Salimo 12:1-8
-
Yehova amanyamuka nʼkuchitapo kanthu
-
Mawu a Mulungu ndi oyera (6)
-
Kwa wotsogolera nyimbo. Aimbe nyimboyi pa Sheminiti.* Nyimbo ya Davide.
12 Ndipulumutseni, inu Yehova, chifukwa anthu okhulupirika atha.Anthu okhulupirika atheratu pakati pa anthu.
2 Iwo amauzana zinthu zabodza.Ndi milomo yawo, amayamikira ena mwachiphamaso* komanso kulankhula ndi mtima wachinyengo.*+
3 Yehova adzadula milomo yonse yolankhula zachinyengoKomanso lilime lolankhula modzikweza.+
4 Iye adzadula anthu amene amanena kuti: “Ndi lilime lathu tidzapambana.
Timagwiritsa ntchito milomo yathu mmene tikufunira.Ndi ndani angatilamulire?”+
5 Yehova wanena kuti: “Chifukwa chakuti ovutika akuponderezedwaChifukwa cha kuusa moyo kwa anthu osauka,+Ndidzanyamuka nʼkuchitapo kanthu,
Ndidzawapulumutsa kwa anthu amene akuwanyoza.”*
6 Mawu a Yehova ndi oyera.+Ali ngati siliva woyengedwa mungʼanjo yadothi nthawi zokwanira 7.
7 Inu Yehova mudzawayangʼanira.+Aliyense wa iwo mudzamuteteza ku mʼbadwo uwu mpaka kalekale.
8 Anthu oipa akungoyendayenda popanda wowaletsa,Chifukwa chakuti ana a anthu amalimbikitsa anthu kuchita zinthu zoipa.+
Mawu a M'munsi
^ Onani Matanthauzo a Mawu Ena.
^ Mʼchilankhulo choyambirira, “amalankhula ndi mlomo woshashalika.”
^ Mʼchilankhulo choyambirira, “ndi mtima komanso mtima.”
^ Kapena kuti, “akuwanyogodola.”
