၂ ရာဇဝင်ချုပ် ၁၁:၁-၂၃
၁၁ ရောဗောင်မင်းက ဂျေရုဆလင်မြို့ကို ပြန်ရောက်လာတယ်။ အစ္စရေးတွေကို တိုက်ခိုက်ပြီး နိုင်ငံကိုပြန်ရယူဖို့ ယုဒတစ်မျိုးလုံးနဲ့ ဗင်ယာမိန်အမျိုးကို+ ချက်ချင်း စုရုံးလိုက်တယ်။ လက်ရွေးစင် စစ်သည်ပေါင်း ၁၈၀,၀၀၀ ရှိတယ်။+
၂ အဲဒီအချိန်မှာ စစ်မှန်တဲ့ ဘုရားသခင်ရဲ့လူ ရှေမာယကို+ ယေဟောဝါက၊
၃ “ရှောလမုန်ရဲ့သား ယုဒဘုရင် ရောဗောင်၊ ယုဒပြည်နဲ့ ဗင်ယာမိန်နယ်မြေမှာရှိတဲ့ အစ္စရေးအားလုံးကို ပြောလိုက်ပါ။
၄ ‘“မင်းတို့ရဲ့ ညီအစ်ကိုတွေကို သွားမတိုက်ခိုက်ကြနဲ့။ ကိုယ့်အိမ်ကိုယ် ပြန်ကြ။ ဒီလိုဖြစ်လာအောင်လုပ်တာ ငါပဲ” လို့ ယေဟောဝါ မိန့်မှာတယ်’” ဆိုပြီး ပြောခိုင်းတယ်။+ လူတွေလည်း ယေဟောဝါရဲ့စကားကို နာခံပြီး ယေရောဗောင်ကို သွားမတိုက်ခိုက်တော့ဘဲ အိမ်ပြန်သွားကြတယ်။
၅ ရောဗောင်မင်းက ဂျေရုဆလင်မြို့မှာဆက်စိုးစံပြီး ယုဒပြည်မှာခံတပ်မြို့တွေကို တည်ဆောက်တယ်။
၆ ဘက်သလီဟင်၊+ ဧတံ၊ တေကော၊+
၇ ဗက်ဇုရ၊ စောခေါ၊+ အဒုလံ၊+
၈ ဂါသ၊+ မရေရှ၊ ဇိဖ၊+
၉ အဒေါရိမ်၊ လာခိရှ၊+ အဇေကာ၊+
၁၀ ဇောရာ၊ အာယလုန်၊+ ဟေဗြုန်မြို့ကို+ တည်ဆောက်တယ်။ အဲဒီမြို့တွေဟာ ယုဒပြည်နဲ့ ဗင်ယာမိန်နယ်မြေမှာရှိတဲ့ ခံတပ်မြို့တွေပဲ။
၁၁ ဒါ့အပြင် ရောဗောင်မင်းက အဲဒီခံတပ်မြို့တွေကို ပိုခိုင်ခံ့အောင် လုပ်တယ်။ အဲဒီမြို့တွေမှာ တပ်မှူးတွေခန့်ပြီး ဆီ၊ စပျစ်ဝိုင်နဲ့ ရိက္ခာတွေ သိုလှောင်တယ်။
၁၂ မြို့အားလုံးမှာ ဒိုင်းလွှားကြီးတွေ၊ လှံရှည်တွေ ပေးထားပြီး မြို့တွေ ပိုခိုင်ခံ့အောင် အကြီးအကျယ် လုပ်ဆောင်တယ်။ ယုဒပြည်နဲ့ ဗင်ယာမိန်နယ်မြေကို သူဆက်အုပ်ချုပ်တယ်။
၁၃ အစ္စရေးတစ်ပြည်လုံးမှာရှိတဲ့ ပုရောဟိတ်တွေနဲ့ လေဝိအမျိုးသားတွေဟာ ရောဗောင်မင်းဘက်မှာ ရပ်တည်ဖို့ နယ်မြေအသီးသီးကနေ ထွက်လာကြတယ်။
၁၄ လေဝိအမျိုးသားတွေဟာ စားကျက်မြေတွေနဲ့ ပိုင်ဆိုင်ရာတွေကို+ ထားခဲ့ပြီး ယုဒပြည်နဲ့ ဂျေရုဆလင်မြို့ကို ရောက်လာကြတယ်။ ယေရောဗောင်နဲ့ သူ့သားတွေက သူတို့ကို ယေဟောဝါရဲ့ ပုရောဟိတ်တာဝန်ကနေ ရပ်စဲလိုက်လို့ပဲ။+
