၁ ရာဇဝင်ချုပ် ၅:၁-၂၆
၅ ရုဗင်ဟာ+ အစ္စရေးရဲ့သားဦးပဲ။ သူဟာ သားဦးဖြစ်ပေမဲ့ ဖခင်ရဲ့အိပ်ရာကို ညစ်ညူးစေခဲ့တဲ့အတွက်+ သားဦးအခွင့်အရေးကို အစ္စရေးရဲ့သားဖြစ်သူ ယောသပ်ရဲ့သားတွေ ရသွားတယ်။+ ဒါကြောင့် ဆွေစဉ်မျိုးဆက်စာရင်းမှာ ရုဗင်ကို သားဦးအခွင့်အရေး ရသူအဖြစ် စာရင်းမသွင်းထားဘူး။
၂ ယုဒက+ ညီအစ်ကိုတွေထက် သာလွန်ပြီး သူ့ဆီကနေ ခေါင်းဆောင် ပေါ်ထွက်လာမှာ ဖြစ်ပေမဲ့+ သားဦးအခွင့်အရေးကိုတော့ ယောသပ်ပဲ ရတယ်။
၃ အစ္စရေးရဲ့သားဦး ရုဗင်ရဲ့ သားတွေက ဟာနုတ်၊ ဖာလု၊ ဟေဇရုံ၊ ကာမိ။+
၄ ယောလရဲ့သားက ရှေမာယ၊ ရှေမာယရဲ့သားက ဂေါဂ၊ ဂေါဂရဲ့သားက ရှိမိ၊
၅ ရှိမိရဲ့သားက မိက္ခာ၊ မိက္ခာရဲ့သားက ရာယ၊ ရာယရဲ့သားက ဗာလ။
၆ ဗာလရဲ့သားက အဆီးရီးယားဘုရင် တိဂလတ်ပိနေသာ+ ဖမ်းခေါ်သွားတဲ့ ရုဗင်မျိုးနွယ်စုခေါင်းဆောင် ဗေရာဖြစ်တယ်။
၇ ဆွေမျိုးစုအလိုက် ဆွေစဉ်မျိုးဆက်စာရင်းဝင်တဲ့ ဗေရာရဲ့ညီအစ်ကိုတွေက ခေါင်းဆောင်ယေယေလ၊ ဇာခရိ၊
၈ ယောလရဲ့မြစ်၊ ရှေမာရဲ့မြေး၊ အာဇတ်ရဲ့သား ဗေလဖြစ်တယ်။ သူတို့က အာရော်မြို့ကနေ+ နေဗောမြို့၊ ဗာလမုန်မြို့အထိ၊+
၉ အရှေ့ဘက် ယူဖရေးတီးမြစ်နားက+ တောကန္တာရအစပ်အထိ အခြေချနေထိုင်တယ်။ ဂိလဒ်ပြည်မှာ သူတို့ရဲ့တိရစ္ဆာန်တွေ တိုးများလာလို့ပဲ။+
၁၀ သူတို့က ရှောလုမင်းလက်ထက်မှာ ဟာဂရိလူမျိုးကို တိုက်ခိုက်အနိုင်ယူလိုက်တယ်။ ပြီးတော့ ဂိလဒ်ပြည်အရှေ့ဘက်နယ်မြေ တစ်လျှောက်လုံးက ဟာဂရိလူမျိုးရဲ့တဲတွေမှာ နေထိုင်ကြတယ်။
၁၁ ဂဒ်ရဲ့သားမြေးတွေက ရုဗင်သားမြေးတွေရဲ့ နယ်မြေနဲ့ ကပ်လျက်မှာရှိတဲ့ ဗာရှန်ပြည် သာလကမြို့အထိ နေထိုင်ကြတယ်။+
၁၂ ဗာရှန်ပြည်မှာ ယောလက အကြီးအကဲ၊ ရှာဖံက လက်ထောက်၊ ယာနဲနဲ့ ရှာဖတ်လည်း ခေါင်းဆောင်တွေပဲ။
၁၃ သူတို့နဲ့ဆွေမျိုးတော်စပ်တဲ့ ညီအစ်ကိုတွေက မိက္ခေလ၊ မေရှုလံ၊ ရှေဘ၊ ယောရဲ၊ ယာခန်၊ ဇယာ၊ ဧဗာဖြစ်ပြီး စုစုပေါင်း ခုနစ်ယောက် ရှိတယ်။
၁၄ သူတို့ရဲ့ဖခင်က အဘိဟဲလ၊ အဘိဟဲလရဲ့ဖခင်က ဟုရိ၊ ဟုရိရဲ့ဖခင်က ယာရော်၊ ယာရော်ရဲ့ဖခင်က ဂိလဒ်၊ ဂိလဒ်ရဲ့ဖခင်က မိက္ခေလ၊ မိက္ခေလရဲ့ဖခင်က ယေရှိရှဲ၊ ယေရှိရှဲရဲ့ဖခင်က ယာဒေါ၊ ယာဒေါရဲ့ဖခင်က ဗုဇဖြစ်တယ်။
