။ ထပြီး ခုံပေါ်မှာထိုင်ပါ။
သုံ့ပန်းဘဝရောက်နေတဲ့ ဇိအုန်သမီးပျို၊ လည်မှာချည်ထားတဲ့ ကြိုးတွေကို ဖြေလိုက်ပါ။+
၃ “မင်းတို့ကို အဖိုးအခမရဘဲ ရောင်းခဲ့တယ်။+
အခမဲ့ ပြန်ဝယ်မယ်” လို့ ယေဟောဝါ ပြောတယ်။+
၄ “အစတုန်းက အီဂျစ်ပြည်မှာ တိုင်းတစ်ပါးသားတွေအဖြစ် နေထိုင်ဖို့ ငါ့လူတွေ ဆင်းသွားတယ်။+
နောက်တော့ သူတို့ကို အဆီးရီးယားတွေ အကြောင်းမဲ့ ဖိနှိပ်တယ်” လို့
အချုပ်အခြာအာဏာပိုင်ရှင် ယေဟောဝါ ပြောတယ်။
၅ “အခုတော့ ငါဘာလုပ်ရမလဲ” လို့ ယေဟောဝါ ပြောတယ်။
ယေဟောဝါပြောတာက “အဖိုးအခမပေးဘဲ ငါ့လူတွေကို ခေါ်သွားကြပြီ။
သူတို့ကို အုပ်စိုးတဲ့သူတွေ အဆက်မပြတ် အောင်သံလွှင့်နေတယ်။+
ငါ့နာမည်ကို တစ်နေ့လုံး မခန့်လေးစား လုပ်နေကြတယ်။+
၆ ဒါကြောင့် ငါ့လူတွေက ငါ့နာမည်ကို သိရလိမ့်မယ်။+
ဒီစကားတွေကို ပြောနေတာ ငါပဲဆိုတာ အဲဒီနေ့မှာ သိရကြလိမ့်မယ်။
ဒါကိုပြောနေတာ ငါပဲ။”
၇ သတင်းကောင်း သယ်ဆောင်လာသူ၊ ငြိမ်သက်ခြင်းသတင်း ကြွေးကြော်သူ၊+
ကောင်းကျိုးချမ်းသာနဲ့ဆိုင်တဲ့ သတင်းကောင်း သယ်ဆောင်လာသူ၊
ကယ်တင်ခြင်းသတင်း ကြွေးကြော်သူ၊
“ဘုရားသခင် ဘုရင်ဖြစ်ပြီ”+ လို့ ဇိအုန်ကို ပြောတဲ့သူရဲ့ ခြေဟာ
တောင်တန်းတွေပေါ်မှာ လှပတင့်တယ်လိုက်တာ။+
၈ နားထောင်ပါ။ ကင်းစောင့်တွေ အော်ပြောနေတယ်။
ရွှင်လန်းစွာ သံပြိုင်ကြွေးကြော်နေတယ်။
ယေဟောဝါက ဇိအုန်ကို ပြန်စုသိမ်းတဲ့အခါ သူတို့ မျက်ဝါးထင်ထင် မြင်ရလိမ့်မယ်။
၉ ဂျေရုဆလင်မြို့ရဲ့ အပျက်အယွင်းတို့၊ ပျော်မြူးကြ။ ရွှင်လန်းစွာ သံပြိုင်ကြွေးကြော်ကြ။+
ယေဟောဝါက မိမိရဲ့လူတွေကို နှစ်သိမ့်ပေးပြီ။+ ဂျေရုဆလင်မြို့ကို ပြန်ဝယ်လိုက်ပြီ။+
၁၀ ယေဟောဝါက သန့်ရှင်းတဲ့ လက်ရုံးတော်ကို လူမျိုးအားလုံးမြင်အောင် ထင်ရှားပြပြီ။+
ဘုရားသခင် ကယ်တင်တာကို ကမ္ဘာမြေတစ်ခွင်လုံး မြင်ရလိမ့်မယ်။+
၁၁ ထွက်သွားကြ။ ထွက်သွားကြ။ အဲဒီကနေ ထွက်သွားကြ။+ မသန့်ရှင်းတာမှန်သမျှ လက်နဲ့တောင် မထိကြနဲ့။+
ယေဟောဝါရဲ့ အသုံးအဆောင်ပစ္စည်းတွေကို သယ်ဆောင်သူတို့၊+
သူ့ဆီကနေ ထွက်သွားကြ။+ ကိုယ့်ကိုယ်ကိုယ် သန့်ရှင်းအောင်နေကြ။
၁၂ မင်းတို့ ထိတ်ထိတ်ပျာပျာ ထွက်လာရမှာ မဟုတ်ဘူး။
ထွက်ပြေးလာရမှာ မဟုတ်ဘူး။
ယေဟောဝါက မင်းတို့ရှေ့ကနေ သွားမယ်။+
အစ္စရေးတို့ရဲ့ ဘုရားသခင်က နောက်ကနေ စောင့်ကြပ်မယ်။+
၁၃ ကြည့်ပါ။ ငါ့ကျွန်က+ ထိုးထွင်းဉာဏ်ရှိရှိ လုပ်ဆောင်မယ်။
သူ ချီးမြှင့်ခံရလိမ့်မယ်။
ချီးမြှောက်ခံရပြီး ကြီးမြတ်လာမယ်။+
၁၄ သူ့အသွင်အပြင်ဟာ တခြားလူတွေထက် ပုံပျက်ပန်းပျက် ဖြစ်နေလို့၊
ခံ့ညားတဲ့ သူ့အသွင်အပြင်ဟာ လူသားတွေထက် ရုပ်ပျက်ဆင်းပျက် ဖြစ်နေလို့
လူတွေ အံ့သြတကြီး စိုက်ကြည့်ကြလိမ့်မယ်။
၁၅ သူဟာ လူမျိုးများစွာကို တအံ့တသြ ဖြစ်စေမယ်။+
ဘုရင်တွေဟာ သူ့ရှေ့မှာ နှုတ်ကို ပိတ်ထားမယ်။+
လူတွေ မပြောဖူးတဲ့အရာကို သူတို့မြင်ရလို့ပဲ။
မကြားဖူးတဲ့အရာကို ကြားရလို့ပဲ။+
