ဟေရှာယ ၆၁:၁-၁၁
၆၁ အချုပ်အခြာအာဏာပိုင်ရှင် ယေဟောဝါရဲ့ စွမ်းအားတော်က ငါ့အပေါ်မှာ သက်ရောက်နေတယ်။+
နူးညံ့သိမ်မွေ့သူတွေဆီ သတင်းကောင်း ကြေညာဖို့ ငါ့ကို ယေဟောဝါ ဘိသိက်ပေးထားတယ်။+
စိတ်ကြေကွဲနေသူတွေရဲ့ ဒဏ်ရာတွေကို စည်းပေးဖို့၊သုံ့ပန်းတွေကို လွတ်လပ်ခွင့်ရတော့မယ့်အကြောင်း ကြေညာဖို့၊အကျဉ်းသားတွေရဲ့ မျက်စိကို အကျယ်ကြီးဖွင့်ပေးဖို့ ငါ့ကို ဘုရားစေလွှတ်တယ်။+
၂ ယေဟောဝါရဲ့ မင်္ဂလာနှစ်* အကြောင်း ကြေညာဖို့၊ဘုရားသခင် လက်စားချေမယ့်နေ့အကြောင်း ကြေညာဖို့၊+ဝမ်းနည်းပူဆွေးသူတွေကို နှစ်သိမ့်ပေးဖို့၊+
၃ ဇိအုန်အတွက် ဝမ်းနည်းပူဆွေးသူတွေကို ပြာတွေအစား ခေါင်းပေါင်းကို ပေးဖို့၊ဝမ်းနည်းပူဆွေးခြင်းအစား အားရရွှင်လန်းခြင်းဆီကို ပေးဖို့၊စိတ်ပျက်အားငယ်ခြင်းအစား ချီးမွမ်းခြင်းဝတ်ရုံကို ပေးဖို့ ငါ့ကိုစေလွှတ်တယ်။
သူတို့ဟာ ဘုရားကို ဂုဏ်တင်ချီးမွမ်းတဲ့ ဖြောင့်မတ်ခြင်းသစ်ပင်ကြီးတွေ၊ယေဟောဝါစိုက်ပျိုးတဲ့ အပင်တွေလို့ အခေါ်ခံရလိမ့်မယ်။+
၄ ရှေးဟောင်း အပျက်အယွင်းတွေကို သူတို့ ပြန်တည်ဆောက်မယ်။
အတိတ်က လူသူကင်းမဲ့ခဲ့တဲ့ နေရာတွေကို ပြန်ထူထောင်မယ်။+
မြို့ပျက်တွေ၊+ လူမျိုးအဆက်ဆက် လူဆိတ်ညံတဲ့နေရာတွေကို ပြန်ထူထောင်မယ်။+
၅ “သူစိမ်းတွေ ရောက်လာပြီး မင်းတို့ရဲ့ သိုးအုပ်တွေကို ထိန်းကျောင်းမယ်။
တိုင်းတစ်ပါးသားတွေဟာ+ မင်းတို့ရဲ့ လယ်သမားတွေ၊ စပျစ်ခြံလုပ်သားတွေ ဖြစ်လိမ့်မယ်။+
၆ မင်းတို့ကို ယေဟောဝါရဲ့ ပုရောဟိတ်တွေ၊+ဘုရားသခင်အတွက် အမှုဆောင်သူတွေလို့ ခေါ်ကြလိမ့်မယ်။
လူမျိုးခြားတွေရဲ့ ပစ္စည်းဥစ္စာတွေကို မင်းတို့ စားသုံးရလိမ့်မယ်။+
သူတို့ဆီကရတဲ့ စည်းစိမ်ဥစ္စာတွေကြောင့် ဝါကြွားရလိမ့်မယ်။
၇ မင်းတို့ အရှက်ကွဲခဲ့ရပေမဲ့ အဲဒီအခါ ဝေစုနှစ်ဆရမယ်။
အရှက်တကွဲ ဖြစ်ခဲ့ရပေမဲ့ ရလာတဲ့ဝေစုကြောင့် ရွှင်လန်းစွာ ကြွေးကြော်လိမ့်မယ်။
တိုင်းပြည်မှာ ဝေစုနှစ်ဆကို တကယ်ပိုင်ဆိုင်ရလိမ့်မယ်။+
ထာဝစဉ် ဝမ်းမြောက်ရလိမ့်မယ်။+
၈ ငါယေဟောဝါက တရားမျှတမှုကို နှစ်သက်တယ်။+
လုယက်မှုနဲ့ မဖြောင့်မတ်မှုကို မုန်းတယ်။+
ငါက သစ္စာရှိမယ်။ သူတို့ရဲ့လုပ်ခကို ပေးမယ်။
သူတို့နဲ့ ထာဝရပဋိညာဉ် ဖွဲ့မယ်။+
၉ သူတို့ရဲ့မျိုးနွယ်က လူမျိုးခြားတွေအလယ်မှာ၊+သူတို့ရဲ့ သားစဉ်မြေးဆက်တွေက လူတွေအလယ်မှာ ကျော်ကြားလိမ့်မယ်။
မြင်သူတိုင်းက သူတို့ဟာ ယေဟောဝါရဲ့ကောင်းချီး ရထားတဲ့ မျိုးနွယ်ဖြစ်မှန်း အသိအမှတ်ပြုကြလိမ့်မယ်။”+
၁၀ ယေဟောဝါကြောင့် ငါ အကြီးအကျယ် ဝမ်းမြောက်မယ်။
ဘုရားသခင်ကြောင့် အတိုင်းမသိ ရွှင်လန်းမယ်။+
ဘုရားက ငါ့ကို ပုရောဟိတ်ခေါင်းပေါင်း ပေါင်းထားတဲ့ သတို့သားလို၊+အလှတန်ဆာ ဆင်မြန်းထားတဲ့ သတို့သမီးလို
ကယ်တင်ခြင်းဝတ်လုံ ဝတ်ဆင်ပေးပြီး+ ဖြောင့်မတ်ခြင်းဝတ်ရုံ ခြုံလွှမ်းပေးလိုက်ပြီ။
၁၁ မြေကြီးက အညှောက်ပေါက်စေသလို၊ဥယျာဉ်က ကြဲထားတဲ့ မျိုးစေ့တွေကို အညှောက်ပေါက်စေသလို အချုပ်အခြာအာဏာပိုင်ရှင် ယေဟောဝါကလည်း ဖြောင့်မတ်ခြင်းနဲ့+ ချီးမွမ်းခြင်းကို လူမျိုးအားလုံးရှေ့မှာ အညှောက်ပေါက်စေမယ်။+
အောက်ခြေမှတ်ချက်များ
^ ဒါမှမဟုတ်၊ “မျက်နှာသာပေးတဲ့နှစ်။”
