၂ ရာဇဝင်ချုပ် ၆:၁-၄၂

စာတန်းထိုးပါ စာတန်းထိုး ပိတ်ပါ

  • လူ​တွေ​ကို ရှော​လ​မုန် မိန့်​ခွန်း​ပြော (၁-၁၁)

  • အပ်​နှံ​ပွဲ​မှာ ရှော​လ​မုန်​ဆုတောင်း (၁၂-၄၂)

၆  အဲဒီ​အချိန်​မှာ ရှော​လ​မုန်​က “ယေဟောဝါ​ဘုရား၊ ကိုယ်​တော်​က တိမ်​ထု​ကြီး​ထဲ​မှာ စံ​မြန်း​မယ်​လို့ ပြော​ခဲ့​တယ်။+ ၂  အခု ကိုယ်​တော့်​အတွက် မြင့်မြတ်​တဲ့​အိမ်​တော်၊ ထာ​ဝ​စဉ်​စံ​မြန်း​ဖို့ တည်​မြဲတဲ့​နေ​ရာ​တစ်​ခု​ကို ကျွန်​တော် တည်​ဆောက်​ခဲ့​ပါ​ပြီ”+ လို့​ပြော​တယ်။ ၃  အဲဒီ​နောက် မင်း​ကြီး​က ရပ်​နေ​တဲ့ အစ္စရေး​လူ​စု​ကြီး​ဘက် လှည့်​ပြီး ကောင်း​ချီး​ပေး​တယ်။+ ၄  “အစ္စရေး​တို့​ရဲ့​ဘုရား ယေဟောဝါ​ကို ချီး​မွမ်း​ကြ။ ဘုရား​က ခမည်း​တော်​ဒါဝိဒ်​ကို ကတိ​ပေး​ခဲ့​ရုံ​မက အဲဒီ​အတိုင်း ဖြစ်​လာ​အောင် လုပ်​ဆောင်​ပေး​ပြီ။ ၅  ‘ငါ့​လူမျိုး​ကို အီဂျစ်​ပြည်​က​နေ ခေါ်​ထုတ်​လာ​တဲ့​နေ့​က​စ​ပြီး ငါ့​နာ​မည်​တည်​စေ​မယ့် အိမ်​တော်​ကို တည်​ဆောက်​ဖို့ အစ္စရေး​အနွယ်​တွေ​ရဲ့ မြို့​တစ်​မြို့​ကို ငါ​မရွေး​ချယ်​ဖူး​ဘူး။+ အစ္စရေး​တွေ​ကို အုပ်​ချုပ်​မယ့် လူ​တစ်​ယောက်​ကို​လည်း မရွေး​ချယ်​ဖူး​ဘူး။ ၆  ဒါ​ပေမဲ့ အခု​တော့ ငါ့​နာ​မည်​တည်​စေ​ဖို့  ဂျေရု​ဆ​လင်​မြို့​ကို+  ငါ​ရွေး​ချယ်​ပြီ။ ငါ့​လူမျိုး အစ္စရေး​တွေ​ကို အုပ်​ချုပ်​ဖို့ ဒါဝိဒ်​ကို​လည်း ရွေး​ချယ်​လိုက်​ပြီ’+ လို့​လည်း ကိုယ်​တော်​ပြော​ခဲ့​တယ်။ ၇  ခမည်း​တော်​ဒါဝိဒ်​က အစ္စရေး​တို့​ရဲ့​ဘုရား ယေဟောဝါ​ရဲ့ နာ​မည်​အတွက် အိမ်​တော်​ဆောက်​ဖို့ ဆန္ဒ​ပြင်း​ပြခဲ့​တယ်။+ ၈  ဒါ​ပေမဲ့ ယေဟောဝါ​ဘုရား​က ခမည်း​တော်​ဒါဝိဒ်​ကို ‘ငါ့​နာ​မည်​အတွက် အိမ်​တော်​ဆောက်​ဖို့ မင်း​ဆန္ဒ​ပြင်း​ပြတယ်။ အဲဒီ​လို​ဆန္ဒ​ပြင်း​ပြတာ သိပ်​ကောင်း​တယ်။ ၉  ဒါ​ပေမဲ့ အိမ်​တော်​ကို မင်း မတည်​ဆောက်​ရ​ဘူး။ မင်း​ရဲ့​ရင်​သွေး၊ မင်း​ရဲ့​သား​က​ပဲ ငါ့​နာ​မည်​အတွက် အိမ်​တော်​ကို တည်​ဆောက်​ရ​မယ်’+ လို့​ပြော​ခဲ့​တယ်။ ၁၀  ယေဟောဝါ​ဘုရား​က ကတိ​တော်​အတိုင်း လုပ်​ဆောင်​ခဲ့​ပြီ။ ယေဟောဝါ​ဘုရား​ရဲ့ ကတိ​အတိုင်း+ ခမည်း​တော်​ဒါဝိဒ်​ရဲ့ အရိုက်​အရာ​ကို ကျွန်​တော် ဆက်​ခံ​ပြီး အစ္စရေး​ရာ​ဇ​ပလ္လင်​ပေါ်​မှာ ထိုင်​နေ​ပြီ။+ အဲဒီ​အပြင် အစ္စရေး​တို့​ရဲ့​ဘုရား ယေဟောဝါ​ရဲ့​နာ​မည်​အတွက်  အိမ်​တော်​ကို တည်​ဆောက်​ပြီး၊ ၁၁  အဲဒီ​အိမ်​တော်​ထဲ​မှာ သေတ္တာ​တော်​ကို ထား​လိုက်​ပြီ။ အဲဒီ​သေတ္တာ​ထဲ​မှာ ကျောက်​ပြား​နှစ်​ချပ် ရှိ​တယ်။ အဲဒီ​ကျောက်​ပြား​ပေါ်​မှာ အစ္စရေး​တွေ​နဲ့ ယေဟောဝါ​ဘုရား​ဖွဲ့​ခဲ့​တဲ့ ပဋိ​ညာဉ်​အကြောင်း ရေး​ထား​တယ်”+ လို့​ပြော​တယ်။ ၁၂  ပြီး​တော့ ရှော​လ​မုန်​က ယေဟော​ဝါ​ရဲ့ ပူ​ဇော်ရာ​ပလ္လင်​ရှေ့၊ အစ္စရေး​လူ​စု​ကြီး​ရှေ့​မှာ ရပ်​ပြီး ကောင်း​ကင်​ပေါ် လက်​ဖြန့်​လိုက်​တယ်။+ ၁၃  (ရှော​လ​မုန်​က အလျား​ငါး​တောင်၊ အနံ​ငါး​တောင်၊ အမြင့်​သုံး​တောင်​ရှိ​တဲ့ ကြေး​နီ​စင်​မြင့်​တစ်​ခု လုပ်​ပြီး ရင်​ပြင်​အ​လယ်​မှာ ထား​တယ်။+ အဲဒီ​အပေါ်​မှာ သူ​ရပ်​နေ​တာ။) သူ​က အစ္စရေး​လူ​စု​ကြီး​ရှေ့​မှာ ဒူး​ထောက်​လိုက်​တယ်။ ကောင်း​ကင်​ပေါ် လက်​ဖြန့်​ပြီး၊+ ၁၄  “အစ္စရေး​တို့​ရဲ့​ဘုရား ယေဟောဝါ၊ မိုး​ကောင်း​ကင်​မှာ​ရော မြေကြီး​ပေါ်​မှာ​ပါ ကိုယ်တော့်​လို ဘုရား​မျိုး မရှိ​ပါ​ဘူး။ ကိုယ်​တော်​ဟာ ပဋိ​ညာဉ်​ကို တည်​စေ​တဲ့​အရှင်၊ လမ်း​စဉ်​တော်​အတိုင်း စိတ်​စွမ်း​ရှိ​သမျှ လျှောက်​လှမ်း​တဲ့ ကျေး​ကျွန်​တွေ​ကို ခိုင်​မြဲတဲ့​မေတ္တာ​ပြတဲ့​ဘုရား  ဖြစ်​ပါ​တယ်။+ ၁၅  ကိုယ်​တော့်​ကျွန် ခမည်း​တော်​ဒါဝိဒ်​အပေါ် ကတိ​တည်​တယ်။+ ကတိ​ပေး​ရုံမက အဲဒီ​အတိုင်း​ဖြစ်​လာ​အောင် ဒီ​နေ့ အကောင်​အထည်  ဖော်​ပေး​ခဲ့​တယ်။+ ၁၆  အစ္စ​ရေး​တို့​ရဲ့​ဘုရား ယေဟောဝါ၊ ‘မင်း​ရဲ့​သား​မြေး​တွေ​ဟာ မင်း​လို​ပဲ ငါ့​ပညတ်​အတိုင်း ဂရု​တ​စိုက် လျှောက်​လှမ်း​မယ်​ဆို​ရင်+ အစ္စရေး​ရာ​ဇ​ပလ္လင်​ပေါ်​မှာ နန်း​ထိုင်​မယ့် မင်း​ရဲ့​မျိုး​ဆက် ဘယ်​တော့​မှ မပြတ်​စေ​ရ​ဘူး’ ဆို​ပြီး ခမည်း​တော်​ဒါဝိဒ်​ကို ပေး​ခဲ့​တဲ့ ကတိ​ကို တည်​စေ​ပါ။+ ၁၇  အစ္စရေး​တို့​ရဲ့​ဘုရား ယေဟောဝါ၊ ကိုယ်​တော့်​ကျွန် ဒါဝိဒ်​ကို ပေး​ခဲ့​တဲ့ ကတိ​တွေ တ​ကယ်​ဖြစ်​လာ​ပါ​စေ။ ၁၈  “ဘုရား​သခင်​က ကမ္ဘာ​မြေပေါ်​မှာ လူ​သား​တွေ​နဲ့​အတူ တ​ကယ်​ပဲ စံ​မြန်း​မှာ​လား။+ ကောင်း​ကင်​သာ​မက အမြင့်​ဆုံး ကောင်း​ကင်​ကြီး​တောင် ကိုယ်​တော် စံ​မြန်း​နိုင်​လောက်​အောင် မကျယ်​ဝန်း​ပါ​ဘူး။+ ကျွန်​တော်​ဆောက်​တဲ့ ဒီ​အိမ်​တော်​ဆို​ရင်​တော့ ပို​လို့​တောင် မဖြစ်​နိုင်​ပါ​ဘူး။+ ၁၉  ယေဟောဝါ​ဘုရား၊ ကျွန်​တော် ဆုတောင်း​နေ​တာ၊ မျက်​နှာ​သာ​ရ​ဖို့ အသနား​ခံ​နေ​တာ​ကို အာ​ရုံ​စိုက်​လှည့်​ပါ။  ရှေ့​တော်​မှာ  ကျွန်​တော် ဆုတောင်း​တာ၊ အကူ​အညီ​တောင်း​ခံ​တာ​ကို နား​ထောင်​ပေး​ပါ။ ၂၀  နာမ​တော်​တည်​စေ​မယ်​လို့ ကိုယ်​တော်​ပြော​ခဲ့​တဲ့ ဒီ​နေ​ရာ၊+ ဒီ​အိမ်​တော်​ကို နေ့​ည​မပြတ် ကြည့်​ရှု​ပေး​ပါ။ ဒီ​နေ​ရာ​ကို မျက်​နှာ​မူ​ပြီး ကျွန်​တော် ဆုတောင်း​နေ​တာ​ကို နား​ထောင်​ပေး​ပါ။ ၂၁  ကျွန်​တော်​နဲ့ လူမျိုး​တော်​အစ္စရေး​တွေ ဒီ​နေ​ရာ​ကို မျက်​နှာ​မူ​ပြီး အကူ​အညီ​တောင်း​တဲ့​အခါ၊ အသနား​ခံ​ဆုတောင်း​တဲ့​အခါ+ စံ​မြန်း​ရာ​ကောင်း​ကင်​က​နေ နား​ထောင်​ပေး​ပါ။+  နား​ထောင်​ပြီး  ခွင့်​လွှတ်​ပေးပါ။+ ၂၂  “လူ​တစ်​ယောက်​က  တ​ခြား​တစ်​ယောက်​ကို ပြစ်​မှား​တယ်​လို့ စွပ်​စွဲ​ခံ​ရ​ပြီး ကျိန်​ပြော​ဖို့* တောင်း​ဆို​ခံ​ရ​တဲ့​အတွက် ဒီ​အိမ်​တော်​မှာ​ရှိ​တဲ့ ပူ​ဇော်ရာ​ပလ္လင်​ရှေ့​ကို လာ​ပြီး ကျိန်​ပြော​မယ်​ဆို​ရင်၊+ ၂၃  ကောင်း​ကင်​က​နေ နား​ထောင်​ပြီး အရေး​ယူ စီရင်​ပေး​ပါ။ ဆိုး​ညစ်​သူ​ကို သူ​လုပ်​ခဲ့​တဲ့​အတိုင်း ပြန်​ဆပ်​ပြီး ဒဏ်​ပေး​လှည့်​ပါ။+ ဖြောင့်​မတ်​သူ​ကို​တော့ အပြစ်​မဲ့​တယ်​လို့ သတ်​မှတ်​ပြီး သူ့​ရဲ့​ဖြောင့်​မတ်​မှု​နဲ့​အညီ ဆု​ချ​လှည့်​ပါ။+ ၂၄  “လူမျိုး​တော်​အစ္စရေး​တွေ အကြိမ်​ကြိမ် အပြစ်​ကျူး​လွန်​တဲ့​အတွက် ရန်​သူ​တွေ​ကို ရှုံး​နိမ့်​သွား​တဲ့​အခါ+ ကိုယ်​တော့်​ဆီ ပြန်​လှည့်​လာ​ပြီး နာမ​တော်​ကို ချီး​မွမ်း​မယ်၊+ ဒီ​အိမ်​တော်​မှာ ဆုတောင်း​ပြီး+ မျက်​နှာ​သာ​ရ​ဖို့ တောင်း​ပန်​မယ်​ဆို​ရင်၊+ ၂၅  ကောင်း​ကင်​က​နေ နား​ထောင်​ပြီး+ လူမျိုး​တော် အစ္စရေး​တွေ​ရဲ့ အပြစ်​ကို ခွင့်​လွှတ်​ပေး​ပါ။ သူတို့​နဲ့ ဘိုး​ဘေး​တွေ​ကို ပေး​ထား​တဲ့​ပြည်​ဆီ ပြန်​ပို့​ဆောင်​ပေး​ပါ။+ ၂၆  “ကိုယ်​တော့်​ကို အကြိမ်​ကြိမ် ပြစ်​မှား​တဲ့​အတွက်+ သူတို့​ကို မာန်​စွယ်​ချိုး​ဖို့ မိုး​ကောင်း​ကင်​ကို​ပိတ်​ပြီး မိုး​ခေါင်​စေ​တဲ့​အခါ+ ဒီ​နေ​ရာ​ကို မျက်​နှာ​မူ​ပြီး သူတို့ ဆုတောင်း​မယ်၊ နာ​မတော်​ကို ချီး​မွမ်း​မယ်၊ အပြစ်​တွေ​ကို ကျော​ခိုင်း​မယ်​ဆို​ရင်၊+ ၂၇  ကောင်း​ကင်​က​နေ နား​ထောင်​ပြီး ကိုယ်​တော့်​ကျေး​ကျွန် အစ္စရေး​တွေ​ရဲ့ အပြစ်​ကို ခွင့်​လွှတ်​ပေးပါ။ သူတို့​လျှောက်​သင့်​တဲ့ လမ်း​မှန်အကြောင်း သွန်သင်​ပေး​ပါ။+ သူတို့​ကို အမွေ​ပေး​ထား​တဲ့  ပြည်​မှာ မိုး​ရွာ​စေပါ။+ ၂၈  “တိုင်း​ပြည်​မှာ အငတ်​ဘေး၊+ ကပ်​ရော​ဂါ​ဘေး၊+  အပူ​ရှိန်​ကြောင့် အပင်​သေတဲ့​ဘေး၊ မှို​ရော​ဂါ၊+ ကျိုင်း​ကောင်​အုပ် ဒါ​မှ​မဟုတ် နှံ​ကောင်​အုပ်​တွေ+ ကျ​ရောက်​တဲ့​အခါ၊ မြို့​တစ်​မြို့​ကို ရန်​သူ​တွေ​ဝိုင်း​ရံ​တဲ့​အခါ+ ဒါ​မှ​မဟုတ် ဘေး​ဒဏ်​တစ်​မျိုး​မျိုး၊ ရော​ဂါ​တစ်​မျိုး​မျိုး ကျ​ရောက်​တဲ့​အခါ၊+ ၂၉  တစ်​ဦး​တစ်​ယောက်​ဖြစ်​စေ၊  အစ္စရေး​လူ​အား​လုံး​ဖြစ်​စေ (ကိုယ့်​ဒုက္ခ​ဝေ​ဒ​နာ​ကို ကိုယ်​ပဲ​သိ​တဲ့​အတွက်)+ ဒီ​အိမ်​တော်​ဘက်​ကို လက်​ဖြန့်​ပြီး ဆုတောင်း​မယ်၊+ မျက်​နှာ​သာ​ရ​ဖို့ အသနား​ခံ​မယ်​ဆို​ရင်၊+ ၃၀  စံ​မြန်း​ရာ  ကောင်း​ကင်​က​နေ နားထောင်​ပြီး+ ခွင့်​လွှတ်​ပေး​ပါ။+ တစ်​ဦး​စီ​ရဲ့​စိတ်​ကို ကိုယ်​တော်​သိ​တဲ့​အတွက် သူတို့​ရဲ့​လုပ်​ရပ်​အတိုင်း