Salimo 118:1-29
118 Yamikani Yehova, chifukwa iye ndi wabwino.+Chikondi chake chokhulupirika chidzakhalapo mpaka kalekale.
2 Isiraeli anene kuti:
“Chikondi chake chokhulupirika chidzakhalapo mpaka kalekale.”
3 Anthu amʼnyumba ya Aroni tsopano anene kuti:
“Chikondi chake chokhulupirika chidzakhalapo mpaka kalekale.”
4 Anthu amene amaopa Yehova tsopano anene kuti:
“Chikondi chake chokhulupirika chidzakhalapo mpaka kalekale.”
5 Nditavutika ndinaitana Ya.*Ya anandiyankha nʼkundipititsa pamalo otetezeka.*+
6 Yehova ali kumbali yanga, sindidzaopa.+
Munthu angandichite chiyani?+
7 Yehova ali kumbali yanga ndipo akundithandiza.+Ndidzayangʼana anthu amene amadana nane atagonja.+
8 Kuthawira kwa Yehova nʼkwabwinoKusiyana ndi kudalira anthu.+
9 Kuthawira kwa Yehova nʼkwabwinoKusiyana ndi kudalira akalonga.+
10 Mitundu yonse ya anthu inandizungulira,Koma mʼdzina la Yehova,Ndinaithamangitsira kutali.+
11 Mitunduyo inandizungulira, ndithu inandizungulira kumbali zonse.Koma mʼdzina la YehovaNdinaithamangitsira kutali.
12 Inandizungulira ngati njuchi,Koma inathimitsidwa mwamsanga ngati moto umene uli pakati pa minga.
Mʼdzina la Yehova,Ndinaithamangitsira kutali.+
13 Ndinakankhidwa kwambiri kuti ndigwe,Koma Yehova anandithandiza.
14 Ya ndi malo anga obisalapo komanso mphamvu yanga,Iye wakhala chipulumutso changa.+
15 Phokoso lachisangalalo komanso chipulumutso*Likumveka mʼmatenti a anthu olungama.
Dzanja lamanja la Yehova likusonyeza mphamvu zake.+
16 Dzanja lamanja la Yehova lakwera mʼmwamba chifukwa wapambana.Dzanja lamanja la Yehova likusonyeza mphamvu zake.+
17 Sindidzafa, koma ndidzakhala ndi moyo,Kuti ndilengeze ntchito za Ya.+
18 Ya anandilanga mwamphamvu,+Koma sanalole kuti ndife.+
19 Nditsegulireni mageti achilungamo.+Ndidzalowa mmenemo ndipo ndidzatamanda Ya.
20 Ili ndi geti la Yehova.
Olungama adzalowa pamenepo.+
21 Ndidzakutamandani, chifukwa munandiyankha+Ndipo munakhala chipulumutso changa.
22 Mwala umene omanga nyumba anaukanaWakhala mwala wapakona* wofunika kwambiri.+
23 Umenewu wachokera kwa Yehova,+Ndipo ndi wodabwitsa mʼmaso mwathu.+
24 Ili ndi tsiku limene Yehova wapanga.Tidzakondwera ndi kusangalala pa tsiku limeneli.
25 Yehova tikukupemphani, chonde tipulumutseni.
Yehova, chonde tithandizeni kuti tipambane.
26 Wodalitsidwa ndi amene akubwera mʼdzina la Yehova.+Tikupempha kuti Yehova akudalitseni mʼnyumba yake.
27 Yehova ndi Mulungu.Iye amatipatsa kuwala.+
Tiyeni tikhale limodzi ndi gulu la anthu amene akupita kuchikondwerero atanyamula nthambi mʼmanja mwawo,+Mpaka kukafika panyanga za guwa lansembe.+
28 Inu ndinu Mulungu wanga ndipo ndidzakutamandani.Ndinu Mulungu wanga ndipo ndidzakukwezani.+
29 Yamikani Yehova,+ chifukwa iye ndi wabwino.Chikondi chake chokhulupirika chidzakhalapo mpaka kalekale.+
