Salimo 31:1-24
Kwa wotsogolera nyimbo. Nyimbo ya Davide.
31 Ndathawira kwa inu Yehova.+
Musalole kuti ndichite manyazi.+
Ndipulumutseni chifukwa cha chilungamo chanu.+
2 Tcherani khutu lanu* kwa ine.
Ndilanditseni mofulumira.+
Mukhale malo anga otetezeka apaphiri,Mukhale malo a mpanda wolimba kuti mundipulumutse.+
3 Chifukwa inu ndinu thanthwe langa ndi malo anga achitetezo.+Chifukwa cha dzina lanu,+ mudzanditsogolera ndi kundilozera njira.+
4 Mudzandipulumutsa mu ukonde umene anditchera mwachinsinsi,+Chifukwa inu ndinu malo anga achitetezo.+
5 Ndikupereka mzimu wanga mʼmanja mwanu.+
Mwandiwombola, inu Yehova Mulungu wa choonadi.*+
6 Ndimadana ndi anthu amene amadzipereka kwa mafano achabechabe komanso opanda pake.Koma ine ndimadalira Yehova.
7 Ndidzasangalala kwambiri chifukwa cha chikondi chanu chokhulupirika,Chifukwa mwaona kusautsika kwanga.+Mukudziwa mavuto aakulu amene ndili nawo.*
8 Simunandipereke mʼmanja mwa adani,Koma mwachititsa kuti ndiime pamalo otetezeka.*
9 Ndikomereni mtima inu Yehova, chifukwa ndavutika kwambiri.
Maso anga afooka chifukwa cha chisoni,+ chimodzimodzinso thupi langa lonse.*+
10 Moyo wanga ndi wodzaza ndi chisoni+Ndipo zaka za moyo wanga nʼzodzaza ndi kubuula.+
Mphamvu zanga zikuchepa chifukwa cha zolakwa zanga,Mafupa anga afooka.+
11 Adani anga onse amandinyoza,+Makamaka anthu oyandikana nawo.
Ndipo anthu ondidziwa amachita nane mantha.Akandiona ndili panja amandithawa.+
12 Iwo anandiiwala* ngati kuti ndinafa.Ndili ngati chiwiya chosweka.
13 Ndamva mphekesera zambiri zoipa.Ndikuchita mantha chifukwa ndikuopsezedwa kuchokera kumbali zonse.+
Akasonkhana pamodzi kuti alimbane nane,Amakonza chiwembu kuti achotse moyo wanga.+
14 Koma ine ndimakhulupirira inu Yehova.+
Ndipo ndikunena kuti: “Inu ndinu Mulungu wanga.”+
15 Moyo wanga uli* mʼmanja mwanu.
Ndilanditseni mʼmanja mwa adani anga komanso kwa anthu amene akundizunza.+
16 Ndikomereni mtima, ine mtumiki wanu.+
Ndipulumutseni ndi chikondi chanu chokhulupirika.
17 Inu Yehova, musalole kuti ndichite manyazi pamene ndikukuitanani.+
Anthu oipa achite manyazi.+Apite ku Manda* ndipo akhale chete.+
18 Milomo yonena mabodza isowe chonena,+Milomo imene imalankhula modzikweza komanso monyoza wolungama.
19 Ubwino wanu ndi wochuluka kwambiri!+
Ubwino umenewu mwasungira anthu amene amakuopani,+Ndipo mwausonyeza kwa anthu amene amathawira kwa inu, pamaso pa anthu onse.+
20 Mudzawabisa mʼmalo otetezeka pafupi ndi inu,+Kuwachotsa kwa anthu amene awakonzera chiwembu.Mudzawabisa mʼmalo anu otetezekaKuti anthu amene akuwanyoza asawapeze.*+
21 Yehova atamandike,Chifukwa mʼnjira yodabwitsa, wandisonyeza chikondi chokhulupirika+ mumzinda umene wazunguliridwa ndi adani.+
22 Koma ine ndinapanikizika nʼkunena kuti:
“Ndifa ndipo simudzandionanso.”+
Koma inu munamva kuchonderera kwanga kopempha thandizo pamene ndinafuulira kwa inu.+
23 Kondani Yehova, inu nonse amene muli okhulupirika kwa iye!+
Yehova amateteza okhulupirika,+Koma aliyense wodzikuza amamulanga kwambiri.+
24 Limbani mtima ndipo muchite zinthu mwamphamvu,+Inu nonse amene mukuyembekezera Yehova.+
Mawu a M'munsi
^ Kapena kuti, “Weramani nʼkumvetsera.”
^ Kapena kuti, “Mulungu wokhulupirika.”
^ Kapena kuti, “mavuto a moyo wanga.”
^ Kapena kuti, “pamalo otakasuka.”
^ Kapena kuti, “moyo wanga komanso mʼmimba mwanga.”
^ Mʼchilankhulo choyambirira, “anandichotsa mumtima mwawo.”
^ Mʼchilankhulo choyambirira, “Nthawi zanga zili.”
^ Amenewa ndi manda a anthu onse. Onani Matanthauzo a Mawu Ena.
^ Mʼchilankhulo choyambirira, “Ku mikangano ya malilime.”
