Salimo 141:1-10
Nyimbo ya Davide.
141 Inu Yehova, ine ndakuitanani.+
Bwerani mofulumira kuti mudzandithandize.+
Mutchere khutu ndikamakuitanani.+
2 Pemphero langa likhale ngati zofukiza+ zokonzedwa pamaso panu,+Mapembedzero anga akhale ngati nsembe yambewu yamadzulo.+
3 Inu Yehova, ikani mlonda pakamwa panga.Ikani woti azilondera patsogolo pa milomo yanga.+
4 Musalole kuti mtima wanga uzikonda chinthu chilichonse choipa,+Komanso kuti ndizichita zinthu zoipa limodzi ndi anthu oipa.Sindikufuna kudya chakudya chawo chapamwamba.
5 Wolungama akandimenya ndiye kuti wandisonyeza chikondi chokhulupirika.+Akandidzudzula zingakhale ngati wandidzoza mafuta pamutu,+Mafuta amene mutu wanga sungawakane.+
Ndidzapemphererabe anthu olungama ngakhale pamene masoka awagwera.
6 Ngakhale oweruza awo atawagwetsera pansi kuchokera pathanthwe,Anthu adzamvetsera mawu anga chifukwa ndi osangalatsa.
7 Mafupa athu amwazika pakamwa pa Manda,*Mofanana ndi dothi limene limamwazika munthu akamalima.
8 Koma ine maso anga ali pa inu Yehova, Ambuye Wamkulu Koposa.+
Ine ndathawira kwa inu.
Musachotse moyo wanga.
9 Nditetezeni kuti ndisagwidwe pamsampha umene anditchera,Kuti ndisakodwe ndi makhwekhwe a anthu ochita zoipa.
10 Oipa onse adzagwera mʼmaukonde awo omwe,+Koma ine ndidzadutsa bwinobwino.
Mawu a M'munsi
^ Amenewa ndi manda a anthu onse. Onani Matanthauzo a Mawu Ena.