၁၅ ယေရောဗောင်က အထွတ်အမြတ်နေရာတွေ၊ နတ်ဆိုးတွေ၊*+ သူလုပ်ထားတဲ့ နွားငယ်ရုပ်တွေအတွက်+ သူ့ရဲ့ပုရောဟိတ်တွေကို ခန့်ထားတယ်။+
၁၆ အစ္စရေးတို့ရဲ့ဘုရား ယေဟောဝါကိုရှာဖို့ စိတ်ပိုင်းဖြတ်ထားတဲ့ အစ္စရေးအနွယ်ဝင်တွေကတော့ ဘိုးဘေးတို့ရဲ့ဘုရား ယေဟောဝါကို ပူဇော်သက္ကာတွေ ဆက်သဖို့ ပုရောဟိတ်တွေ၊ လေဝိအမျိုးသားတွေနဲ့အတူ ဂျေရုဆလင်မြို့ကို လိုက်လာကြတယ်။+
၁၇ သူတို့ဟာ သုံးနှစ်လုံးလုံး ယုဒပြည်ရဲ့ထီးနန်း တည်မြဲအောင် ကူညီပြီး ရှောလမုန်ရဲ့သား ရောဗောင်မင်းကို ထောက်ခံအားပေးကြတယ်။ ဒါဝိဒ်နဲ့ ရှောလမုန်ရဲ့လမ်းစဉ်ကို သုံးနှစ်လုံးလုံး လိုက်ကြတယ်။
၁၈ အဲဒီနောက် ရောဗောင်မင်းက မဟာလတ်ကို မိဖုရားမြှောက်တယ်။ မဟာလတ်ရဲ့ဖခင်က ဒါဝိဒ်ရဲ့သား ယေရိမုတ်။ မိခင်က ယေရှဲရဲ့မြေး၊ ဧလျာဘရဲ့သမီး အဘိဟဲလ ဖြစ်တယ်။+
၁၉ မဟာလတ်က ယုရှ၊ ရှေမရိ၊ ဇာဟံဆိုတဲ့ သားတွေကို မွေးတယ်။
၂၀ ရောဗောင်က မဟာလတ်အပြင် အဗရှလုံရဲ့+ မြေးမ မာခါကိုလည်း မိဖုရားမြှောက်တယ်။ မာခါက အဘိယ၊+ အတ္တဲ၊ ဇိဇ၊ ရှေလောမိတ်ဆိုတဲ့ သားတွေကို မွေးတယ်။
၂၁ တခြားမိဖုရားတွေ၊ မောင်းမတွေထက်+ အဗရှလုံရဲ့မြေးမ မာခါကို ရောဗောင် ပိုချစ်တယ်။ သူ့မှာ မိဖုရား ၁၈ ယောက်၊ မောင်းမ ၆၀ ရှိပြီး သား ၂၈ ယောက်၊ သမီး ၆၀ ရှိတယ်။
၂၂ ရောဗောင်က မာခါရဲ့သား အဘိယကို မင်းမြှောက်ဖို့အကြံရှိတဲ့အတွက် ညီအစ်ကိုတွေထဲမှာ သူ့ကို ဦးစီးအဖြစ်၊ ခေါင်းဆောင်အဖြစ် ခန့်ထားတယ်။
၂၃ ဒါပေမဲ့ ရောဗောင်က သိနားလည်နိုင်စွမ်း ရှိတဲ့အတွက် သားတချို့ကို ယုဒပြည်နဲ့ ဗင်ယာမိန်နယ်မြေမှာရှိတဲ့ ခံတပ်မြို့တွေဆီ+ ပို့လိုက်တယ်။ သူတို့အတွက် လိုလေးသေးမရှိ ထောက်ပံ့ပေးတဲ့အပြင် မိန်းမအများကြီးကိုလည်း ရှာပေးတယ်။
အောက်ခြေမှတ်ချက်များ
^ မူရင်း၊ “ဆိတ်နဲ့တူတဲ့ နတ်ဆိုးတွေ။”
