ဟေရှာယ ၆:၁-၁၃
၆ သြဇိမင်း ကွယ်လွန်တဲ့နှစ်မှာ+ မြင့်မားလှတဲ့ ရာဇပလ္လင်ပေါ် ထိုင်နေတဲ့ ယေဟောဝါကို ငါမြင်တယ်။+ ဗိမာန်တော်ဟာ ဝတ်လုံတော်ရဲ့ အနားစွန်းနဲ့ ပြည့်သွားတယ်။
၂ ဘုရားရဲ့ပတ်လည်မှာ သရပ်တွေ* ရပ်နေတယ်။ သူတို့မှာ အတောင်ခြောက်ခုစီ ရှိတယ်။ အတောင်နှစ်ခုက မျက်နှာကို၊ နှစ်ခုက ခြေထောက်ကို ဖုံးအုပ်ထားပြီး ကျန်တဲ့အတောင်နှစ်ခုနဲ့ ပျံသန်းကြတယ်။
၃ “ဗိုလ်ခြေတို့ရဲ့အရှင် ယေဟောဝါဟာ သန့်ရှင်းတယ်၊ သန့်ရှင်းတယ်၊ သန့်ရှင်းတယ်။+
ကမ္ဘာမြေတစ်ပြင်လုံးဟာ ဘုရားရဲ့ ဘုန်းတန်ခိုးနဲ့ ပြည့်နေတယ်” ဆိုပြီးတစ်ပါးကိုတစ်ပါး ကြွေးကြော်နေကြတယ်။
၄ အဲဒီကြွေးကြော်သံကြောင့် တံခါးဆုံလည်တွေ တုန်ခါသွားပြီး အိမ်တော်တစ်ခုလုံး မီးခိုးနဲ့ပြည့်သွားတယ်။+
၅ ဒါကြောင့် “ငါတော့ အဖြစ်ဆိုး ကြုံရတော့မှာပဲ။ သေတော့မှာပဲ။
ညစ်ညူးတဲ့နှုတ်ခမ်း ရှိရုံမကညစ်ညူးတဲ့နှုတ်ခမ်း ရှိသူတွေကြားမှာ နေထိုင်လျက်သားနဲ့+ဗိုလ်ခြေတို့ရဲ့အရှင်၊ ဘုရင်ယေဟောဝါကိုမျက်စိနဲ့ တပ်အပ်မြင်လိုက်ရပြီ” လို့ ငါပြောတယ်။
၆ အဲဒီအခါ သရပ်တစ်ပါး ငါ့ဆီပျံသန်းလာတယ်။ ပူဇော်ရာပလ္လင်ပေါ်က+ မီးခဲတစ်ခဲကို မီးညှပ်နဲ့ ကိုင်လာတယ်။+
၇ ငါ့နှုတ်ခမ်းကိုတို့ပြီး“ကဲ၊ ဒီမီးခဲနဲ့ မင်းရဲ့နှုတ်ခမ်းကို တို့လိုက်ပြီဆိုတော့မင်းရဲ့အမှားတွေကို ဖယ်ရှားလိုက်ပြီ။
အပြစ်တွေကို ဖြေလွှတ်လိုက်ပြီ” လို့ပြောတယ်။
၈ အဲဒီနောက် ယေဟောဝါက “ဘယ်သူ့ကို ငါစေလွှတ်ရမလဲ။ ငါတို့အတွက် ဘယ်သူသွားပေးမလဲ” လို့မေးတာကို ငါကြားတယ်။+ ဒါနဲ့ “ကျွန်တော်ရှိပါတယ်။ ကျွန်တော့်ကို စေလွှတ်ပါ”+ လို့ဖြေတော့၊
၉ ဘုရားက “ဒီလူမျိုးဆီ မင်းသွားပါ–
‘မင်းတို့ အကြိမ်ကြိမ် ကြားရပေမဲ့နားလည်မှာမဟုတ်ဘူး။
အကြိမ်ကြိမ် မြင်ရပေမဲ့ဘာမှသိလာမှာ မဟုတ်ဘူး’+ လို့ပြောလိုက်ပါ။
၁၀ ဒီလူတွေရဲ့ စိတ်တံခါးကို ပိတ်ပစ်ပါ။+
နားကို ထိုင်းစေပါ။+
မျက်စိကိုလည်း ပိတ်ပစ်ပါ။
သူတို့ဟာ နားရှိလျက်နဲ့ မကြား၊မျက်စိရှိလျက်နဲ့ မမြင် ဖြစ်ကြလိမ့်မယ်။
နားမလည်နိုင်ဘဲ ဖြစ်လိမ့်မယ်။
သူတို့ ပြန်မလှည့်လာတော့ ကုသပေးလို့လည်း မရဘူး” လို့ပြောတယ်။
၁၁ ဒါနဲ့ ငါက “ယေဟောဝါဘုရား၊ ဘယ်လောက်ကြာကြာ အဲဒီလိုဖြစ်နေမှာလဲ” လို့မေးတော့ ဘုရားက–
“မြို့တွေ ပျက်စီးပြီး မြို့သူမြို့သားတွေ မရှိ၊အိမ်တွေမှာ လူမရှိ၊ပြည်လည်း ပျက်စီးပြီး လူသူကင်းမဲ့သွားချိန်အထိ ကြာလိမ့်မယ်။+
၁၂ ငါယေဟောဝါက လူတွေကို အဝေးကြီး နှင်ထုတ်လိုက်တဲ့အတွက်+တစ်ပြည်လုံးနီးပါး လွင်တီးခေါင်ဖြစ်သွားချိန်အထိ ကြာလိမ့်မယ်။
၁၃ ဒါပေမဲ့ တိုင်းပြည်မှာ လူဆယ်ပုံတစ်ပုံ ကျန်ဦးမယ်။ သူတို့ ထပ်ပြီး မီးရှို့ခံရဦးမယ်။ သစ်ပင်ကြီးလို၊ ဝက်သစ်ချပင်လို သူတို့ ခုတ်လှဲခံရပြီးတဲ့နောက် သစ်ငုတ် ကျန်ခဲ့ဦးမယ်။ အဲဒီသစ်ငုတ်ကနေ သန့်ရှင်းတဲ့အတက်* ထွက်လာမယ်” လို့ပြောတယ်။