ဆု​ချ​ပေး​ပါ။ (လူ့စိတ်​နှလုံး​ကို ကိုယ်​တော်​တစ်ပါး​တည်းသာ အမှန်​တ​ကယ် သိ​တာ​ပါ။)+ ၃၁  ဒါ​မှ​သာ သူတို့​ဟာ ဘိုး​ဘေး​တွေ​ကို ပေး​ထား​တဲ့​ပြည်​မှာ နေ​ထိုင်​သမျှ​ကာလ​ပတ်​လုံး ကိုယ်​တော့်​လမ်း​စဉ်​အတိုင်း လိုက်​လျှောက်​ပြီး ကိုယ်​တော့်​ကို ကြောက်​ရွံ့​ရို​သေကြ​ပါ​လိမ့်​မယ်။ ၃၂  “ဒါ့​အပြင် အစ္စရေး​လူမျိုး မဟုတ်​ပေမဲ့ နာ​မတော်​ကြောင့် ရပ်​ဝေး​က​နေ ရောက်​လာ​တဲ့  တိုင်း​တစ်ပါး​သား​က ကြီးမြတ်​တဲ့  နာ​မတော်၊+ အား​ကြီး​တဲ့​လက်၊ တန်ခိုး​ကြီး​တဲ့ လက်​ရုံး​တော်​ကြောင့် ဒီ​အိမ်​တော်​ဘက်​ကို မျက်​နှာ​မူ​ပြီး ဆုတောင်း​မယ်​ဆို​ရင်၊+ ၃၃  စံ​မြန်း​ရာ ကောင်း​ကင်​က​နေ နား​ထောင်​ပေး​ပါ။ သူ​တောင်း​လျှောက်​သမျှ လုပ်​ဆောင်​ပေး​ပါ။ ဒါ​မှ​သာ ကမ္ဘာ​ပေါ်​က လူမျိုး​အားလုံး​ဟာ လူမျိုး​တော် အစ္စရေး​တွေ​လို​ပဲ နာ​မတော်​ကို သိ​လာ​ပြီး+ ကိုယ်​တော့်​ကို ကြောက်​ရွံ့​ရို​သေကြ​မှာ​ပါ။ ကျွန်​တော်​ဆောက်​တဲ့ ဒီ​အိမ်​တော်​ကို နာ​မတော်​နဲ့ သမုတ်​ထား​မှန်း သိ​လာ​ကြ​မှာ​ပါ။ ၃၄  “အစ္စရေး​တွေ​ဟာ အမိန့်​တော်​အတိုင်း ရန်​သူ​တွေ​ကို စစ်​တိုက်​ထွက်​တဲ့​အခါ+ ကိုယ်​တော်​ရွေး​ချယ်​ထား​တဲ့ ဒီ​မြို့​ဘက်၊ နာ​မတော်​အတွက် ကျွန်​တော်​ဆောက်​ထား​တဲ့ ဒီ​အိမ်​တော်​ဘက် မျက်​နှာ​မူ​ပြီး ကိုယ်​တော့်​ဆီ ဆုတောင်း​မယ်​ဆို​ရင်၊+ ၃၅  သူတို့​ဆုတောင်း​တာ၊ မျက်​နှာ​သာ​ရ​ဖို့  အသနား​ခံ​တာ​ကို ကောင်း​ကင်​က​နေ နား​ထောင်​ပြီး  သူ​တို့အတွက် တရား​သဖြင့် လုပ်​ဆောင်​ပေးပါ။+ ၃၆  “(အပြစ်​မလုပ်​တဲ့​သူ  တစ်​ယောက်​မှ မရှိ​တဲ့​အတွက်) အစ္စရေး​တွေ အပြစ်​ကျူး​လွန်​တဲ့​အခါ+ အမျက်​ထွက်​ပြီး ရန်​သူ့​လက်​ထဲ အပ်​လိုက်​လို့ ရပ်​နီး​ရပ်​ဝေး​တိုင်း​ပြည်​ဆီ သုံ့​ပန်း​အဖြစ် ဖမ်း​ခေါ်​ခံ​ရ​ပြီး​နောက်၊+ ၃၇  အဲဒီ​တိုင်း​ပြည်​မှာ အသိ​တရား​ရ​လာ​ပြီး ကိုယ်​တော့်​ဆီ ပြန်​လှည့်​လာ​မယ်​ဆို​ရင်၊ ‘ကျွန်​တော်​တို့ ပြစ်​မှား​ပါ​ပြီ။ အမှား​လုပ်​မိ​ပါ​ပြီ။ မိုက်​မိုက်​မဲ​မဲ လုပ်​မိ​ပါ​ပြီ’ လို့​ဝန်​ခံ​ပြီး ရန်​သူ့​တိုင်း​ပြည်​က​နေ မျက်​နှာ​သာ​ရ​ဖို့ တောင်း​ပန်​မယ်​ဆို​ရင်၊+ ၃၈  ရန်​သူ့​တိုင်း​ပြည်​မှာ သုံ့​ပန်း​ဘဝ​ရောက်​နေ​တုန်း ကိုယ်​တော့်​ဆီ စိတ်​စွမ်း​ရှိ​သမျှ၊+ ကိုယ်​စွမ်း​ရှိ​သမျှ ပြန်​လှည့်​လာ​မယ်​ဆို​ရင်၊+ ဘိုး​ဘေး​တွေ​ကို​ပေး​တဲ့ ပြည်​ဘက်၊ ကိုယ်​တော်​ရွေး​ချယ်​တဲ့ မြို့​ဘက်၊ နာမ​တော်​အတွက် ကျွန်​တော်​ဆောက်​တဲ့ အိမ်​တော်​ဘက် မျက်​နှာ​မူ​ပြီး ဆုတောင်း​မယ်​ဆို​ရင်၊+ ၃၉  သူတို့​ဆုတောင်း​တာ၊ မျက်​နှာ​သာ​ရ​ဖို့ အသနား​ခံ​တာ​ကို စံ​မြန်း​ရာ ကောင်း​ကင်​က​နေ နား​ထောင်​ပြီး သူတို့​အတွက် တရား​သဖြင့် လုပ်​ဆောင်​ပေး​ပါ။+ ကိုယ်​တော့်​ကို ပြစ်​မှား​တဲ့ ဒီ​လူမျိုး​ကို ခွင့်​လွှတ်​ပေး​ပါ။ ၄၀  “အို​ဘုရား​သခင်၊  ဒီ​နေ​ရာ​မှာ​ ဆု​တောင်း​တဲ့​အခါ မြင်​လှည့်​ပါ။  ဂရု​တစိုက် နား​ထောင်​ပေး​ပါ။+ ၄၁  ယေ​ဟောဝါ​ဘုရား၊  ကိုယ်​တော့်  အစွမ်း​ခွန်အား​ရဲ့  အမှတ်​လက္ခ​ဏာ​ဖြစ်​တဲ့ သေတ္တာ​တော်​နဲ့​အတူ ဒီ​နေ​ရာ​မှာ စံ​မြန်း​တော်​မူ​ပါ။+ ယေဟောဝါ​ဘုရား၊ ပုရော​ဟိတ်​တွေ​ဟာ  ကယ်​တင်​ခြင်း​ဝတ်​ရုံ​ကို  ဝတ်​ဆင်​ကြ​ပါ​စေ။  ကိုယ်​တော့်​အ​ပေါ်  သစ္စာ​စောင့်​သိ​သူ​တွေ​လည်း ကောင်းမြတ်​ခြင်း​ကျေး​ဇူး​ကြောင့် ဝမ်း​မြောက်​ကြ​ပါ​စေ။+ ၄၂  ယေဟောဝါ​ဘုရား၊ ကိုယ်​တော်  ဘိ​သိက်​ပေး​ထား​သူ​ကို မငြင်း​ပယ်​လိုက်​ပါ​နဲ့။+ ကိုယ်​တော့်​ကျွန်  ဒါဝိဒ်​အပေါ်​ပြတဲ့  ခိုင်​မြဲတဲ့​မေတ္တာ​ကို  သတိ​ရ​ပါ”+  ဆို​ပြီး​ဆု​တောင်း​​တယ်။

အောက်ခြေမှတ်ချက်များ

^ မဟုတ်​မမှန်​ကျိန်​ပြော​ရင် ပြစ်​ဒဏ်​သင့်​ပါ​စေ​ဆို​တဲ့ ကျိန်​ဆို​ချက်​ကို ဆိုလို။
ကမ္ဘာသစ်ဘာသာပြန်ကျမ်း
၂ ရာဇဝင်ချုပ် ၆
မြန်မာ လက်သင်္ကေတပြဘာသာစကား
ကျမ်း​စောင်​အ​မည်​များ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt ၄၀