၁၅ ဆွေမျိုးစုခေါင်းဆောင်ကတော့ ဂုနိရဲ့မြေး၊ အာဗဒျေလရဲ့သား အဟိဖြစ်တယ်။
၁၆ သူတို့က ဂိလဒ်ပြည်၊+ ဗာရှန်ပြည်နဲ့+ ပတ်ဝန်းကျင်မြို့ငယ်တွေ၊ ရှာရုန်စားကျက်မြေတစ်လျှောက်လုံးမှာ နေထိုင်ကြတယ်။
၁၇ သူတို့အားလုံးဟာ ယုဒဘုရင် ယောသံနဲ့+ အစ္စရေးဘုရင် ယေရောဗောင်*+ လက်ထက်မှာ ပြုစုခဲ့တဲ့ ဆွေစဉ်မျိုးဆက်စာရင်းထဲမှာ ပါဝင်သူတွေပဲ။
၁၈ ရုဗင်အနွယ်၊ ဂဒ်အနွယ်၊ မနာရှေအနွယ်တစ်ဝက်ရဲ့ စစ်တပ်မှာ စစ်ရေးကျွမ်းကျင်သူ၊ ဒိုင်းလွှား၊ ဓား၊ လေးကိုင်ဆောင်သူ ခွန်အားကြီး စစ်သည်အင်အား ၄၄,၇၆၀ ရှိတယ်။
၁၉ သူတို့က ဟာဂရိလူမျိုး၊+ ယေတုရ၊ နာဖိရှ၊+ နောဒပ်အမျိုးသားတွေနဲ့ စစ်ဆင်နွှဲတယ်။
၂၀ အဲဒီလူတွေနဲ့ စစ်တိုက်တဲ့အခါ ဘုရားသခင်ကို အကူအညီတောင်းတဲ့အတွက် ဟာဂရိလူမျိုးနဲ့ မဟာမိတ်တွေကို အနိုင်ရခဲ့တယ်။ ဘုရားကို ယုံကြည်ကိုးစားတဲ့အတွက် သူတို့ အသနားခံတဲ့အတိုင်း ဘုရားလုပ်ဆောင်ပေးခဲ့တယ်။+
၂၁ ရန်သူတွေရဲ့ ကုလားအုတ် ၅၀,၀၀၀၊ သိုး ၂၅၀,၀၀၀၊ မြည်း ၂,၀၀၀၊ လူ ၁၀၀,၀၀၀ ကို လက်ရဖမ်းမိတယ်။
၂၂ စစ်မှန်တဲ့ဘုရားသခင် ဆင်နွှဲတဲ့တိုက်ပွဲဖြစ်လို့ ရန်သူတွေ အတုံးအရုံး ကျဆုံးခဲ့တယ်။+ သူတို့က ပြည်နှင်ဒဏ်ခံရချိန်အထိ အဲဒီမှာပဲ နေထိုင်ကြတယ်။+
၂၃ မနာရှေအနွယ်တစ်ဝက်ရဲ့ သားမြေးတွေဟာ+ လူဦးရေ သိပ်များတယ်။ ဗာရှန်ပြည်ကနေ ဗာလဟေရမုန်တောင်၊ စိနဲတောင်၊ ဟေရမုန်တောင်အထိ အနှံ့အပြား နေထိုင်ကြတယ်။+
၂၄ သူတို့ရဲ့ ဆွေမျိုးစုခေါင်းဆောင်တွေက ဧဖာ၊ အိရှိ၊ ဧလျလေ၊ အာဇရေလ၊ ယေရမိ၊ ဟောဒဝိ၊ ယာဒျေလတို့ဖြစ်ပြီး ခွန်အားကြီးစစ်သည်တွေ၊ နာမည်ကျော်ကြားသူတွေ၊ ဆွေမျိုးစုခေါင်းဆောင်တွေပဲ။
၂၅ သူတို့က ဘိုးဘေးတို့ရဲ့ ဘုရားသခင်ကို သစ္စာဖောက်ကြတယ်။ သူတို့ရှေ့ကနေ ဘုရားသခင် အစတုံး ဖျက်ဆီးခဲ့တဲ့ ပြည်သားတွေရဲ့ ဘုရားတွေကို ဝတ်ပြုကြတယ်။*+
၂၆ ဒါကြောင့် အစ္စရေးတို့ရဲ့ ဘုရားသခင်က အဆီးရီးယားဘုရင် (တိဂလတ်ပိနေသာ+ လို့ခေါ်တဲ့) ပုလရဲ့စိတ်ကို လှုံ့ဆော်လိုက်တဲ့အတွက်+ သူက ရုဗင်အနွယ်၊ ဂဒ်အနွယ်၊ မနာရှေ အနွယ်တစ်ဝက်ကို ဖမ်းဆီးပြီး ဟာလအရပ်၊ ဟာဗော်အရပ်၊ ဟာရအရပ်၊ ဂေါဇန်မြစ်နားမှာ နေထိုင်စေတယ်။+ ဒီနေ့အထိ အဲဒီမှာပဲ သူတို့နေထိုင်ရတယ်။
